Hið íslenska jeppaspjall

Sælir..

Langaði að segja ykkur frá súkkunni minni. Þegar ég fékk hana var hún í frekar döpru ástandi og komið ryð á slæma staði.
Því var fljótlega kippt í liðinn og einu sumri og nokkrum mánuðum seinna er hún orðin eins og ný. Einungis smá lokafrágangur eftir.

Hér kemur smá myndaflóð:

Þarna sést vel í ryðið, en þegar nánar var að gáð var komið ryð á burðarbita við afturhlera og því var ekki aftur snúið nema rífa allann kaggan í sundur og raða saman aftur.


Brettin voru frekar illa farin af ryði..


Þetta orsakaði nokkra daga umhugsun hvort verðugt væri að halda verkinu áfram..


Þarna hékk afturhlerinn eingöngu á sparsli og ryði!


Rétta þurfti framendann og stuðarinn var ónýtur..


Þá fundum við ráð til að laga gluggastykkið og var það skorið úr með lægni..


...alveg heilt og ryðlaust neðra-gluggastykki rifið úr þessum líka ónýta donor...


...og svo var bara soðið og soðið og soðið!


Þarna voru menn nú farnir að fyllast bjartsýni og haldið var áfram að fullum krafti.


Hornið þarna megin var einnig horfið og suðum við í það aftur..

Svo var kvikindið tekið á kerru og brunað í bæinn þar sem við máluðum læðuna eina helgina..








og svona stendur hún í dag.

Nú á eftir að setja vökvastýrið í, breikka brettakanntana aðeins, og smella framstuðaranum á.

Ég átti nákvæmlega eins bíl hérna fyrir löngu síðan, efast samt um að það sé sá sami, held að hann sé löngu kominn í pressuna.

Þeir eiga það til þessir bílar að vera enn til og standa á fjórum hjólum þó umferðarstofa haldi að þeir séu kramdir...........


margar skráningarlausar súkkur til

Það væri gaman að vita ef einhver hefði hann í fórum sínum
Svona lítur það út sem kemur frá http://us.is/id/1295

Skráningarnúmer: JV467
Fastanúmer: JV467
Verksmiðjunúmer: JSA0SJ50V00142222
Tegund: SUZUKI
Undirtegund: SAMURAI
Litur: Japan
Fyrst skráður: 06.05.1988
Staða: Afskráð (16.07.2007)
Næsta aðalskoðun: 01.07.1999

Hvaða litur er annars "Japan"???

Flott þegar menn eru að gera þessa bíla upp, þetta verkefni lítur vel út og þetta eru snilldar bílar. Er orginal kram í honum?
Ég væri alveg til í að eiga minn gamla í góðu ástandi en þegar ég lét hann þá var komin svolítil mús í hann.

Góður Haffi, þú ert að bjarga menningarverðmætum.

Það er allt orginal í þessum, hann er réttu megin við hásingarnar og orginal Samurai vél (reyndar úr '89 bíl).
Það er ekki mikið skorið úr brettum, aðallega ryð skorið burtu, en hann er bodyhækkaður um ca 5cm..

Það er eins og minn er, boddíhækkaður um 50mm og ekkert annað. Mér finnst það alveg passlegt, þó er hægt að komast af án hækkunar á 35 þumlunga börðum. Eina fyrirstaðan er þá að framdekkin rekast í fjaðrir að aftanverðu í fullri beygju, en það er of lítið til að gera eitthvað í því. Svo er sjaldgæft að súkkubílar þurfi eitthvað að beygja framhjá hindrunum, taka bara strikið beint yfir.

Var donorinn pikkup?

Jább, einhverntímann í fyrra lífi..

Já ok, Afi átti svona hvítan Suzuki pikka

jæja, drullaðist loksins til að setja brettakantana aftur á, stækkaðir um rúmlega 4cm ala gislisveri..

Svalt..... ef þú myndir núna mála felgurnar jafn flottar og súkkan er væri þetta eðal :D

Það er á dagskránni að mála felgurnar ;)

flott súkka

Jæja, þarf að taka þennan í smá bodyviðgerðir og smáviðgerðir svo hægt sé að drulla honum á númer.

Jæja, súkkan er enn á lífi, eða svona næstum allavega. Fjaðrabraut kvikindið í einhverju klakaævintýrinu seinasta vetur, og hefur hún staðið skökk að mestu síðan. Ákváðum að prufa að sjóða í fjöðrina eftir endilöngu og hún stóðst fyrsta rúntinn þangað til ég varð bensínlaus, hehe, en hún stendur enn í allar fjaðrir.

Það eru nú stór framtíðarplön með þetta grey, en kúplingin er farin út um þúfur og ný kostar aðra hendina, svo næst á dagskrá er sennilega að henda Volvo B21 í kvikindið, svona til að byrja með allavega.

Svona stendur hún í dag:

Haffi wrote:, svo næst á dagskrá er sennilega að henda Volvo B21 í kvikindið, svona til að byrja með allavega.

Eru menn ekki hættir svoleiðis rugli, það eru mörg herrans ár síðan það var hægt að fá 2.3 FI í Volvo. B230E er vélin ef þú vilt Volvo.

Ég er aðallega að horfa í eitthvað sem kostar mig lítið annað en vinnu. Framtíðarplanið er að fara í toyota disel eða á líka og þá er leiðindi að vera búinn að eyða pening í b230E, sem án efa er jú mun skemmtilegri vél.

Ég er bara að horfa í einhvern klett sem ég get hent í fyrir veturinn svo maður geti stokkið í sköflum :D

verður ekki meira basic en B230E, Mekanísk innspíting og mekanísk kveikja

Mér finnst þetta dáldið kunnuglegur bíll, er JC númer á honum?

Satt best að segja man ég ekki númerið þars sem þau liggja enn inni, en planið er að reyna að koma honum á götuna í vetur. Hins vegar var þessi bíll lengi á Skagaströnd ef það hringir einhverjum bjöllum. Stóð við hesthús þar rétt fyrir utan bæjinn. Veit ekki hvar hann var þar á undan.

Ok, þá er þetta líklega ekki sá sami. En eru fyrstu myndirnar teknar í Borgarfirðinum?
Umhverfið er nefnilega líka dálítið kunnuglegt :)

Mikið rétt, þetta er í þverárhlíðinni..

Já, hélt það, þarna er mikil suzuki menning, veiðivarðarbíllinn er sérlega myndarlegur!

Enda er sá bíll fyrirmynd mín í lífinu.

Þær eru nú sætar saman..

Já þetta er töff tæki hjá Steina, ég kom stundum þarna fyrir ca 10 árum síðan og þá var gömul rússagrind aðaltorfærutækið :)

Jújú, gírkassinn úr henni var nú í þeirri rauðu um skeið, svo er súkkan á dekkjunum af henni, svo þær eiga nú eitthvað sameiginlegt..

ertu til í að selja mér hann

Er ekki allt til sölu fyrir rétt verð? ;)