Toyota Hilux (Hjallinn)

[Tollinn]

Jæja, nú gerðist það loksins að ég fékk mér jeppa aftur eftir margra ára pásu. Fyrir valinu varð 20 ára gamall hilux DC með 2,4 EFI bensínhák (að ég taldi). Billinn er allur hinn snyrtilegasti og er 35" breyttur og þannig plana ég að nota hann. Er aðeins búinn að dúlla í honum en á dagskránni er að tengja kastarana almennilega (var skítmixað þegar ég keypti bílinn), skella í hann cb stöð, smíða tölvuborð og fleira gotterí. Hef nokkra reynslu af þessum bílum og vissi svo sem hvað ég var að fara útí, hef átt 2 dc með 2,4 EFI áður og einn með diesel vélinni og ég verð að segja að 2,4 EFI er mun skemmtilegri þegar kemur að almennri notkun en diesel vélin er betri í snjó.
Eyðslan á þeim gamla kom mér skemmtilega á óvart því fyrsta langferðin á honum taldi 11 l/100 km sem mér finnst nú ekki mikið og síðustu tveir tankar í blönduðum akstri hafa verið tæplega 13 l/100. Mig minnti að hinir bílarnir hefði verið að eyða meira. Þess má geta að hann er með eitthvað lægri hlutföllum en orginal en fyrri eigandi gat lítið frætt mig um hvaða hlutföll eru í honum. Ég myndi giska á 1:4,88 eða 1:4,56 eða eitthvað álíka (er þetta ekki rétt skrifað hjá mér).
Fyrsta verkið hjá mér var að skipta út stólunum í bílnum og fyrir valinu voru stólar úr gömlum legacy sem komu bara ótrúlega vel út, fékk þá í Vöku fyrir slikk og þeir bara pössuðu nánast alveg, á eftir að ditta aðeins betur að þeim við tækifæri.

Það er svo ótrúlegt að þegar maður fær svona jeppa í hendurnar þá fer maður strax að búa til verkefnalista í huganum en ég ætla mér að reyna að halda utan um þetta verkefni hér eftir því sem á líður.

[hobo]

Þessi lítur mjög vel út.
Átti svona 38" bíl í 2 ár og var mjög ánægður, var svipaður í eyðslu með 5.71 hlutföll.
Ótrúlega traustur og kom manni alltaf heim.

ps: Ég á svona varahlutavél ef þig vantar eitthvað, en lítið gengur að selja úr henni þar sem þessar vélar eru rock solid.

[Tollinn]

Já takk fyrir það, ætla nú að vona að þessi vél endist eitthvað, er keyrð 200 þús og með flotta smursögu

Kv Tolli

[Tollinn]

Er einhver sem getur bent mér á þæginlega leið til að finna út hvaða hlutföll eru í bílnum án þess að rífa köggulinn úr?

kv Tolli

[hobo]

Tjakkar bílinn upp að aftan með bæði hjól á lofti. Merkir með túss, bæði á drifskaft og hjólaskál.
Telur svo hve marga hringi drifskaftið fer, á meðan bæði hjólin fara 1 hring.
Getur líka tjakkað upp öðru megin og snúið öðru dekkinu 2 hringi, þá ætti að koma sama niðurstaða.

T.d ef þú telur um 5 1/4 hringi, þá ertu með 5.29
Tæpir 5 hringir = 4.88

[Tollinn]

Glæsilegt, takk fyrir þetta, ég geri þetta við tækifæri.

kv Tolli

[nonni k]

Var hann à grenivík þessi?

[hobo]

Ég held ég sé að bulla steypu hérna.
Á maður ekki að deila útkomunni með tveimur ef maður snýr bara öðru dekkinu?
Ekki snúa tvo hringi...

Semsagt drifskaftið snýst helmingi hraðar ef maður snýr öðru dekkinu í staðinn fyrir báðum.

[Tollinn]

Var hann à grenivík þessi?

Já þessi var á Grenivík en þar áður í Kópavogi og þar áður í Neskaupstað en upphaflega í Hafnarfirði

kv Tolli

[Tollinn]

Ég held ég sé að bulla steypu hérna.
Á maður ekki að deila útkomunni með tveimur ef maður snýr bara öðru dekkinu?
Ekki snúa tvo hringi...

Semsagt drifskaftið snýst helmingi hraðar ef maður snýr öðru dekkinu í staðinn fyrir báðum.

