Hið íslenska jeppaspjall

Sælir
Ég hef undanfarin ár verið með gæluverkefni samhliða þeim jeppum sem ég hef notað til jeppaferða. Þar sem ég hef alltaf haft annan jeppa til að ferðast á þá hefur þetta verkefni gengið mjög hægt og rólaga í gegnum árin. Það byrjaði meðan ég var í háskólanámi og átti því enga peninga í verkið auk þess sem bíllinn var yfir 200 km í burtu. Að námi loknu var hægt að kaupa dót í verkið, bíllinn var fluttur í bæinn og þetta smá saman þróaðist í það sem fer að komast á götuna fljótlega. Ég hef verið duglegur að mynda ferlið og á því mikið af myndum.

Byrjum á byrjuninni.
Hér er grind og kram þegar ég eignaðist bílinn. Hann var á orginal hásingum og blaðfjöðrum.



Boddýið var orðið mjög illa á sig komið. Ég ákvað samt leggjast í þá vinnu að ryðbæta skúffuna.



Allt var hreinsað af grindinni hún slípuð niður í járn og máluð með sink grunn og svörtu lakki.

[imghttp://www.f4x4.is/wp-content/uploads/2009/02/57322.jpg[/img]

Mikill tími fór í að smíða upp botninn og hliðar á skúffunni. Ryð var skorið í burtu og nýjar plötur soðnar í.




Gallinn við það að vera svona lengi með svona verkefni er að smekkur manna og kröfur breytast með árunum. Ég byrjaði á að smíða undir bílinn dana 44 undan scout og 9“ ford undan bronco. Seinna fékk ég þá flugu í höfuðið að þetta væri allt of mjóar hásingar, auk þess sem báðar hafa þær sýna veikleika. Scoutinn er með lélegar hjólalegur og 28 rílu öxlarnir eru ekki merkilegur búnaður. Því var ákveðið að fara í fulla breidd á hásingu Dana 44 frá GM ¾ ton. Hún var smíðuð undir að framan og á sama tíma var framfjöðrunin smíðuð upp. Hún hefur komið þokkalega út með 32 cm svið og 16 cm í samslátt. Í framhásingu var verslaður ARB loftlás og 4.56 hlutfall.



Hér sést vel munur á breidd hásinga, Nýja rörið er 175 cm milli felgubotna en gamla er 135 cm.





Togstöng var sveruð upp á sama tíma.


.

Að aftan var ákveðið að fara í 31 rílu 9“ með nospin læsingu. Keyptir voru Range Rover gomar.
Endursmíði á þessu kerfi er á teikniborðinu núna :)







Afturhásing var færð eins aftarlega og boddy leyfir og framhásing var færð fram um 10 cm. Lengja þurfti bæði sköftin, það gerði ég í rennibekk í sveitinni.



Brettakantar að aftan verslaðir af Gunnari, þeir eru 35 cm breiðir, frambretti úr plasti voru keypt notuð, en þeim var breytt á alla mögulega vegu.




Þegar hér er komið við sögu (2009) var ekkert búið að fara í kramið. Með bílnum fylgdi 360 AMC vél ,jeppaútgáfa af 904 sjálfskiptingu og Dana 300 millikassi. Þar sem mikil eftirvænting var fyrir því að prufa gripinn var bara skipt um olíur á öllu, vélin sett í gang, hjálmur settur á konuna og þrykkt af stað upp á nærliggjandi heiði. Hér eru nokkrar myndir af því. Jólin 2009.








Í þessari ferð var virkilega gaman að bruna um á Jeep. Þarna var líka tekið vel á vélinni, hún var sett á botn snúning í einni brekkunni sem endaði með því að útblásturs ventill brotnaði og rústaði stimpli og heddi.









Um áramótin 2009-2010 er tekin ákvörðun um að kaupa aðra sambærilega vél og gotterí í hana frá USA.

















Vélin var kominn saman vikunni fyrir páska. Hún létt keyrð til og svo brunað í páskaskrepp.











Í þessari ferð fór sjálfskiptingin, en það skýrðist af rangri samsetningu á skiptingunni af fyrri eigendum. Ég tók upp sjálfskiptinguna og setti í hana shift kit og meira fínerí frá Summit.
Í kjölfarið var bíllinn fluttur suður en þá var hægt að vinna meira í honum.





Ég breytti gömlu skála bremsunum yfir í diskabremsur með handbremsu.





Ég ákvað að láta vaða í að sprauta skúffuna á bílnum, liturinn sem varð fyrir valinu var appelsínugulur.











Hér eru komin áramót 2011-2012 bílnum var raðað saman, í skoðun og í skreppitúr upp Nesjavallaleið



Bíllinn kom mjög vel út mikið flot og nóg af afli.



