Hið íslenska jeppaspjall

Jæja, Þá er búið að síkka niður númeraplötuna og svona lýtur heildarmyndin út.



Þarf að mála þetta svart.



Og svona er þetta heildar look í dag.



Og þá er hægt að fara að snúa sér að því, að eyða endurskoðuninni. Eða öllu heldur, að svera upp stýrisendann, sem var sett út á í skoðun.

Eru allir þessir fordar alltaf með endurskoðun? :)
Segi ég, á patrol með endurskoðun :)

Þó að það sé ljótt og leiðinlegt að segja það, að þá finnst mér þessar bifreiðaskoðanir oft vera bara einhver geðþóttar ákvörðun hverju sinni. Og skiftir þá ekki máli hver bíltegundin er. Fór t.d. með einn bíl í skoðun um daginn, og það var sett m.a. út á stöðuljós sem voru í lagi og óbrotin eða sprungin, ekki einu sinni raki í þeim, þannig að ég veit ekki hvernig ég á að laga eitthvað sem er ekki bilað. Varðandi athugasemdina á Fordinum, var stýrisendinn sem kemur í pittman arminn og ég var alveg sáttur við það, þó svo að það væri ekkert að honum, nema gat á gúmmí. Ég er þá löglega afsakaður fyrir uppfærslunni á honum, gagnvart frúnni. :-)

Jæja.
Þá er stýrisenda uppfærslan byrjuð. Tók pittman arminn úr varahlutabílnum og prófaði að ríma hann út fyrir nýja endann. Þetta Kínarím, svínvirkaði. Hafði svo sem ekki mikla trú á þessum rímara, en hann er búinn að borga sig á fyrsta gati. Og kónninn er réttur.



Síðan þurfti ég að smíða nýja stillihulsu á milli enda og togstöng. Tók öxulstál og renndi í mál og gegnumboraði, ásamt því að pressa saman endana, sem snittið kemur í. Annar endinn er með 24x1,5mm RH og hinn er 1" x 16 LH. Síðan er hólkurinn klofinn og klemma sett yfir snitthlutana, eins og orginal útfærslan er.

Jæja,
Þetta fór nú ekki alveg saman, eins og lagt var af stað með. Það var svo mikill munur á leggnum á milli stýrisenda, að þetta gekk ekki alveg upp, þar sem að ég hafði gleymt að spá í lengdarmismuninum á milli enda. En því var reddað, með því að saga liðinn af orginal stýrisendanum og leggurinn settur í bekkinn. Þannig að gamli endinn, var notaður sem framlenging á nýja endann.



Þannig að þá er bara að fara með gripinn í skoðun og reyna að fá fulla skoðun.

Bíllinn fékk fulla skoðun.

Jæja,
Þá eru loftpúðarnir komnir í hús og eitthvað hægt að fara að skoða þá hluti, sem tilheyra þeim gjörningi.

svarti sambo wrote:Jæja,
Þá eru loftpúðarnir komnir í hús og eitthvað hægt að fara að skoða þá hluti, sem tilheyra þeim gjörningi.

DSC04867.JPG

Sæll vertu. Þar sem ég er að fara að viða að mér efni í loftpúða fjöðrun að aftan í minn Dodge Ram, þætti mér fengur í að vita hvernig loftpúða þú ert með, og af hverju þeir urðu fyrir valinu.
Bestu þakkir fyrir frábæran þráð

Það er ekkert mál Stefán.
Þetta eru 1520kg púðar, held ég, frá Firestone. Og þeir heita w01-358-5712. Þeir hafa gott vinnusvið, og eru með 1/4" loftinntaki. Og þeir, ættu að vera nægilega burðarmiklir.

Læt hér fylgja með data sheet: http://datasheet.octopart.com/W01-358-5 ... 283902.pdf

Og ég keypti þá hér: http://www.sdtrucksprings.com/index.php ... ts_id=8216

Vona að þetta sé nægilega gagnlegt.

ég er með svona púða líka í bílnum hjá mér nema með stærra intaki og er nokkuð ánægður með þá. Eru í 60-80psi þrýsting eftir því hvað bíllinn er mikið lestaður.
Hef hinsvegar verið að lenda í því að þeir leki sem ég hef leyst með dekkjakvoðu en fékk þá ábendingu að ég væri kannski að láta bílinn fjaðra of mikið í sundur. Myndi amk hafa það í huga þegar þú setur þetta upp hjá þér.

