Hið íslenska jeppaspjall

Rosalega skemmtilegt að lesa og fylgjast með þessum smíðum.
Hvaða árgerð af bíl er þetta og hvernig hásingar eru í honum?

Sæll og takk fyrir það.
Eins og fyrirsögnin segir, þá er þetta 2003 árg. með 7.3L. Einn af síðustu bílunum sem voru framleiddir með 7.3L vélinni. Þetta er upprunalega dually bíll, en lenti í smá tjóni á skúffu, þegar að það sprakk á einu dekkinu að aftan og hreinsaði aðra hliðina nánast úr skúffunni. Þá var sett venjuleg skúffa og hann settur á einfalt að aftan. Það er Dana80 að aftan og Dana60 að framan, með 4.10 hlutföll.
Þar sem að afturhásingin er 1 3/4" breiðari hvoru megin, þá var því eytt út með sitthvorri staðsetningunni á felgubotnunum í felgunum, til að hann myndi spora sig rétt.

Jæja, tók mig til í dag og fór á felguna.
Sauð saman eina breikkun. Til að minnka áhrif suðusamdrátts, þá sýð ég breikkanirnar fyrst saman í mótinu, sem ég valsaði og renndi.

Og svona lýtur það út, eftir suðu.




Síðan setti ég klóplanið í bekkinn og klukkaði felguna inn, til að hafa þetta sem réttast, þegar að maður stingur hana í tvennt.




Þegar að ég var búinn að stinga felguna, þá var annar helmingurinn fínstilltur og planaður, ásamt því að fá stýringu fyrir samsetningu.



Síðan kemur stýring á móti í breikkuninni.

Lítið verið að gerast í þessum, uppá síðkastið. En samt smá. Þar sem að það var farið að heyrast í bremsunum að framan, þá var ákveðið að halda áfram í bremsustimpla smíði. Renndi nýja stimpla í framhásinguna, og þá eru allir stimplar orðnir riðfrýir, bæði að framan og aftan.



Einnig voru dælur teknar og sandblásnar og málaðar og nýjar þéttingar settar í þær.



Fengnir voru nýjir diskar og klossar.



Og svo var allt sett saman.



Þannig að nú ættu bremsumálin að vera í lagi.

Fékk mér ný mont ljós á toppinn, hjá Alla frænda.

Og svona koma þau út.

Jæja.
Það er lítið að gerast í ford, þessa dagana, annað en að spreða peningum í hann og fjölga verkefnunum.
Lét verða af því að versla mér spil á hann, frá ameríkuhreppi, og var það að koma í hús.

Og svona lýtur það út.





Einnig verslaði ég mér svona húdd scope.




En það á eftir að sprauta það og setja á bílinn. Koma myndir af því síðar, ásamt spilinu á bílnum.

þannig þetta er þà 7.3 með common rail, fràbær mótor

Já, en hálf common rail.

Hvernig leist þér svo á þetta spil ? búinn að spá í þessu i smá tíma... og hvað kostaði það heim komið??? agalegt úrval af þessu dóti og madur veit ekkert hvað á að kaupa.

Það kostaði 75.000kr. hingað komið, með öllu. Var að vísu með fríann flutning.
Fannst ég fá mest fyrir aurinn í þessu spili.
Eftir smá vangaveltur, þá réðu þessir þættir valinu:
IP 68
Léttari en flest spil sem ég var að bera það við.
Var með öflugasta mótorinn, eða 6.6hp á meðan að Warn er t.d. að nota 4.6hp á sömu stærð.
aðeins meiri niðurgírun, þrátt fyrir stærri mótor.
Fjarstýring bæði þráðlaus og með snúru, bara taka snúruna úr sambandi.
Eilífðar ábyrgð á mekaníska hlutanum og þriggja ára ábyrgð á rafmagnshlutanum. Sem mér fansst benda til ákveðins gæðis, þar sem að allir eru í tómum málaferlum, þarna í Ameríkuhreppi reglulega.
Þetta á ekki að vera framleitt í Kína og þeir eru búnir að vera að framleiða þetta í 55 ár, þannig að það ætti að segja manni eitthvað. Þó svo að maður hafi aldrei heyrt neitt um þetta merki.

Þannig að ég ákvað bara að prófa þetta. Það var einhver tilfinning sem réð þessu aðallega.
Svo verður bara tíminn að leiða það í ljós, hversu góð tilfinningin var.

Þá er maður aðeins dottinn í smá facelift.
Verslaði mér nýtt grill 2005-2007, sem er ætlað á 1999-2004 árg.Það sem að þeir gera þarna í ameríkuhreppi, er að þeir taka orginal 2005-2007 grill og fræsa neðan af því.