Fyrstu helgina í Jan. 2012 var farið í ferð upp Sprengisand og gist í Þúfuvötnum.





Í þessari ferð var mjög erfitt færi , mikill nýfallin snjór og dauðalogn. Þarna lenti ég í miklum hitavandamálum. Niðurgírunin var ekki nógu mikil og varð ég að snuða skiptinguna til þess að geta skriðið áfram í snjónum sem varð til þess að skiptingin varð vel heit.





Hér er myndband úr þessari ferð. En ferðin var hin mesta skemmtun.
http://www.youtube.com/watch?v=9Dfy7gAw1NI

Á laugardags kvöldi ætlaði ég að sýna vini mínum máttinn og dýrðina í willys, með 1 pund í dekkjum og læst framan og aftan tók ég hressilega á bílnum. Það endaði með því að ég braut nefið framan af convertor í skiptingunni. Ég var dreginn alla leið heim :(



Eftir þessa ferð var ákvörðun tekin um að fara í stærri sjálfskiptingu 727 og smíða í bílinn skriðgír. Þessi breyting var notuð sem afsökun fyrir því að lengja bílinn um 25 cm.
Framhald síðar...

kv
Kristján Finnur

Geggjað og ógeðslega flott!!!

Þetta er stórskemmtilegt að sjá svona í alvöru sögu Finnur. Ég hef nú fylgst aðeins með bút og bút en þarna sér maður heildina :)

Er einhver áætlun hvenær hann verður kominn út að leika? Gaman væri að taka túr með þér, konunum okkar þætti það nú ekki leiðinlegt :)

Flottur þráður um skemmtilegt verkefni.

Nú vantar LIKE takkann
(enn og aftur)

Er að digga litinn á bilnum! kemur svaðalega flott út á svona 44" en er svona bill alvega að bæla 44" niður? hvað er hann þungur hjá þér?

Dagur á fjöllum, ár í skúrnum!

Afraksturinn er líka með flottari jeepum og djöfull skal ég trúa að hver fjalladagur hafi verið skemmtilegur.

Skemmtilegur þráður og flottur Willys !

Ég var í hópnum sem þið hittuð við Þúfuvötn og ég man vel eftir Willanum og Ranger-num - eftirtektaverðir bílar - en færið þessa helgi var hroðalegt, ussssss ........

Sælir

Ég þakka fyrir hlý orð.

Elli planið er að komast út að leika um áramótin, ég er búinn að lengja hann og gera margt fleira sem ég reyni að koma inn myndum af fljótlega.

Já hann bælir DC dekkin fínt, vantar bara meira grip í þau.

Agnar, ég man eftir ykkur, en færið þessa helgi var mjög erfitt og varð til þess að ég ákvað að smíða skriðgír í þennan bíl til þess að geta drifið betur í svona færi.

Restin af sögunni kemur á næstu dögum.

kv
KFS

Þetta verður orðinn vel útspekúleraður bíll, enda helvíti huggulegur.

Sælir alveg glæsilegur bíll og gaman að skoða myndbandið. Bíð spenntur eftir framhaldinu. kveðja Guðni á Sigló

Sælir

Hér eru nokkrar myndir af smíði á skriðgír.

Eftir ferðina upp í Þúfuvötn var ég ákveðin í að smiða skriðgír í bílinn. Í bílnum er Dana 300 millikassi. Ég fékk NP 242 millikassa á lítinn pening og ákvað að nota hann sem efnivið. Þessir kassar eru með sídrifi og því aðeins öðruvísi en NP231 sem menn hafa notað í skriðgíra. Hér er mynd af kassanum.



Í skriðgírinn nota ég eingöngu plánetugírinn og fremri hlutan af húsinu sem sést á myndinni hér að neðan.



Ég mældi og pældi mikið hvernig best væri að útfæra öxulinn á milli kassana, Á myndinni hér að neðan er trýnið af Dana 300 kassanum borið upp að plánetugírnum.



Ég teiknaði öxulinn upp og samdi við Ljónstaði um að smíða fyrir mig og herða öxul sem tengir kassana saman. Þeir eru virkilaga almennilegir og fá alltaf fyrstu einkunn hjá mér.
Milliplatan á milli kassa er 10 mm álplata sem ég boraði og skar út.




CNC fræsinn var bilaður ;) þannig að ég tók þetta Old school. Þessi fræs gengur fyrir 1 liter af bjór á klst.




Hér er verið að ákveða hvar kassinn verður skorinn. Þessi ál renningur myndar svo nýja hlið á kassann.





Það sem mér finnst það flottasta við þennan skriðgír er hvað hann er léttur heildar þyngdaraukning er um 20 kg. Gírinn sjálfur er 12 kg.