Hvað enduðu þeir á að kosta þig?
Ég væri alveg til í að kaupa 1-2 stk með eh öðrum og spara sendingu

ivar wrote:ég er með svona púða líka í bílnum hjá mér nema með stærra intaki og er nokkuð ánægður með þá. Eru í 60-80psi þrýsting eftir því hvað bíllinn er mikið lestaður.
Hef hinsvegar verið að lenda í því að þeir leki sem ég hef leyst með dekkjakvoðu en fékk þá ábendingu að ég væri kannski að láta bílinn fjaðra of mikið í sundur. Myndi amk hafa það í huga þegar þú setur þetta upp hjá þér.

Hvað enduðu þeir á að kosta þig?
Ég væri alveg til í að kaupa 1-2 stk með eh öðrum og spara sendingu

Það er gott að vita það, og ég mun reyna að passa sundursláttinn.
Þeir kostuðu báðir 40.000kr, eða bara sama og úti, þar sem að ég fékk einn félagann minn, til að kippa þessu með sér.
Ég veit um einn annan, sem vill ná sér í svona varapúða. Þannig að það er spurning, hvort að við gætum ekki sameinast, og deilt flutningskostnaðinum.

Ein spurning: Hver er lengdin á þeim hjá þér í kyrrstöðu ?

Jæja.
Þetta smá mjakast. Komnir hæðarlokar, fyrir loftpúða.



Voru verslaðir af Ljónunum.

Jæja,
Verið að undirbúa færslu og loftpúðafjöðrun að aftan.
Búið að skera út efni í stillingarvasa. Ætla að láta hásinguna sitja í þessum vösum, til að geta hert hana fasta á meðan suðuvinnan fer fram. Svo að hún hafi ekki tilhneigingu til að breyta sér, á meðan maður er að föndra allt þetta dót í kringum þetta.



Kem svo til með að sjóða vinkla á þessa vasa, sem punktast svo í grindina. Þegar réttri staðsetningu á hásingunni, hefur verið náð. Til að stilla pinnion hallann, og þá verður hægt að herða hana fasta með fjaðraklemmunum.

Er þetta ekki Cummins logo? Er ekki nær að króma þetta, líma aftaná hann og setja mótor í stíl í húddið? :)

Á ég þá ekki frekar að leyfa þér að mála þetta blátt fyrst og setja bæði að framan og aftan á húsbílinn þinn. :-)
Þegar að ég er búinn að nota þetta. Verður sjálfsagt orðið freknótt og bólugrafið, eftir mig-vélina. Og vel lúsugt.

p.s. Eða er kannski betra að setja þetta á Patrol og skifta svo um vél í leiðinni. Eins og margir hafa verið að gera. :-)

Ákvað að gerast Skúli rafvirki um helgina.
Setti nokkra rofa í mælaborðið og gekk frá tenginum fyrir þá. Veit ekki hversu góðar þessar myndir eru, en svona lýtur þetta út í dag.

Slökkt á öllu:



Kveikt á ljósum í mælaborði:



Og notendur settir inn:



12V Power rofinn, er höfuðrofi fyrir aukarafkerfið ( er með rauða lýsingu ), og svo eru hinir fyrir kastara ( með græna lýsingu ).
Það kveiknar á heiti rofanna, þegar að kveikt er á mælaborðslýsingunni og svo kveiknar á táknmyndinni, þegar notandinn er gerður virkur.
Set inn betri mynd síðar, þegar að ég er búinn að klára að grúska þarna í rafmagninu. Á eftir að finna út úr stefnuljósablikkaranum, fyrir nýju speglana, ásamt einhverju fleiru.

Fancy takkar, enda ef ég man rétt, rándýrir.

Jaaa, læt það nú vera. Hversu dýrir þeir voru. Mig minnir að ég hafi borgað 10.000kr fyrir þessa 6 rofa og sökkla, fyrir utan flutning og fl. Þar sem að ég fékk flutninginn og það, frítt.

Jæja, eitthvað smá að gerast.
Þá er búið að skera niður megnið af efni í stífuvasa og stóla á afturhásinguna, ásamt efri loftpúðafestingum og festingu fyrir þverstífu.



Þannig að þá er hægt að fara að forvinna þetta eitthvað. Setti aukagöt í stóla og þverstífufestingu, til að geta svissað á milli 46 og 49" uppsetningar. Án þess að þurfa að skera allt í drasl og sjóða aftur.

Búið að grilla saman í þverstífufestingu.





Reyndi mikið að snúa síðustu myndinni, en mér tókst ekki að hafa hana rétta.

Jæja, allt að gerast.
Komið 4mm Domex efni í felgubreikkanir. Ætla að búa mér til tvo 16" ganga.