Svona lýtur það út.




Síðan var ætlast til að maður myndi bara strappa það að neðan, með rafmagnsböndum, en það var mér ekki að skapi.
Fór í það að útfæra og smíða festingu að neðan.

Svona lýtur hún út.




Síðan var grillinu bara skellt á, eins og gamla grillinu.



Það er líka hægt að fá þessa útfærslu í aftermarket grillunum.

Keypti einmitt frammenda á minn, gamli stuðarinn var farinn að ryðga i gegn innan frá, fekk nyrri stuðarann með plastinu að ofan, svo núna þegar við breittum bílnum um daginn þá færðum við stuðarann framm og þá kom þetta leiðinda gab á milli stuðara og grills/ljosa.... og núna er madur að spá í hvernig hægt sé að fegra þetta, finnst ekki passa að fá rifflað ál þarna á milli og í plastið.......


Enn þessi grill lífga vel upp á þá blessaða =)

Ég er samála því. Ef að ég hefði verið með t.d. svona stuðara eins og þú, þá hefði ég sennilega gert þetta úr trefjaplasti og sprautað í sama lit.
Það eina sem ég held. Er að yfirborðið, þarf að vera hrúft. Ef að það er slétt, þá er það svo sleipt, þegar að það er snjór og þú þarft að príla uppá stuðarann.

Það er spurning, hvort að þú ættir samt ekki að smíða þetta úr táraplötuefni og fá mótið. Getur prófað að sprauta það eða pólýhíða í sama lit, ef það er hægt, eða láta svo taka mót af því og gera þetta úr trefjaplasti, þá færðu hrjúfu áferðina í þetta, og þetta er steypt sem eitt stykki. Sem er svo sprautað með trukkalakki.

Mér finnst þessi grillskifti, vera eins og að maður hafi skift um bíl. Ótrúlegt hvað þetta gerir mikið fyrir þá.

Jæja, þá er faceliftinu á framendanum lokið í bili.

Svona kemur það út:



Svona til gamans, þá leit hann svona út, þegar að ég fékk bílinn:



Byrjaður að móta pall-lok:



Hér er það svo ósamsett. Bara búið að beygja efnið í fyrsta hlutann.



Svo er bara að sjá hversu hratt, pall-lokasmíðin á eftir að taka.

PS.
Skifti þessum út líka:

Jæja.
Ákvað að fara að skoða þessi breytingamál aftur.
Reif af einn 38" kantinn og fór að bera við 46-49" kantinn. Þar sem að það þarf aðeins að laga hann, eftir smá tjón.



Stefnan tekin á hásingafærsluna að aftan, loftpúðafjöðrun og kannski lóló í leðinni.

Jæja.
Það hefur lítið verið að gerast í þessum, þar sem að ég hef þurft að vera að nota hann.
En áhvað nú samt að nota tímann í pantanir og sendingar.

Pantaði mér nýjan loftlás í afturhásinguna, frá ameríkuhreppi.



Og 4.88 hlutföll í framhásinguna.



Ásamt legum í framhásinguna.



Fékk mér líka smá ál, til að smíða lógír.



Þar sem að tímaskorturinn er algjör, þá gerast hlutirnir hægt.

Gaman að fylgjast með ! Endilega haltu áfram að skella in myndum og uppfærslum!

Alltaf gaman að skoða þennan þráð, sérstaklega fyrir einhvern sem á slíkann bíl,

Flottur kallinn,ertu búinn að smíða og festa pallokið á ?

Nei, þurfti að setja húsið á aftur.
En læt fylgja með nokkrar myndir af þessu.

Byrjaði á því að sjóða saman hornin.



Síðan var þetta mátað.



Stillt upp og punktað saman.




Síðan er þetta bara soðið saman og settar í þetta styrkingar, áður en að opnanlegi hlutinn er settur.
Það munu koma myndir af því síðar, eða þegar að ég fer í það.

Auhj, þetta palllok er ýkt spennandi!

Takk fyrir það.
Stútaði einum millikassa, til að ná mér í hlutfall og varahluti.
Ætlaði aldrei að ná ytri hringnum fyrir plánetugírinn. En úr skyldi hann fara.
Þannig að þá er hægt að fara að hanna milligír, svo að ég þurfi bara að breyta drifskaftinu einu sinni ( vonandi ).
Millikassinn hét NP-273f

Ákvað að fara að reyna að hanna þennan milligír um helgina.
Búið að gróf renna þetta.



Eða svona nóg til að það sé hægt að fara að full renna þetta.

