Hið íslenska jeppaspjall

Eftir mikla leit og miklar vangaveltur er ég aftur kominn á jeppa.
Kröfurnar voru miklar en ég vildi bæði mikið pláss og trausta, aflmikla vél. Einnig var það skilyrði að bíllinn væri þægilegur langkeyrslubíll.
Eftir mörg ár á Patrol hef ég vanist þægilegum, hægfara ferðalögum og vildi helst ekkert breyta því of mikið, nema hvað að geta kannski farið hraðar upp smá halla.

Hinsvegar...

Þá endaði ég á því að kaupa bíl sem uppfyllir voðalega lítið af þessum skilyrðum.

2000 árgerð af Land Rover Defender 130 með blæju og stiga á hliðinni.


Mynd úr fyrsta ferðalaginu á honum. Bónusstig fyrir þann sem getur upp á því hvar myndin er tekin


Fínasti grillvagn

Og þá er að sjá hvort gamli draumurinn um að eiga 35" Defender sé af hinu góða eða algjör martröð. Þeir bílar sem ég hef keyrt eftir að hafa vanist þessum eru allir með pedanalega asnalega mikið hægra megin...

til hammó! alltaf gott að eiga fjórhjóladrifið landbúnaðartæki.

efri myndina þekki ég ekki, (varla er þetta Einhyrningur frá undarlegu sjónarhorni?) en ég ætla að giska á að neðri myndin sé tekin einhversstaðar á leiðinni inní Fjörður, líklegast rétt eftir að maður fer útaf þjóðveginum...

Til lukku með vagninn.
Ég myndi einnig skjóta á að þetta sé Einhyrningur.

Sælir, Einhyrningur er þetta ekki og ekki var ég á leið inn í Fjörður.

Á sama landsfjórðungi má einnig finna tvo stóra ryðgaða sívalninga og stromp.

Ertu inni flateyjardal?

Flateyjadalur

Að mínum dómi er þetta nú hinn opinberi Jeppaspjallsjeppi og ég sé fram á að við verðum að breyta logoinu.

Nei, ekki er ég í Flateyjardal á neinni myndinni. Né er ég á norðurlandi, þetta fer að verða æsispennandi.

Fyrstu tvær eru teknar frekar nálægt hvor annari en hin er í um 60 km fjarlægð.

Loksins ertu orðinn gamall og leiðinlegur Landrovertáfýlustrumpur. Til hamingju með bílinn, eru einhverjar breytingar á stefnuskránni ?

Táfýlan er vissulega óbærileg.

Engar stórvægilega breytingar áformaðar, en það fyrsta sem ég gerði var að setja loftdælu og kút í hann.

Er þetta kirkjufellið á efstu myndinni

Ert þú á Djúpuvík þar sem tankarnir eru og strompurinn ???

Magnús Þór wrote:Er þetta kirkjufellið á efstu myndinni

Sæll, gott gisk en nei, en ekki er þetta Kirkjufell.

Landhlutinn er Vestfirðir.

villi58 wrote:Ert þú á Djúpuvík þar sem tankarnir eru og strompurinn ???

Nei, en þú ert að hitna...

Járni wrote:

villi58 wrote:Ert þú á Djúpuvík þar sem tankarnir eru og strompurinn ???

Nei, en þú ert að hitna...

Ég man bara eftir svona stromp í Ísafjarðardjúpinu.

suðureyri í tálknafirði

en kveiki enn ekki á fjallinu á efstu myndinni,,dettur í hug reykhólasveitin eða þar í kring ?

ertu í ingólfsfirði

Magnús Þór wrote:suðureyri í tálknafirði

en kveiki enn ekki á fjallinu á efstu myndinni,,dettur í hug reykhólasveitin eða þar í kring ?

Ding Ding Ding!
Gamla hvalvinnslustöðin í Tálkafirði, rétt er það!
Fjallið er Skálmarnesfjall

Eitthvað hefur nú breyst frá síðasta innleggi.

Hvar er ég núna og hvað hefur breyst?

Þú ert týndur... jeppinn er hinsvegar kominn á 38" dekk. Kastaragrind að framan og camper á pallinn.. traust þitt á jeppanum hefur hinsvegar minnkað til muna og þess vega hefurðu brugðið á það ráð að taka reiðhjól með í ferðalagið :)

Erfitt að átta sig á því nákvæmlega....það er komið einhvert neðra snorkel fyrirbrigði á hægra frambrettið frá fyrri myndum...annars sé ég ekki mikinn mun....

....og ég hallast að því að myndin sé tekin á íslandi....

Haha já, reiðhjólin eru til að komast yfir erfiðustu kaflana.

Við erum svosem ekki á mjög framandi stað, við Húsafell. Svo skulda ég smá uppfærslu í nánari myndum og máli.