Mér er óhætt að fara að bretta upp ermarnar og smíða úr öllu þessu efni. :-)

svarti sambo wrote:Jæja, eitthvað smá að gerast.
Þá er búið að skera niður megnið af efni í stífuvasa og stóla á afturhásinguna, ásamt efri loftpúðafestingum og festingu fyrir þverstífu.

DSC04881.JPG

Þannig að þá er hægt að fara að forvinna þetta eitthvað. Setti aukagöt í stóla og þverstífufestingu, til að geta svissað á milli 46 og 49" uppsetningar. Án þess að þurfa að skera allt í drasl og sjóða aftur.

Þetta er jafn fjandi magnað og allt hitt sem þú ert búinn að gera, Hvernig vannstu þetta? Keyptir þú þetta niður skorið í einhverju kitti frá einhverjum'?eða teiknaðir þú þetta upp sjálfur og lést skera þetta fyrir þig?
Einn forvitinn í sömu pælingum.

svarti sambo wrote:Jæja, allt að gerast.
Komið 4mm Domex efni í felgubreikkanir. Ætla að búa mér til tvo 16" ganga.

4mm!!!
Er það ekki aðeins of mikið í lagt?

Sæfinnur wrote:

svarti sambo wrote:Jæja, eitthvað smá að gerast.
Þá er búið að skera niður megnið af efni í stífuvasa og stóla á afturhásinguna, ásamt efri loftpúðafestingum og festingu fyrir þverstífu.

DSC04881.JPG

Þannig að þá er hægt að fara að forvinna þetta eitthvað. Setti aukagöt í stóla og þverstífufestingu, til að geta svissað á milli 46 og 49" uppsetningar. Án þess að þurfa að skera allt í drasl og sjóða aftur.

Þetta er jafn fjandi magnað og allt hitt sem þú ert búinn að gera, Hvernig vannstu þetta? Keyptir þú þetta niður skorið í einhverju kitti frá einhverjum'?eða teiknaðir þú þetta upp sjálfur og lést skera þetta fyrir þig?
Einn forvitinn í sömu pælingum.

Sæll vinur, og takk fyrir það.
Já, ég ætlaði að fara einföldu leiðina, og hringdi í Aron í breytir. En hann var ekki tilbúinn, að selja mér bara efnið, niðurskorið i þessa breytingu mína. Ég skil svo sem hans sjónarmið. Gat fengið einhverja 46" útfærslu, hjá Héðni, en ég skoðaði það ekkert frekar. Þannig að. Ég lagðist í svolitla rannsóknarvinnu, og gerðist svampur á upplýsingum. Skreið undir fullt af bílum og hringdi nokkur símtöl, til að vera með sem flestar hugmyndir. Raðaði þessum atriðum saman á rissblöð og settist fyrir framan tölvuna. Kveikti á inventor teikniforritinu og byrjaði að teikna. Sendi svo lokateikningarnar í Héðinn, og fékk þá til að skera þetta út fyrir mig, þar sem að þessi tölvutæki, nota sama formattið og er í inventorinum. Svo er bara að sjá, hvernig þetta kemur út. Allavega var þetta hannað, útfrá minni bestu sannfæringu, eins og ég myndi vilja hafa hann.

jongud wrote:

svarti sambo wrote:Jæja, allt að gerast.
Komið 4mm Domex efni í felgubreikkanir. Ætla að búa mér til tvo 16" ganga.

4mm!!!
Er það ekki aðeins of mikið í lagt?

Það má vel vera. En þetta er það sem Smári í skerplu, mælti með. Miðað við þetta þungan bíl og svona stór dekk. Hefði sjálfsagt verið nóg að hafa 3mm þykkt. Það er þá kannski minni hætta á að þetta aflagist í einhverjum hamagangi. Það er líka önnur ástæða fyrir þessari þykkt. Ætla að setja 17" miðjur ( botna ) í 16" felgur, þannig að það vantar brotin í felguna og þar af leiðandi, hverfur ákveðinn styrkur, við það. En á móti kemur, að botninn, verður í miðri felgu. Er í smá tilraunastarfsemi, með þetta.

Æðislega gaman að fylgjast með, einn af mínum uppáhalds þráðum.

Takk fyrir það, elli minn. Og vona að svo verði áfram. Láttu bara púkann í mér ekki slá þig út af laginu, ef að hann byrtist.