Steinar og Hjörtur í Tæknistál suðu þetta samana fyrir mig, kann ég þeim bestu þakkir fyrir.



Þar sem NP 242 kassinn er með fjórar stöður en ég þarf bara 2 (hi eða low) þá slípaði ég í burtu þrepin á skiptinum sem eru óþarfi. Ég dýpkaði einnig endastoppin til þess að koma í veg fyrir að fara og langt.




Dana 300 kassinn fékk einnig yfirhalningu í leiðninni. En hann viktar 35 kg bölvaður.



Þetta passaði allt svona líka fínt saman að lokum.



Eftir mikið brölt með gömlu skiptinguna eins og kom fram hér að ofan ákvað ég að fara í stærri skiptingu. 727 skipting varð fyrir valinu en hún passar á vélina og með rennivinnu á öxlinum út úr henni passaði hún við millikassann. Ég fékk skiptingu bilaða fyrir slikk og tók hana upp með TCI setti og shift-kit.







Hér er mynd af nýja settinu, skriðgírinn lengir þetta um 18 cm.




Þar sem hólhafið á þessum bílum tekur illa við svona lengju var ákveðið af lengja bílinn um 25 cm.

Já þú ert meiri snilingur en ég vissi, geðveikt flott!

Bara flott hjá þér. Vildi að ég væri meira inn í þessu skiptinga/gírkassa/millikassa dóti.
Þessi fræs hjá þér virðist nokkuð hagkvæmur.

Fjandi ertu nú röskur Finnur bara flott hjá þér verður þú ekki á þessum fyrir vestan næstu páska?

Finnur wrote:

CNC fræsinn var bilaður ;) þannig að ég tók þetta Old school. Þessi fræs gengur fyrir 1 liter af bjór á klst.

Ég dáist að þolinmæðinni, ef þú skildir þurfa að gera svona aftur síðar, þá virkar stingsög ágætlega með grófu blaði.

En flott smíði, lítur vel út og fagmannlega gert

Þetta er svakalega flott

Hugsa að stinsögin fari alveg með bjórstuðulinn á verkinu

Nei ekki snerta stingsög!!!!! það eyðileggur bjórdrykkjuna og þú þynnist bara upp með leiðindar höfuðverk.

Frábært verkefni hér á ferð og gaman að hafa fengið að taka smá þátt í þessu :)

Sælir

Hrólfur stefnan er að reyna ferðast á honum eftir áramót en ég er ekki búinn að plana neitt fyrir páskana, kemur í ljós.

Hjörtur ég fer að koma að húdd smíðinni okkar fljótlega, ég á nokkrar góðar myndir af því ferli. Ég reyni að hafa þetta í réttri tímaröð :)

Annars var þessi fræs merkilega fljótvirkur, afköstin virtust fylgja línulega flæði ölsins. Reyndar var tímaraminn sem var skoðaður frekar stuttur svo að langtíma úthald er ekki þekkt. :)

kv
KFS

Flottur Trillys hjá þér. Eitthvað kannast ég nú vel við þennan patrol með MY-200 númerinu hehe :)

Er búinn að vera í sömu smíðum.

Þetta er bara flott græja! Bíð spenntur eftir myndum af lengingu.

Allt að gerast!! Flott lausn á milligírnum!

Tekur því að lengja um 25cm, er ekki màlið að lengjann aðeins meira?

Sæll nafni

Ég lengdi ekki skúffuna eins og flestir gera, heldur lengdi ég húdd og frambretti og færði allt kramið fram um 25 cm. Það er alltaf spurning hvað á að fara langt, ég lét þetta nægja í bili. Maður ræðst kannski á skúffuna einn daginn, hver veit. Hann er í dag orðinn 280 cm milli hjóla.

kv
KFS

Lenging á grind

Ég ákvað að lengja bílinn um 250 mm, helstu ástæður á bak við þá ákvörðun voru að búa til pláss fyrir nýja skriðgírinn en á sama tima lengja bílinn á milli hjóla.

Ég lengdi grindina framan við hvalbak með 45° skurði. Áður en ég tók grindina í sundur smíðaði ég búkka sem ég gat rennt afturendanum eftir og festi framendann alveg með stoðum niður í gólf. Þetta einfaldaði vinnuna við að stilla grindina rétta af.













Á sama tíma ákvað ég að smíða upp stífuturnana að framan. Turninn var teiknaður með það í huga að styrkja grindina á þeim stað þar sem hún er lengd og á sama tíma lækka tengipunkt stífu við grind. Þetta kostaði einnig að skera upp og sjóða festingar á hásingu. Hér að neðan er efni í turninn sem ég lét skera út fyrir mig. Nú ætti maður að geta þekkt hann í hóp. :)







Þegar búið var að ganga frá lengingu á grind og nýjum stífuturnum var farið í lengingu á öðrum hlutum sem þarf að lengja. Hlutir eins og bremsulagnir, stýristöng, raflagnir og bensínlagnir fengu öll þá lengingu sem þurfti. Drifsköft þurfi líka að lengja, aftur og nýbúinn. Framskaftið fékk nýjan draglið og krossa í leiðinni.



