Dodge Ramcharger 76.

[Sævar Páll]

Jæja. Er ekki um að gera að kynna sig á nýu spjalli með því sem að ég er að púsla saman um þessar mundir.
Bíllinn er, eins og búast má við af fyrirsögninni, 76 módelið af Dodge Ramcharger SE og versla ég hann um áramót '08/'09 af nálægum sveitabæ hér fyrir norðan. Þegar að ég versla hann er hann búinn að standa síðan síðustu aldamót og aldrei verið ræstur síðan. Það var því ekki mikil bjartsýni í eigandanum þegar að ég kom vopnaður litlu nema 5 lítrum af bensíni og gömlum rafgeymi. En hvað með það, prufum helvítið. Ekkert heyrist nema klikk í startaranum. í örvæntingu reyni ég að berja startarann með hamri og viti menn, rellan fera að snúast. Eftir að komist er að því að tankurinn í honum er gegnrotin af ryði komum við brúsanum fyrir á góðum stað undir húddinu og leyfum honum að hreinsa blöndunginn gróflega af aldamótabensíninu. Þá er húddinu lokað, viðskiptin handsöluð og vagninum ekið heim.
Við nánari yfirferð á tækinu kemur það í ljós að kramið er alls ekki svo slæmt, mild 318 með 360 milliheddi, 650 holley og cyclone flækjum NP 435 kassa og NP 203 læsanlegum millikassa. Hásingarnar voru samt það skemmtilegasta, 60 Dani fram og aftur með 8 bolta vörubíladeilingunni með einhverri tregðulæsingu að aftan.

Það sem að ég hef gert við hann hingað til er:
Ryðbæta allann bílinn frá A-Ö.
Skipta um stóla.
Grunna og mála allann bílinn að innan.
Renna lauslega yfir vélina, skipta í 600 carter og edilbrock álmillihedd.
Smíða mér sett af 15 tommu breiðum felgum
Setja undir hann gormafjöðrun að framan, og þarmeð hækka hann um 4 tommur ( framfjaðrirnar voru orðnar slappar og það var búið að lyfta honum aðeins að aftan)
Skera úr hjólskálunum og sjóða í innri bretti að framan og aftan til að koma fyrir 44 tommu ( skálar voru hvort sem var daprar vegna ryðs) .

Það sem að ég á eftir að gera við hann eins og staðan er í dag er að:
pússa niður og grunna og mála allan bílinn að utan.
rétta grillið og sprauta það.
Græja festingar fyrir spil.
Klára rörastuðara að framan og aftan.
Finna eða smíða einhverja fallega brettakanta.
og síðan sækja númerinn á hann upp í frumherja og fara að leika sér :)

Myndir koma síðar, er ekki með nettengingu sem að bíður uppá slíkann lúxus.

[Valdi 27]

Hvenær getur þú græjað myndir Palli minn??

Kv. Valdi á Car-X

[Sævar Páll]

Um leið og ég kemst í almennilega nettengingu. Annars er alltaf velkomið að kíkja við einhverja helgina í kaffi og skoðunarferð.

[Valdi 27]

Já það væri magnað að kíkja við einhverja helgina. Þarf að fara að finna mér tíma;)

[Sævar Páll]

jæja, náði að snara nokkrum myndum inna alnetið, reyndar mjög gömlum, fyrir hækkun á framan og grunnun á innréttingu. og það skal tekið fram að það eru ekki þessir stólar í honum í dag, þessu var bara skellt um borð til að taka einn rúnt í sólinni :)

[powerram]

moparinn stendur alltaf fyrir sínu! þessi á eftir að verða flottur hjá þér.

[Sævar Páll]

Þetta er nýjasta myndin af honum

[Valdi 27]

Klárinn hann batnar alltaf.

[Offari]

Ertu þá hættur við Cometinn?