Það er bara að prófa, ætla að tjakka bílinn upp fyrir helgi og tékka á þessu

kv Tolli

[Tollinn]

Jæja, búinn að taka smá Vestfjarðarúnt á kagganum og reyndist hann mjög vel. Dundaði nú aðeins í honum fyrir ferðina eins og að skella plexigleri í afturhlerann og græja læsingu á hann. Svo auðvitað vantaði að koma rafmagni aftur á pall fyrir kæliboxið því bjórinn þurfti að sjálfsögðu að vera kaldur. Svo er á stefnuskránni að smíða í hann tölvuborð.

[StefánDal]

Þessi er flottur. Hrikalega skemmtilegir bílar og 2.4efi er mjög vanmetin vél.
Ef notuð eru viðeigandi hlutföll á stærri dekkjum og allir skynjarar eru í lagi þá er þetta snilldar rokkur.

[Tollinn]

Já ef maður er þokkalega þolinmóður og er ekki að flýta sér, þá er þetta allt í lagi. Hann var nú samt mjög latur upp margar brekkurnar enda fullur bíll af drasli með þungan tjaldvagn. En eyðslan var nú samt ekki mikil, fór mest í tæplega 14 lítra en minnst í 11,5 á þessu ferðalagi. Er samt ekkert mjög sáttur við vinnsluna en áreiðanleikinn vegur hana upp.

[Tollinn]

Jæja, þá er búið að dunda aðeins, búinn að setja í hann cb-stöð (vhf á dagskránni seinna) tengja kastarana (setja snyrtilega rofa og tengja rétt), smíða í hann tölvuborð, búa til aðeins meira pláss fyrir dekkin, setja afturrúðu í hlerann og skipta út læsingunni í hleranum.

Rofarnir fyrir kastarana (stóru og litlu)

Standurinn fyrir tölvuborðið

Borðið á standinum

Tölvan á borðinu

Talstöðin og micinn tengdur upp í mælaborð

Hlerinn með nýju rúðunni og læsingunni

[Tollinn]

Talstöðin sem ég keypti var með tengingu fyrir Micinn á hliðinni og fattaði ég það ekki fyrr en ég fór að koma henni fyrir. Því neyddist ég til að taka tengið fyrir micinn upp í mælaborð. Þetta endaði bara með að koma ágætlega út. Svo er bara um að gera að fara að nota þennan bíl eitthvað af viti, komast í alvöru jeppaferð.

[hobo]

Þetta er eins og deja vu fyrir mér, alveg eins bíll og að gera sömu hlutina og ég gerði. Meira að segja skipta um læsinguna í hleranum
Svo er bara að gera eins og alvöru jeppamenn gera í sumarlok og á haustin. Leggjast á hnén, snúa í norður og biðjast fyrir um harðan vetur.

[Tollinn]

Nkl. Nú vil ég fá alvöru snjóvetur, a.m.k. þannig að maður nái að festa 35" hilux duglega

[Karvel]

hvað þurftiru að gera til að koma legacy stólunum í ?

[Tollinn]

Þeir nánast pössuðu, á þó enn eftir að græja 4rða boltann, þetta er ennþá bara bráðabirgða, hafði hugsað mér að reyna jafnvel að svappa brakketinu eins og það leggur sig.

kv Tolli

[Luxarinn]

Vá, rosalega flottur þessi.
hlýtur að vera rosalega gaman að hafa svona verkefni i höndunum

[Tollinn]

Vá, rosalega flottur þessi.
hlýtur að vera rosalega gaman að hafa svona verkefni i höndunum

Þetta er auðvitað bara eintóm hamingja.

Kosturinn sem ég sé við þennan bíl er sá að hann kostar lítið, eyðir ekkert alltof miklu, er áreiðanlegur, mjög notadrjúgur og svo er þetta endalaust einfalt og þæginlegt í viðhaldi. Dótastuðullinn er svo bara eitthvað sem kemur í rólegheitunum. Ég ætla mér að halda honum á 35" dekkjum en samt langar mig að ferðast mikið að vetrarlagi svo það er eins gott að vanda sig við aksturinn því eins og standardinn er orðinn í dag þá eru fæstir á minna en 38" dekkjum í snjóakstri svo maður má nú ekki vera algjör dragbítur fyrir ferðafélagana.

kv Tolli

[Tollinn]

Jæja, er búinn að pirra mig lengi á hvað tengdamömmuboxið er að taka mikið pláss í bílgeymslunni svo ég ákvað að geyma það bara uppá Hjallanum, sýnist þetta bara koma ágætlega út, get svo skellt vinnuljósum, drullutjakk, skóflu og einhverju drasli á þetta í framtíðinni. Svo er ég í miklum VHF væðingahugleiðingum og vonandi gerist eitthvað í þeim málum mjög fljótlega

Hjallinn með boxið

[Tollinn]

