Nyrðra-Fjallabak og Langisjór

[jongud]

Ég var á ferðinni á nyrðra-Fjallabaki í gær og ók frá austri til vesturs. Vegurinn er reglulega góður frá Skaftártungu og alla leið að Landmannalaugum. Það þarf aðeins að vara sig þar sem skaflar eru við veginn af því að þar rennur vatn yfir veginn og eru oft vatnsrásir.
Vegurinn upp að Langasjó er rennisléttur á löngum köflum og maður þarf að passa sig, af því að lækirnir birtast stundum eins og skrattinn úr sauðarleggnum ef maður er ekki með augun hjá sér. Enda freistandi að kitla pinnann.
Það er þannig með alla læki og ársprænur á þessum leiðum; það eru hálfgerðir stökkpallar sitthvoru megin, þannig að óvanir túristar gætu lent í að bíllinn taki stökk og lendi á nefinu ofaní ánni eða beint á brúninni hinumegin.
Vegurinn frá Landmannalaugum og að Hrauneyjum er hins vegar alveg hræðilegur, gróft þvottabretti alla leið.

[jongud]

Smá vídeóklippur úr ferðinni;
https://www.youtube.com/watch?v=Cnvxa0XpT7M

[Járni]

Flott, var sjálfur í næsta nágrenni. Var að koma heim. Fór í ferð á vegum Útivistar, nokkur heppni með veður og gekk vel. Fórum meðal annars í Dalakofann, þar voru lengstu skaflarnir. Ekkert mál á 35".