Suzuki Samurai ´92 - 35"

[Gutti]

Góðann og blessaðann daginn!

Nú ætla ég aðeins að leyfa ykkur að sjá gripinn sem ég er búinn að vera að græja í að verða eitt ár.
Suzuki Samurai
92 árgerð
35" dekk (Good year Wrangler) 13 tommu breiðar stál felgur
Wrangler kantar
2,2 dísel mótor úr sangyoung family ( Daewoo eða Izusu mótor)
gírkassi og millikassi líka úr Kóreska undrinu
Volvo vatnskassi
Vökvastýri úr Mözdu, sennilega 626 70 og eitthvað árgerð
CB talstöð ( President Harry)
Bíllinn vigtar um 1200 kg

Bíllinn er hækkaður um 50 mm á boddýi og einnig skorið talsvert úr, og að auki síkkaði ég fjaðrir að framan um auka 50 mm vegna þunga nýju vélarinnar, fjaðrirnar að framan lögðust talsvert meira niður en afturfjaðrir, fjaðrahækkunin er einfaldlega 50 x 80 prófíll sem ég bætti neðan á grind og sauð fjaðrahengslisfestingarnar á ( ég kaus að gera það þannig frekar en að síkka bara hengslin, til þess að breyta aksturseiginleikum bílsins sem minnst) hengslin eiga það til að leggjast til hliðar ef þau eru lengd mikið.

Það var talsvert mál að koma dísel mótornum fyrir í bílnum en á endanum tókst að rýma til fyrir honum í húddinu, stærsti hausverkurinn var svo að pannan á mótornum þurfti að minnka talsvert til þess að geta ekki rekist niður á drifkúlu, en það gekk bara vel að taka hana af og skera til og sjóða, ég giska á að hún taki núna um hálfum líter minna af olíu, en það er ekkert til að hafa áhyggjur af. Gírkassi og millikassi voru líka helst til of stórir en á endanum slapp það allt til, plássið var bara búið til.

Eftir helgi verða númer tekin út og bílnum rennt í skoðun, ég gerði tilraun til þess um daginn að koma honum á götuna, húddið fauk upp og skemmdist, framrúða brotnaði og toppur beyglaðist, það var einstaklega súrt í fyrsta rúntinum. En nú er ég búinn að laga þetta og heldur betur auka festingarnar á húddinu, ég treysti um of á tvær gúmmíhespur en bætti við 2 lásum sitthvorum megin.

Bílinn rúllaði ég með bláu vinnuvélalakki ír húsasmiðjunni og matt-svörtu vinnuvélalakki einnig úr húsasmiðjunni, ég tók boddýið aðeins í gegn, pússaði niður ryð og grunnaði en annars var bíllinn ótrúlega heill, enda verið áður farið í boddýið á honum.

Á stefnuskránni er að koma fyrir beisli fyrir dráttarkúlu
setja kastara og vinnuljós á bílinn
mögulega bæta spottakassa aftan á hann
og græja loftdælu í hann, ég er að vonast til að koma fyrir ac dælu en ef það er ekki hægt fæ ég mér bara einhverja rafmagnsdælu.
Svo ætla ég að láta bæta auka stálventlum á felgurnar sem verða pílulausir, svo fljótlegra sé að hleypa úr.

Ég set hérna nokkrar myndir af bílnum en því miður var ég ALLTOF LATUR við að taka myndir af öllu brasinu í kringum þennann bíl.

[Gutti]

Fleiri myndir þar sem hann var enn með húddinu sem skemmdist

[Gutti]

Það var semsagt riffluð álplata á húddinu en það húdd eiðilagðist þegar það fauk upp, nú er komið nýtt sem er ekki með þessu áli á.

[gislisveri]

Eitthvað er hún kunnugleg þessi. Glæsilegur bíll, til hamingju.
Súkkukveðja,
Gísli.

[Gutti]

Þakka þér Gísli, þú átt nú talsverðann heiður af þessum hef ég heyrt ;)

[jeepson]

Eitthvað er hún kunnugleg þessi. Glæsilegur bíll, til hamingju.
Súkkukveðja,
Gísli.

Er þetta Solla græna?? já eða Solla bláa.

[Haffi]

Svartbláa hetjan mín

Jebb, þetta er fyrrum Solla græna

[sukkaturbo]

Sælir flott sukka hvernig er hún að vinna með diselvélinni?

[Fordinn]

þetta er með flottari svona súkkum sem ég hef séð!!!

[Gutti]

Sælir, hún er að vinna ágætlega með dísel vélinni finnst mér, bjóst samt við aðeins meira afli en þetta er allavega ekki sambærilegt við orginal mótorinn, hún vinnur vel í torfærum og svoleiðis basli en vantar meira uppá það þegar komið er útá þjóðveg, hluti af því vandamáli er samt að hlutföllin mættu vera lærri, maður notar bara alls ekki fimmta gírinn í háa drifinu, ekki nema kannski niður kambana.

[alex-ford]

þesi er flotur hjá þér kall

[Gutti]

Jæja tók númerin út í morgun og renndi með hann í hjólastöðuvottun og vigtun, svo fer hann í skoðun á morgun og fær aukaventla á felgur. Svo er nú vert að minnast á það að það er aðeins farið að snjóa, byrjaði sennilega um leið og númeraplöturnar voru komnar á.

hjolavottun.jpg (72.45 KiB) Viewed 16423 times

[eirikuringi]

Ekkert smá flott project hjá þér. Töffarabíll.

[Gutti]

Jæja þá er þessi gripur kominn með fulla 2015 skoðun og breytingaskoðaður, veturinn er kominn og allt að gerast.

[hobo]

Stórglæsileg súkka, til hamingju.

[juddi]

Snild

[tommi3520]

glæsilegur!

[cruiser70]

Flottur hjá þér :)

[nobrks]

Glæsilegur!
Hvað vigtaði hann svo?

[Gutti]

Hann vigtar 1140 kg

[Gutti]

Þessi er alltaf að leika sér í snjónum og ennþá er ég mjög ánægður með hann, hendi hérna inn 3 myndum af honum í viðbót í tilefni þess að það snjóar og snjóar :)

23des3.jpg (44.86 KiB) Viewed 15391 time

23des2.jpg (38.11 KiB) Viewed 15391 time

23des1.jpg (49.16 KiB) Viewed 15391 time

[Sigurjon]

áttu þennan ennþá ?