Jæja, tími á að uppfæra smá, skellti mér í litlunefndarferð með 4x4 um daginn. Svo sem ekkert krefjandi ferð en ágæt byrjun á vetrinum. Skellti svo VHF stöð í bílinn sem ég fékk gefins. Ákvað svo í leiðinni að setja nokkra aukarofa fyrir allt dótið sem ég á eftir að setja í bílinn, vinnuljós, rafmagn á pallinn, möguleg loftdæla o.s.frv

Picture 031.JPG (130.03 KiB) Viewed 8707 times

Picture 053.JPG (137.02 KiB) Viewed 8707 times

Picture 082.JPG (134.58 KiB) Viewed 8707 times

Hilux 005.JPG (120.92 KiB) Viewed 8707 times

Picture 141.JPG (125.31 KiB) Viewed 8707 times

Picture 143.JPG (79 KiB) Viewed 8707 times

[bjarni95]

Bara snyrtilegt og fínt :)

Hvernig VHF stöð er þetta annars?

-Bjarni

[gráni]

Flottur bíll hjá þér var einnig ánægður að sjá það að þú vandar stafsetninguna, verð að segja eins og er. að það er með ólíkindum hvað mikið er um stafsetningarvillur hér á jeppaspjallinu.

[jeepcj7]

Flottur bíll hjá þér var einnig ánægður að sjá það að þú vandar stafsetninguna, verð að segja eins og er. að það er með ólíkindum hvað mikið er um stafsetningarvillur hér á jeppaspjallinu.

Er það eitthvað svona sem þú ert að meina með stafsetningarvillu. ;O)

[Tollinn]

Bara snyrtilegt og fínt :)

Hvernig VHF stöð er þetta annars?

-Bjarni

Þetta er Yaesu FTL-2007, reyndar bara 8 rásir en ég er með þær helstu

kv Tolli

[Tollinn]

Flottur bíll hjá þér var einnig ánægður að sjá það að þú vandar stafsetninguna, verð að segja eins og er. að það er með ólíkindum hvað mikið er um stafsetningarvillur hér á jeppaspjallinu.

Ég þakka.

Varðandi stafsetninguna þá held ég að flest komist nú vel til skila þó svo að það læðist eitt og eitt "i" í stað "y" o.s.frv. Uppbyggileg gagnrýni er auðvitað af hinu góða en menn mega nú alls ekki hætta að pósta hér af hræðslu við að vera skotnir niður af félögum sínum vegna stafsetningar. Hins vegar er þetta áhyggjuefni almennt í þjóðfélaginu og maður sér þetta einnig hjá fólki sem vinnur við það daglega að skrifa fréttir á netmiðlana. Sem betur fer er jeppaspjallið fullt af umburðarlyndum jeppanördum sem vilja vel.

kv Tolli

[jongud]

Mjög snyrtilegt og vel frá gengið.

Off topic; (og mér er alveg sama um stafsetningu svo lengi sem textinn er ekki samhengislaus)

[gráni]

Alveg sammála það má ekki missa sig í einhverja vitleysu, en það er rétt þetta er um allt í þjóðfélaginu stafsetningarvillur og ekki eru stóru miðlarnir betri. Skrýtið samt hvað þetta hefur aukist gífurlega á síðustu árum. En áfram með það sem máli skiptir það eru bílarnir.

[Tollinn]

Jæja

Þessi fór á fjöll í dag, mikið rosalega var það gaman. Það er líka ótrúlegt hvað mann langar alltaf að stækka og breyta og bæta, hehe. Helst myndi ég vilja fá 1:5,71 hlutföll og læsingar, úrhleypibúnað og 38" dekk. Auðvitað væri gaman að mixa í hann auka millikassa og sitthvað fleira, hehe. En allt í allt, snilldarkerra sem skilar manni fram og til baka og stendur fyrir sínu, og svo eru nokkrar myndir með.

Gjábakki 066.jpg (112.5 KiB) Viewed 8066 times

Gjábakki 077.jpg (60.61 KiB) Viewed 8066 times

Gjábakki 093.jpg (92.86 KiB) Viewed 8066 times

Gjábakki 099.jpg (59.24 KiB) Viewed 8066 times

[Tollinn]

Jæja, bíllinn er ekinn rúmlega 210 þús og aldrei verið skipt um tímakeðju eða neinu sem henni fylgir, á maður að fara að huga að því??

http://www.ebay.com.au/itm/New-Engine-T ... 1c2f5724d7

Spurning um að fá þetta héðan, hingað komið fyrir 17.000 kr.

[hobo]

Ég man ekki hvað settið kostaði sem ég fékk úr kistufelli, en það var örugglega meira en þetta.
Minn var kominn yfir 250þ km og tímagírinn var ekkert við það að detta í sundur.