Léttar leiðir á Reykjanesi

[baldvinl]

Sælir,
Vitiði um einhverjar skemmtilegar leiðir á Reykjanesinu sem eru léttar fyrir óbreyttan jeppa til að leika sér og æfa sig?

Kv. Baldvin Lárus

[Tómas Þröstur]

Td Djúpavatnsleiðin á milli Vatnsskarðsnáma og Suðurstrandarvegar.

[Lindemann]

Djupavatnsleiðin er fín til að leika sér, oft dálítill snjór þar!

En ég mæli með því að menn fari samt aldrei einbíla þó það sé verið að fara stutt, það er t.d. ekki símasamband allsstaðar á djúpavatnsleiðinni og ekki gott ef menn festa sig.

[andrijo]

fór áleiðis að djúpavatni í dag og þar er helvíti mikið krapadrull en allt í lagi...líka gaman að keyra breiðdal á milli vatnsskarðs austan við námuna á krýsuvíkurvegi og að bláfjallavegi...bara halda sig á veginum:)
Það er virkilega sorglegt að sjá hvernig hjóla/fjórhjólamenn og jeppamenn sem ekki kunna sig hafa farið með vigdísarvelli og hlíðarnar í sveifluhálsi og breiðdal, ekki til fyrirmyndar og mun líklega ekki jafna sig næstu áratugi.

Svo er skemmtilegur slóði sem hægt er að keyra ef farið er að syðri enda kleifarvatns og beygt til hægri við skilti sem stendur á hverahlíð, það glittir í nokkra kofa við vatnið, slóðinn fer framhjá kofunum og upp í hlíðina. Ætla svosem ekki að fullyrða um hvort þetta sé löglegur slóði eða ekki, getur einhver svarað því?

bk.
Andri

[Subbi]

Slóðin sunnan við kleifarvatn liggur inn að Gullbringu sem Sýslan er skírð eftir og er Löglegur og búinn að vera þarna lengi og notaður til upprekstrar og smölunar hér áður fyrr einnig ef að lítið er í vatninu er hægt að fara austan með fjöruni til baka og koma upp hjá Lambhagatjörnini sem nú er þurr