Næst á dagskrá var að lengja húdd og frambretti.

Askoti fínt hjá þér, þetta er nú eitt það lengsta framskaft sem ég hef séð ;)

hrikalega flott

Sælir

Ein mesta áskorunin við þessa lengingu á bílnum var að lengja húddið. Húddið á CJ-7 er með mjúkum línum en fyrstu 12 cm eru beinir fram og þar er hægt að lengja húddið. Í stað þess að breyta upprunalega stál húddinu ákvað ég að smíða húdd úr plast. Ég samdi við Hjört vin minn um að steypa með mér nýtt húdd. Fyrst steyptum við húdd í orginal lengd.











Því næst lengdum við húddið í tveimur skrefum. Tókum mót af beina kaflanum og steyptum svo lengingu í tveimur steypum. Að lokum voru samskeytin spörsluð og pússuð.







Að lokum skar ég bitann með festingum fyrir húddlamir úr gamla húddinu og við steyptum hann fastann í nýja húddið.










Því næst var húddið mátað við bílinn. Kæliristar voru setta í húddið til þess að lofta út.





Ég er mjög sáttur við útkomuna , húddið kemur vel út.

kv
KFS

Djemillinn hvað þetta er flott smíði!

En hvað Hjörtur er seigur í plastinu!
Tekur hann að sér einn brettakant í fínpússun? :)

Nei ég er nú mest lítið að taka svona að mér, bara tilfallandi, enda svosem engin spesjalisti í þessum efnum, kann bara að blanda herði og rúlla :)

En þetta er orðin svakaleg drossía, verður gaman að sjá hvað gerist í framtíðinni með vélamálin ;)

Á svo að eiga það inni að lengja skúffuna næst þegar þig langar að gera eitthvað? :)

Sælir

Lenging á skúffunni er möguleiki sem ég geymi þar til manni leiðist mikið. Þessi lenging dugar vonandi eitthvað.

En varðandi vélamálin, þá keypti ég á haustdögum mótor frá Ameríkuhreppi sem er trúlega kveikjan að vélarskiptum hjá Andra hér á spjallinu. Þetta er LQ9 sem var hugsaður í annað verkefni. Planið er að smíða torfærubíl með LQ9 en þessir mótorar fara nokkuð létt upp í 500 hp án NOS. En þar sem þessi vél verður keyrð á Megasquirt stand-alone vélatölvu neyðist ég trúlega til þess að setja hana í Willysinn til þess að "Mappa" hana með breytingum. Mjög svekkjandi :)

Hér eru nokkrar myndir af gripnum, en vélin er mjög snyrtileg og lítið keyrð.





Hér er svo vélatölvan sem kemur til með að stýra þessu. Þetta er Megasquirt 2 extra sem ég lóðaði saman. Fyrir þá sem ekki þekkja þá er þetta Stand-alone tölva sem maður lóðar saman eftir leiðbeiningum. Því næst setur maður upp alla parametra fyrir viðkomandi vél. Þegar róttækar breytingar eru gerðar þarf að tjúna þetta allt til. Best væri að gera þetta á Dyno-bekk en það er líka hægt að gera þetta í bíl, það er leiðin sem ég fer.



kv
KFS

neyðist ég trúlega til þess að setja hana í Willysinn til þess að "Mappa" hana með breytingum. Mjög svekkjandi :)

Ég samhryggist, leiðindamál alveghreint...

Þú gætir sloppið við að setja hana í willysinn með því að semja við Baldur nokkurn Gíslason, hann var að smíða dynobekk fyrir mótor... Hann þekkir megasquirt líka aðeins :)

Þetta er all verulega svalt!

Hvaðan koma þessar lögulegu húddristar sem þú notar?

kv. Geiri

Elli, ekki taka burtu þessa fínu afsökun mína fyrir að setja vélina í bílinn :)

Hvers vegna láta aðra gera það sem maður getur gert sjálfur og lært eitthvað nýtt og skemmtilegt í leiðinni. :)

En það eru góðar fréttir að Baldur sé kominn með Dynobekk, það var löngu tímabært á fá slíkt á klakann. Er vitað hvað hann ræður við mörg hp?

Geiri þessar ristar eru keyptar hjá Vélasölunni og eru ætlaðar í báta.

kv
KFS

Bekkurinn tekur 1000hp+ skilst mér.