Hið íslenska jeppaspjall

Ég og Kristinn(khs) erum í sameiningu búnir að leggja drög að fyrstu ferðinni.
Ætlum að hafa hana stutta, svona til að fínpússa þetta.
Ákveðið var að fara upp á Hellisheiði og fara Þúsundvatnaleið og inn í Innstadal.
Mæting við Litlu Kaffistofuna kl 19:00 miðvikudagskvöldið 29. júní.
Lagt verður af stað ca. 19:20

Notuð verður rás 45 á VHF

Æskileg dekkjastærð er 32"+, óbreyttir jeppar eru leyfilegir

Meðfylgandi viðhengi geyma myndræna leiðarlýsingu, útbúnaðarlista og ferðareglur.

Allir þeir sem eru á póstlista(http://www.jeppaspjall.is/viewtopic.php?f=7&t=5230) ættu að fá e-mail á morgun, sunnudag, þar sem þeir geta hakað við já, nei eða kannski, hvort þeir ætli í ferð.

Þeir sem fá ekki póst sendan á morgun geta samt mætt í ferð, þetta er bara allt á undirbúningsstigi og póstlistinn fer ört stækkandi.

Sjáumst hress!

Einkaframtakið að gera sig, vel gert!

Flottir þarf að fara að græja VHF og óska hér eftir þannig, spurning um að hafa þetta líka eitthvað um helgar þar sem að sumir t.d ég vinna á kvöldinn

Já ég geri ráð fyrir að þetta verði um helgar líka, þessi ferð er stutt og þarf ekki nema eitt kvöld. Það eru ekkert rosalega margar ferðir frá höfuðborginni sem rúmast á eitt kvöld, þannig að dagsferðir um helgar verða væntanlega málið í framtíðinni ef þessar ferðir ná að lifa. Einnig væri gaman að taka helgarferðir í vetur.

VHF er samt algjör skylda ekki satt? Það þýðir ekkert að reyna að troða sér með í þessa ferð VHF laus?

Það er alveg ómissandi að vera með VHF í jeppaferð. En það er til lausn á þessu, þú átt að geta leigt handstöð t.d hjá f4x4 og útivist fyrir sanngjarnt verð.

hobo wrote:Það er alveg ómissandi að vera með VHF í jeppaferð. En það er til lausn á þessu, þú átt að geta leigt handstöð t.d hjá f4x4 og útivist fyrir sanngjarnt verð.

Veit það en þetta er Subaru fært

Já reyndar þangað sem myndin af leiðinni sýnir en það verður farið innar í Innstadal en route-an sýnir. Þar er ekki subarufæri.

Nú eiga þeir sem voru skráðir á póstlistann á laugardag að vera búnir að fá sent skráningarform í pósti, endilega merkið við sem fyrst,
já, nei, eða kannski.
Þeir sem hafa skráð sig eftir laugardag mega koma með en fá sendan póst fyrir þarnæstu ferð.

Ég kemst þá víst ekki í neina þessara áætlaðra ferða þar sem ég er ekki með VHF stöð.
Kv. Haffi

Ég á náttúrulega rosalega erfitt með að vera leiðinlegur en í svona skipulögðum ferðum verður þetta að vera skylda.
Þetta er svona á mörkunum að vera nauðsyn í stuttri ferð um hásumar, en um hávetur í blyndbyl er þetta bara "möst".
Ég held að það sé best að gefa engar undanþágur frá upphafi.
Mér finnst VHF sjálfsögð fjárfesting jeppamannsins, kannski svolítið dýr í sumra augum en ef maður horfir í öryggisgildið, skemmtanagildið og það að maður getur selt stöðina fyrir nánast sama verð er vel hægt að réttlæta það.
Svo er eins og ég minntist á hægt að leigja stöð.

p.s. eru menn ekki annars sammála eða er ég bara vondur?

Sælir
Það er algerlega 100% að VHF verður að vera í bílum sem eru í samfloti í skipulagðriferð.
Kv PI

VHF handstöð hjá N1 er nú ekki dýr fjárfesting og hefur dugað mér vel í hópferðum.

Er menn ekki fullgrófir að setja lágmarks dekkjastærð á svona ferð, allir óbreyttir jeppar fara þetta léttilega á sumrin sama hvað þeir heita.

Er ekki alveg móðins þó maður komi bara á afturdrifinu einu klæða?
Tók uppá því að brjóta alveg helling af pinnboltum við Grímsfjall þarsíðustu helgi (og er latur að gera við)

Stebbi wrote:Er menn ekki fullgrófir að setja lágmarks dekkjastærð á svona ferð, allir óbreyttir jeppar fara þetta léttilega á sumrin sama hvað þeir heita.