Jæja,
Þar sem að það er verið að tala um að rífa upp jeppaspjallið, þá er best að reyna að leggja sitt af mörkum.
Er búinn að vera að renna mér svolítið og hér er útkoman úr því.

Búið að renna í mál fyrir legu og ytri hring á plánetugír.



Síðan þurfti ég að smíða mér bómu til að taka sporið fyrir hringsplittið.



Búið að taka sporið fyrir hringsplittið.



Verið að máta.

Hvenær kemst þessi bíll yfir ánna einsog hann minnist á i upphafi

Sæll.
Það er nú ekki alveg vitað ennþá.
En til að hann verði ekki óökufær of lengi, þá mun ég klára milligírinn og framhásinguna fyrst, áður en ég set hann á skurðarborðið. Þar sem að ég hef mun minni tíma í þetta verkefni, heldur en að ég vildi, þá verður það bara að taka lengri tíma.
Stefnan var að hann færi á skurðarborðið í haust, en ætli það verði ekki frekar næsta haust. Vonum bara sem fyrst.

Fyrir þá sem hafa ekki aðgang að rennibekk þá eru þessir að smíða svona milligíra;
http://www.northwestfab.com/NWF-BlackBox-Underdrive_c_7.html

Hvernig er það, verða þessir 38" kantar til sölu :)

íbbi wrote:Hvernig er það, verða þessir 38" kantar til sölu :)

Já. Reikna með því.

Eitthvað smá verið gert í þessum.

Hér er verið að máta og spá og spegulera.




Síðan pantaði ég mér deiligír frá Kína, til að geta borað gatadeilingar án mikillar fyrirhafnar.

Hér er svo verið að taka rétta gatadeilingu fyrir endann á sjálfskiftingunni.




Einnig er búið að útfæra stólinn fyrir ABS-nemann í nöfin að framan.

Hér eru nokkrar myndir af því.

Þetta er svakalega vandað! Ég held að þessi milligír gefi þessum frá North west fabworks ekkert eftir.

Takk fyrir það Jón.
Milligírinn verður vonandi alvöru. Verð með aðra útfærslu á skiftirinum, heldur en ég hef séð hingað til.

Jamm uss hvað er gaman að skoða þetta hjá þér og þú ert með alvöru græjur. Meiriháttar vinnubrögð á öllu. Stórt LIKE á þráðinn

sukkaturbo wrote:Jamm uss hvað er gaman að skoða þetta hjá þér og þú ert með alvöru græjur. Meiriháttar vinnubrögð á öllu. Stórt LIKE á þráðinn

Stórt LIKE á það.

Já tek undir það, mjög skemmtilegur þráður hér og flott vinnubrögð!

Takk fyrir það.

Jæja!
Er ekki kominn tími á að það fari eitthvað að gerast hér.
Þar sem að þessi Ford var settur á hold, þá hefur lítið gerst síðan síðast.
Ætlaði að fara að skifta um framrúðu, en fékk vægt áfall í staðinn.
Þar sem að það bar ekki mikið á riði í kringum rúðuna, þannig að þá var ég alveg sultu slakur.
En það kom annað á daginn. Hann endaði á krabbameinsdeildinni.






Þannig að það var ekkert annað að gera en að taka fram sandblástursgræjurnar og byrja.




Og svo var pantað efni í riðbætingar.
Stefnt er að því að klára húsið í fyrstu adrennu.

Alveg magnað hvað allir bílar vilja ryðga þarna einmitt.

Axel Jóhann wrote:Alveg magnað hvað allir bílar vilja ryðga þarna einmitt.

Já, og það sem verst er, að það sást ekkert sem benti til þess að þetta væri komið í drasl.
Bara smá bólur á lakki í jaðrinum á kantinum.

Gaman að fylgjast með svona flottu smíðaverkefni.

Þetta er orðið leiðinlega algengt þetta rið og virðist ekki bundið við ákveðnar tegundir bíla eða framleiðsluland. Bílar (boddí og grindur) eru að riðga innanfrá á hinum og þessum földum eða lokuðum stöðum. Þetta í kringum frammrúðuna er einmitt algengt. Ef menn eru með eigulegan bíl og sjá riðtauma eða riðbólur í kringum gluggalista ætti ekki að bíða með að rífa upp listan og skoða ástandið.

Ég hef það eftir vönum manni í réttingabransanum að þetta sé býsna algengt eftir groddaleg framrúðuskipti þar sem menn skeyta engu um hvort þeir hafi skemmt lakkið eða ekki. Svo kemst alltaf vatn í þetta og þá byrjar ryðið