Hið íslenska jeppaspjall

Hefur einhver verið að þvælast inní jökulheima og uppá Grímsfjall nýlega? ætlaði að reyna bruna uppá fjall á fimtudag, hafið þið einhverja hugmynd um færi þarna innfrá ??
Verðum á Patrol 44" og Trooper 44"

Það er nægur snjór þarna á þessari leið. Færið getur breyst frá degi til dags en á 44" eruð þið bara góðir, það er helst veðrið sem getur verið að trufla ykkur.

Á þessari mynd erum við að koma að skálunum í Jökulheimum 2 mars sl.

Það besta sem að ég get boðið upp á er að núna í dag erum við með bíla sem að fóru inn í Jökulheima í dag og fara upp á Grímsfjall á morgun. Ég hringi í þá á morgun og spyr um færð.

Kv.
Ragnar.

Ljómandi Ragnar, endilega hentu inn svari hingað svo maður hafi smá hugmynd um færð :)

Þeir hættu við að fara á Grímsfjall, vegna þess að fólkið sem að þeir eru með átti von á meiri luxus en er þar.
Þeir/þau eru farin inn í Setur í staðinn.

En inní Laugum er fullt af snjó sagði minn maður mér.

Vona að þér og þínum félegum gangi vel ef að þið farið í Jökulheima og Grímsfjall.

Kv.
Ragnar

Það hefur verið þíða nýverið og nú er spáð frosti næstu daga þannig að ef frostið verður alvöru þá verður gott færi. Þetta er þekkt krapapyttaleið í Jökulheima og upp á jökul svo betra að liggja yfir vedur.is

Já akkurat, maður fylgist með þessu. En það er grimmdar frost þarna innfra næsta sólarhring og verður svo frost út vikuna en ekkert neitt mikið, en alltaf frost samkvæmt vedur.is þannig það ætti að lofa góðu.

Ég fór frá Jökulheimum og í Hrauneyjar í gær. Flennifæri og lítill krapi, aðallega í lægðum sem var bara krækt fyrir.

Sæll

Fórum upp að Illugaveri á Laugardaginn síðasta að sækja bíl eftir stórferð. Í framhaldinu var farið niður í Landmannalaugar og heim Dómadal. Færið var nokkuð gott, blautur snjór sem treðst vel. Neðst í Dómadal lentum við í krapa en annars var þetta flott. Nóg var af snjó á svæðinu.

kv
Kristján Finnur

Frábært að heyra, maður er farinn að telja niður klukkutímana í að leggja af stað, búinn að bíða svo lengi eftir að komast á fjöll að maður er orðinn alveg veikur hérna heima í sófanum að skoða myndir og leiðir. En nú er bara að bíða eftir fimtudeginum og hendast þá af stað og skoða snjóinn aðeins fyrir páskana :)