Hvaða forrit er inventor

Sæll.
Þetta er þrívíddar teikniforrit. Og talar sama túngumál og öll þessi nútíma tæki. Það er ekki fyrir neinn einstakling að versla þetta, nema þú eigir fullt rassgat af seðlum. Minnir að þetta kosti ca: 700þús - 1 milljón. Fer eftir útgáfum. En það er hægt að sækja um fría stúdenta útgáfu á netinu, og gildir hún í þrjú ár, minnir mig. Eða þrjár uppfærslur innifaldar í leyfinu. Man ekki hvort það er. Og þetta er svolítið stórt forrit, þannig að það er best að hlaða því niður um helgar eða á nóttinni, svo það taki ekki heila eilífð að hlaða því niður.

Þú getur fengið hana hér: http://www.autodesk.com/education/free- ... ofessional

Og svo er kennsluefni á íslensku hér: https://www.youtube.com/watch?v=5bxaQsG ... jGnD1GMkbb

Fyrir mína parta, þá finnst mér þetta algjör snilld, þetta forrit.

Endilega, skoðið þetta.

Þá er búið að forvinna annan hásingarstólinn.

Byrjaði á því að finna mér rörbút í sama máli og hásingarörið er, og stillti þessu svo upp í skrúfstykkinu. Mun þægilegra að vinna þetta sem mest uppréttur og við skrúfstykkið, heldur en undir bílnum.



Síðan var klárað að sjóða þetta saman, eins og hægt er, við skrúfstykkið.
Og svona lýtur þetta út í dag. Einnig fasaði ég fyrir suðunni á hásinguna.






Þannig að þá er bara að hella sér í næsta stól. Hann er aðeins meiri smíði, þar sem að þverstífan festist í hann líka.

Er byrjaður á hinum stólnum.

Verið að stilla upp.



Gerði smá breytingu á fláanum undir hásingunni, svo að þetta sé ekki einhver drullusafnarahilla. Þarf að breyta þessu á hinum stólnum.

Jæja, þá er hinn stóllinn klár til að fara á hásinguna.
Gerði smá breytingu á smíðinni, sem ég tók ekki eftir á teikniborðinu.

Læt myndirnar tala sínu máli.









Þarf að breyta teikningunni, ef ég ætla að nota hana aftur.
Einhverjir eru kannski hneikslaðir á þessu pússeríi, en ég er að hugsa um eigið höfuð. Það er þægilegra að reka sig í þetta, þegar að þetta er orðið svona rúnað. :-)

rekst púðinn ekkert í þetta fullpumpaður?
ég hef nú rekið mig á það að þeir þenjist meira út en ég vona :(

Þetta er óttalega sætt :)

ivar wrote:rekst púðinn ekkert í þetta fullpumpaður?
ég hef nú rekið mig á það að þeir þenjist meira út en ég vona :(

Ég vona ekki, en þá verð ég bara að breyta þessu. Það eru 3cm í fríbil neðst á honum ópumpuðum, og svo reiknaði ég með að hann myndi lyftast eitthvað við loftþrýstinginn og þá væri hann sennilega kominn í fláahæðina ( þar sem fláinn byrjar ). En ég sé þetta ekki nákvæmlega, fyrr en ég set þetta undir. Þú gætir kannski sagt mér þetta betur, þar sem að við erum með svipaða bíla. Heldur þú að það sé ekki nóg í fríbil. Hann hlýtur að vera sverastur í miðjunni. Annars er ég að gera þetta í fyrsta skiptið og er í smá þoku með þetta dót, en lét tilfinninguna ráða, varðandi þennsluna á púðanum.

elliofur wrote:Þetta er óttalega sætt :)

Þakka fyrir það. Ætti allavega ekki að verða alblóðugur, ef maður stangar höfuðið í þetta. :-)

Komnir nýjir demparar.

Þetta lítur út fyrir að verða alveg húð-vandað hjá þér Elías. Gaman að sjá það.

Takk fyrir það Ólei.
Já, verður maður ekki að vinna þetta eins vel og maður getur, svo þetta verði til friðs og bara virki. :-)
Maður reynir allavega að gera þetta skammlaust og samkvæmt sinni bestu sannfæringu, um að þetta standist allar skoðanir og staðla. Það er bara verst, hvað maður hefur lítinn tíma í þetta. En ég geri þetta frekar hægar, en að flýta mér við þetta og kasta til þess höndunum. :-)

Jæja, þá er búið að renna fóðringarendana, fyrir stífurnar að aftan.



Og svo er bara að bora röralengjuna á réttum stað, með dósabor, og þá fer það í réttar lengdir í leiðinni, og suðuboginn kemur líka.

Sæll Elías. Þú verður aðeins að útskýra þetta betur með dósaborinn. Ætlar þú ða skera rörið í stífuna með að nota dósabor. Fá rétt snið svoleiðis. Er þetta rétt skilið.