Hið íslenska jeppaspjall

Jæja ákvað að henda inn smá um jeppann hjá mér.

Er nýr hérna inná.


Fékk þennan fína Ford Ranger Supercab í skiptum.
1991 árgerðin.
Er með 2.9 V6 og beinskiptur.
4x4 auðvitað, hátt og lágt. Lokur að framan en ólæstur að aftan.
Skráður 4 manna þó ég vildi nú ekki þurfa að ferðast um aftur í honum, 2 dvergasæti sem koma niður úr hliðunum.
Heill bekkur frammí.
Hann er merkilega lítið ryðgaður og grindin virðist þokkalega heil.

Búið er að setja 2" boddýhækkun undir bílinn og síðan er stefnan að skera úr og setja hann á 35"

Datt svo niðrá varahlutabíl, nýtti úr honum elementið fyrir miðstöðina eflaust meira þegar þetta dót bilar.
Hann er 4 lítra V6 og sjálfskiptur. Supercap og pallhús.



Aðeins að prufa hvort fjórhjóladrifið virki ekki, kíkt upp í Haukadalsskóg.


Og þá datt stuðarinn nánast undan


Rendi inn Haukadalsheiði og tók línuveginn niðrá Kjöl. Við Ásbrandsá.



Síðan komst ég að því að það er MJÖG mikilvægt að hafa geyminn fastann. Tókst að ná upp í húdd og kveikti í sér


Var bara heppinn að hann skyldi ekki brenna allur og bílarnir í kring líka. Var búinn að standa fyrir utan í 2 tíma og þurfti bara fyrir algera tilviljun að ná í verkfæri í bílinn og tek þá eftir reyk undir húddinu.


Og þarna er 35" sem fer undir.



Síðan hrundi pústið undan og það verður græjað á einhvern skemmtilegan hátt :)

Haug af plúsum fyrir þessa sögu. Bíð spenntur eftir framhaldinu :-)

Velkominn hér félagi.Þetta er alvöru ferða saga og þetta eru fínir bílar þegar búið er að taka þá til kostana. kveðja guðni

Hehe þakka.

Skal vera duglegur að henda inn ferðasögum :)

Annars var verið að máta 35" undir.

13" breiðar felgur.

2 ventla stál felgur.

Stendur í dekkin þarna

Þarf sennilega að fá mér breiðari kanta :D

Þá er þessi kominn á 35"

Samt ókláraður, kantarnir sem ég keypti og áttu að vera fyrir 35" voru það bara engan veginn.
Til að redda sér voru þeir skornir í sundur og klíndir á.

Kominn með kanta af Econoline 150 bíl, fer að græja þá undir við tækifæri.

Hrikalegir kantar.


Bara smá hækkun í viðbót og það verður hægt að setja 38" undir.


Skráður blár, er svartur en hefur verið brúnn haha.

Gaman að þessu, gaman lika að sjá hvað það eru margir Rangerar að poppa uppá yfirborðið í jeppabreytingum núna :D

Gaman að segja lika frá því að þú smitaðir mig af L300 veikinni :D

Hérna er ein mynd af honum síðan í dag.

Hehe Elías þessi L300 stóð alveg fyrir sínu.
Langar alltaf í svona alltaf, eðal gripir.

Þakka myndina Stefán :)


En ekki vitiði hvar maður fær pústfestingu fyrir svona?
https://www.dropbox.com/s/6b20cey5app1a6b/20131111_173313.jpg

BJB selja þér flangs á þetta eftir máli

Skipti um kerti í honum um helgina og skellti húddhlíf á hann.
Nennti ekki að henda pallhúsinu á hann, það verður næst.

Ætla að prufa að smíða flangs sem hægt verður að setja upp á pústið án þess að taka í sundur pústið.

Síðan er búið að kaupa nýja dempara að framan og aftan. Einnig hjöruliðskrossa og upphengju í afturskaftið.
Síðan láta smíða stýrimiðjur fyrir afturfelgurnar og þá verður hann orðinn flottur.

Einnig verður vonandi smíðað undir hann vel opið púst ( mínus báðir hvarfar) en samt engin öfga stærð (max 2,5") sem kemur út undir síls farþegamegin.

Lagði við hliðiná þessum uppí skóla í dag, hann er reffilegur orðinn, flottur á þessum 13" breyðu felgum

sonur wrote:Lagði við hliðiná þessum uppí skóla í dag, hann er reffilegur orðinn, flottur á þessum 13" breyðu felgum

Þakka :)
Er helvíti sáttur með hann svona.

Annars eru kantarnir komnir á og miðjustýringar fyrir felgurnar að aftan. Hann losnaði þar með við Parkinsons nafnbótina sem hann fékk.

Næst á dagskrá er hjöruliðs og drifskaftsupphengju skipti. Mögulega að kíkja á pústið líka.

Nokkrar myndir
Helsáttur að skipta um dempara.


Kantarnir komnir á.


Fallegt í Haukadalnum.

Bara fottir bílar.. og ennþá flottari í snjó :D

flottur hjá þér! :) er akkurat með ranger lika sem ég er að dunda mér i en er að fara akkurat í hina áttina, ætla lækka minn og leika mér að spóla á honum í sumar, sá að þú skrifaðir að þú ættir v6 4.l varahlutabíl ertu til í að selja eithvað úr honum ?