Fákurinn er af gerðinni Ford F250 árgerð 2003 og er 46" breyttur. Hann er ekki ekinn nema rétt rúmlega 82þ km
frá upphafi og var vélin tekin upp í honum þegar hann var ekinn um 30þ km. Það er Edge kubbur í honum
með 3 stillingar og gefur hann allt að 100hp í viðbótþ
Jeppaþjónustan Breytir breytti þessum bíl á sínum tíma og er sú breyting alveg til fyrirmyndar.
Að framan er D60 reverse með 35rillu innri og 30rillu ytri öxlum, 4,88 hlutfall og loftlæsing. Að framan eru
loftpúðar og 4-link. Planið er að fara í 1600kg púða.
Að aftan er D60 10.5" með 4.88 hlufalli og loftlæsingu. Fjaðrir eru að aftan og er ég sáttur við þær því hann er
merkilega mjúkur þrátt fyrir það. En draumurinn væri að fara í púða líka að aftan.
Tanka pláss er um 300l og er aukatankurinn staðsettur fyrir aftan afturhásinguna.
Glussaspil inn á dælu vel boltað á. (Þjófar ekki reyna þetta... :)
Að innan er hann mjög snyrtilegur. VHF stöð og GPS handtæki sem ég notast við. Svo er tölvuborð fyrir 10" fartölvu sem
ég nota þegar ég fer á fjöll. Frágangur á tökkum er mjög fínn og vel gengið frá öllu.
Það er í honum Webbasto hitamiðstöð sem tengd er inn á kælivatnið. Það er stýriborð fyrir hana inn í bíl og getur maður stillt
tímann á miðstöðinni þannig að maður þarf ekki að koma í bílinn með hélaðar rúður frekar en maður vill :) Var að spá í að kaupa
mér fjarstýringu fyrir miðstöðina en það er rúmur 50þúsund kall og líkar mér betur að nota þann pening í olíu.
AC dælunni var búið að breyta í loftdælu en hún er föst eins og er og er planið að tengja hana aftur orginal sem AC dæla því
þessar dælur við 6.0 vélina þola þetta víst mjög illa ólíkt mörgum öðru AC dælum. Langar mig í Nardi lofdælu sem Landvélar eru að selja
og eru þær mjög öflugar en kosta slatta.
Jæja, maður má ekki bara dásama ökutækið sitt.
Þegar ég var búinn að eiga bílinn í viku síðasta sumar var ferðinni heitið upp í Veiðivötn og var planið að fylla helvítis pallinn af fisk. En
þegar uppeftir var komið dó bíllinn alveg og var ósammvinnuþýður með öllu.
Þá voru góð ráð dýr og bíllinn dreginn á Ljónstaði.
Þá kom í ljós að fæðivír fyrir vélartölvun hafði nuddast í sundur og slegið út öryggi nr 22 sem er fyrir vélartölvuna. Redduðu Ljónstaðamenn því
og bíllinn eins og nýr eftir.
Ég er nú ekki mikið búinn að eiga við bílinn síðan ég fékk hann fyrir utan að skipta um tvo stýrisenda sem eiga uppruna sinn að sækja í Bronco 74mdl sem er algjör
snilld þar sem þeir kosta helmingi minna en orginal í þennan bíl. Svo er bara að sjá hvað þetta endist :)
Skipti ég um annan hjólalegu hub í haust og smurði hann eftir leiðbeiningum annara Ford manna í gegn um gatið fyrir ABS skynjarann, henti ég nokkrum slögum
af koppafeiti og millitec þar ofaní. Frumraun í spindilkúluskiptum var framkvæmd og held ég eftir þá aðgerð að menn mikkli það svolítið fyrir sér að gera þetta sjálfir.
Útbjó bara pressu sjálfur og virkaði hún vel.
Jæja nóg í bili og hér koman nokkrar myndir.
Gert klárt fyrir ferð upp í Veiðivötn með sýnishorn af tjaldvagni þarna aftaní :)
Gert klárt fyrir heimferð úr Veiðivötnum :(
Frá fyrri eiganda
Frá fyrri eiganda
Úr ferð í Setrið núna í nóvember
Úr ferð í Setrið núna í nóvember
Af planinu
Spindilkúluskipti
Spindilkúluskipti