Það ætti kannski að breyta þessu í -æskileg dekkjastærð 32"+-
Ég veit ekki hvað Kristni finnst en mér er svo sem sama að óbreyttir bílar komi með, þar sem allir eru hvort eð er á eigin ábyrgð. Þetta var bara dekkjastærð sem kom til tals.
Öll umræða um þetta er af hinu góða.

Hjörturinn wrote:Er ekki alveg móðins þó maður komi bara á afturdrifinu einu klæða?
Tók uppá því að brjóta alveg helling af pinnboltum við Grímsfjall þarsíðustu helgi (og er latur að gera við)

Það er bara að prófa, í versta falli kemstu ekki lengra..

Langar að taka það fram að ég er alls ekki að reyna að vera með leiðindi, finnst þetta mjög flott framtak og þið sem eruð að skipuleggja þetta eigið hrós skilið.


Ég er algjörlega sammála því að VHF sé nauðsyn í vetrarferðum og ég þarf að fjárfesta í þannig en það er annað sem gengur fyrir, en mér finnst ansi hart að banna mönnum að koma með í svona auðvelda ferð sérstaklega þar sem að þeir eru á 38" bílum. Ég er sammála að VHF þurfi að vera skylda í stærri og erfiðari ferðum. Ég fór þessa leið einn um daginn og var það mjög gaman fínt að fara þetta núna, vegurinn er í sundur á einum stað en það er ekkert mál að krækja fyrir það.

Hjörtu þú ættir að öllum líkindum að komast þetta í afturdrifinu

Ég held að í öllum auglýstum skipulögðum jeppaferðum sé VHF skilyrði. Það er kannski annað mál í vinahópi. Þetta er jú lítil og ómerkileg ferð sem er framundan en mín skoðun er sú að það sé best að hafa þetta svona frá upphafi, við Kristinn vorum sammála um það.
15-20 þús fyrir handstöð ætti heldur ekki að standa í áhugamanni um fjallaferðir.

Hvað varðar dekkjastærð, þá er ég opinn fyrir því að hafa bara lámarks viðmiðunarstærð og leyfa mönnum að meta það sjálfum hvort þeir treysti sínum bíl í ferð, allavega yfir sumartímann. Á veturna þarf líklega að nota viðmiðunartöflu(þyngd bíls/dekkjastærð). Það eru án efa mörg rök á báða bóga.

Persónulega er ég nýgræðingur í skipulagningu jeppahópferða þannig að maður er alltaf að læra og tek allri gagnrýni vel.

Þeir sem ætla með í næstu ferð en fengu ekki sendan póst með skráningu mega láta vita hér á þræðinum svo heildarfjöldinn sjáist.

Búið er að breyta þessu aðeins, óbreyttir jeppar eru nú gjaldgengir í ferð.

Jæja þá er þessarri fyrstu ferð jeppaspjallsins lokið.
Hún heppnaðist að öllu leyti vel. Það mættu 8 bílar, allt frá því að vera óbreyttir upp í 44".
Þetta verður pottþétt endurtekið.







Ferðafélagar, endilega sendið inn einhverjar myndir!

Ég þakka kærlega fyrir skemmtilega ferð og þeir sem áttu frumkvæðið eiga sérstakar þakkir skilið. Þessi ferð sýndi að það þarf ekki alltaf að leita langt yfir skammt til að komast í skemmtilegar jeppaferðir.
Vonandi verður framhald á þessu.

Kv. Sigurbjörn á RE-127

Takk fyrir mig :)

http://www.flickr.com/photos/brynjarpe/ ... 955857579/

Hérna eru fullt af myndum.
Takk fyrir góða ferð. Mæti næst á bíl....

Brynjarp wrote:http://www.flickr.com/photos/brynjarpe/sets/72157626955857579/

Hérna eru fullt af myndum.
Takk fyrir góða ferð. Mæti næst á bíl....

Virkilega flottar myndir, mætti ég kannski stela nokkrum af Cherokee?

Hérna er eitthvað af því sem að við tókum. Frábær ferð til að byrja á og halda trukkunum við efnið yfir sumarið. Vil sérstaklega þakka þeim sem skipulögðu fyrir frumkvæðið.

Hefði komið ef eg hefði ekki þurft að vinna. Kem næst

Þakka kærlega fyrir mig, skemmtilegur kvöldtúr :)

Snilldarferð, takk fyrir mig

juju tekur bara fram að ég hafi tekið þær :D

Doror wrote:

Brynjarp wrote:http://www.flickr.com/photos/brynjarpe/sets/72157626955857579/

Hérna eru fullt af myndum.
Takk fyrir góða ferð. Mæti næst á bíl....

Virkilega flottar myndir, mætti ég kannski stela nokkrum af Cherokee?

Hérna er eitthvað af því sem að við tókum. Frábær ferð til að byrja á og halda trukkunum við efnið yfir sumarið. Vil sérstaklega þakka þeim sem skipulögðu fyrir frumkvæðið.

Hvernig væri að endurtaka þessa ferð núna fljótlega?