Hið íslenska jeppaspjall

Ég var að gæla við þá hugmynd (eða reyndar blóðlangar mig) að bóka mig í ferð með jeppadeild Útivistar núna um helgina norður fyrir Hofjökul, yfir Blöndukvíslar, framhjá Ásbjarnarvötnum og í Laugafell. Hringdi þangað í dag og fékk þær upplýsingar að líklega þyrfti að hætta við þessa ferð vegna lélegrar þátttöku. Skilst reyndar að þeir fari sennilega ef 6-8 manns skrá sig. Þess vegna langar mig að athuga hvort þið ágætu jeppaspjallverjar hafið ekki áhuga á að skella ykkur í ferðina.

Eins og staðan er núna eru reyndar líkur til að árnar þarna séu óárennilegar en hitastigið fer lækkandi þegar líður á vikuna og úrkoman líka þannig þetta gæti verið orðið fínt á laugardaginn.

Hér er linkur á ferðina á heimasíðu Útivistar

Hefur lengi langað alveg svakalega mikið að fara þessa leið en ekki gefið mér tækifæri til þess enda illfært fyrr en komið er fram á haust eða þá bara sem vetrarleið á snjó og ís.

Hvað segiði? Eru ekki einhverjir áhugasamir sem væru til í að skella sér?

Athugið að það er smá villa á síðunni. Það verður ekki lagt af stað kl. 8 á föstudagsmorgun heldur 7 eða 8 um kvöldið.

Ég kemst ekki með í þetta skiptið, en get mælt með því að fara með Útivist. Hef farið í nokkrar ferðir með þeim og get mælt með þeim.

Einhverjir áhugasamir?

Það væri gaman að fara þessa leið en ég kemst ekki þessa helgi. Hef farið í nokkrar Útivistarferðir og allar verið mjög góðar.

Kemst ekki þessa helgi né næstu. Þetta er hinsvgar á listanum yfir "to-do's".

Væri til í að skoða ferð seinna í haust (eftir monsoon-timabilið) t.d fyrstu helgi í Nóv.

mbk.

Lárus

Ég veit ekki af hverju menn tala um að þessi leið sé bara vetrar eða haust leið þeigar ég var krakki fór ég þarna nokkrum sinnum með pabba á sumrin og sjálfur hef ég farið þessa leið í júlí og ágúst fyrsta skrifið sem ég fór þessa leið var um verslunarmanna helgi 92 á stutum suzuki for 33" og síðast þeigar ég fór var líka um verslunarmanna helgina 2008 á 38" bíl mjög skemtileg leið en ekki fyrir óvana en ein af skemtilegri jeppa leiðum sem hægt er að fara eftir að vonaskarði var lokað .

Ætli það sé ekki vegna þess að vatnsföllin á leiðinni geta vaxið snögglega og verða auðveldlega ófær jeppum í hefðbundnum skilningi. Minni líkur á því þegar haustar.

Þessi leið er þannig að maður fer hana ekki einbíla og ekki hvenær sem er á sumrin.
Og ekki fara þessa leið nema með vönum mönnum.