[Sævar Páll]

Ónei starri það er sko ekki aldeilis svoleiðis. maður getur nú haft puttana í fleiri bílum en einum :) neinei, ég ætla að fara að púsla saman hreyflinum í hann þegar nær dregur sumri og vonandi að gefa yfir hann seinni part sumars. Ætlaði bara að klára þennann á númer fyrst

[tommi3520]

Nice flottur bíll og saga! þetta verður flott

[Sævar Páll]

jæja, lítið hefur nú breyst í boddymálum síðan þessar myndir voru teknar, en ég er samt búinn aðeins að dútla í honum. Er að klára að stilla sjálfstæða innspýtingu í hann, 670cfm ProJection frá Holley, sem að virðist ætla að virka alveg furðuvel, þrátt fyrir að tjúnningum sé ekki lokið. Er búinn að taka nokkra hringi á honum með henni og það er allt annað að keyra þetta. mildur gangur, instant viðbragð þegar maður snertir gjöfina auk stærsta kostsins, það skiptir engu máli í hvaða stöðu þú ert á honum því að þessar innspýtingar hafa verið þekktar fyrir að ganga jafnvel á hvolfi og á réttunni. Báðir blöndungarnir sem ég hef verið með, 650 holley 4175 og 600 Carter voru leiðinlegir með það að ef að maður var eitthvað að þjösnast á honum missti hann afl og koðnaði niður, einkum ergjandi þegar maður er hálfnaður upp bratta brekku..
Nýar myndir koma svo þegar að það verður eitthvað til að mynda :)

[powerram]

Sæll Sævar var að velta fyrir mér hvernig þú tókst þurkuarmana af. Þarf að taka þá af hjá mér og nenni ekki að fara að skemma þá ;) Á maður bara að nauðga þeim af ?

[Sævar Páll]

heyrðu það voru ábyggilega smá typpi sem gengu inní rílastykkið. það er smá dund að fá þau frá en ef þú nærð þeim þá eru armarnir samt svolítið stífir á. mæli með nettu skrúfjárni og mjúkum gúmmíhamri. halda typpinu frá,toga arminn upp með annari og klappa svo lauslega á arminn með hamrinum. Ef að það gengur ekki geturu prufað að nudda til arminum á stykkinu fram og til baka þar til hann fer að rótast.

[powerram]

Takk fyrir þetta! Náði þeim af með smá nauðgun ;)

[Sævar Páll]

loksins kom að því að maður gluðaði lakki á moparinn, ætla að láta flakka eina eftir grunnun, langar að ná betri mynd af honum með lit :)

[biturk]

myndirnar sjást ekki hjá þér vinur

ekki er verið að tala um cometininn sem við réðumst á hjérna um árið?

[Sævar Páll]

núnú myndin ( síðasta amk) sést á báðum tölvunum mínum. Hinar eru trúlega orðnar það gamlar að það er búið að eyða þeim út af photobucket.

En nei þetta er ekki rauði cometinn, hann datt eiginlega sundur af ryði nokkrum mánuðum eftir að við fórum í hann. Eg er núna með þennan í pípunum
http://spjall.kvartmila.is/index.php?topic=26925.0

[biturk]

Ahh núna sést þetta

Ég þarf að kíkja í kaffibolla í sveitina til þín greinilega

[Sævar Páll]

Jæja þá kom að því að taka fyrsta rúntinnn með nýa lakkinu, og þetta gæti barasta alveg vanist :)




Svo er að rétta grillið og pólíhúða, klappa toppnum aðeins, og klára kanta, þá fer þetta mjög að nálgast ;)

[-Hjalti-]

Svakalega flottur hjá þér :)

[íbbi]

skemmtilega ruddalegur

[Sævar Páll]

kominn á plötur, er reyndar búinn að skutla undir hann 38 tommu superswamper til þæginda í sumar, stefnir í skoðun

[Sævar Páll]

Smá uppfærsla, kominn full skoðun, brettakantar díagonal mödderar og veltibogi. og stórt bros á eigandann

[Sævar Páll]

Loksins telst bíllinn lokaður, og hægt að nota hann í einhverju öðru en sól og sumaryl. Mikið gríðarlega er milill munur á að keyra hann svona lokaðann, það syngur svo í mödderunum að það mætti halda að maður væri staddur inní þotuhreyfli þegar hann er kominn uppí þjóðvegahraða.
Má til gamans geta að þessi bíll er ekkert lyftur hvorki á boddy eða fjöðrun ( dróg í land með fjöðrunina sem ég var byrjaður að smíða) , og þurfti ekki breytingarskoðun fyrir 38 tommuna sem hann var skoðaður á

[sukkaturbo]

Sæll þessi bíll er glæsilegur hjá þér

[tommi3520]

Nice!

[sonur]

Þessi er flottur!

[draugsii]

sér maður þennan á fjöllum um páskana?

[Sævar Páll]

Nei því miður, verð fastur á flatlendinu um páskana