Næsta ferð Litlunefndar F4x4

[petur]

10 Janúar, 2014
Nú er komið að fyrstu ferð Litlunefndar 2014, en hún verður farin laugardaginn 18. janúar næstkomandi.

Að þessu sinni er stefnan sett á Skjaldbreið og er ætlunin að reyna að nálgast hana að sunnanverðu. Fyrirkomulagið verður það sama og venjulega. Við hittumst á Stöðinni við Vesturlandsveg klukkan 8:30 og röðum okkur í hópa. Þaðan förum við upp á Þingvelli og inn á nýja veginn um Lyngdalsheiði og keyrum aðeins inn á hann. Fljótlega tökum við svo vinstri beygju og inn á slóða sem leiðir okkur inn á Gjábakkaveg framhjá Vörðunni. Við keyrum svo þá leið inn að Skjaldbreið að sunnaverðu og upp á hana eftir því sem færð og snjóalög leyfa. Hvert við förum svo er ekki ennþá ákveðið en nokkrir möguleikar eru í stöðunni. Ef við verðum heppin með færi og komumst öll upp á Skjaldbreið er mögulegt að fara niður norðanmegin og inn á Línuveg og á Þingvelli um Meyjarsæti. Ef ekki gengur að komast upp þá er líka mögulegt að fara Eyfirðingaleið í vestur og koma að Sandkluftavatni og þaðan niður á Þingvelli eða jafnvel niður í Skorradal. Ákvörðun um endanlegt leiðarval verður tekið af fararstjórum ferðarinnar þegar þar að kemur.

Skráning í ferðina er í fullum gangi á nýja vefnum og við viljum benda á að hún er með breyttu sniði frá því sem áður var. Nú nota almennir þátttakendur sama form og hópstjórar en merkja við ef þeir eru hópstjórar. Við minnum á að til þess að geta verið hópstjóri hjá Litlunefnd, þá þurfið þið að vera skráð sérstaklega á hópstjóralista Litlunefndar. Ef þið eruð ekki skráð á þann lista en hafið áhuga að taka þátt í þessu skemmtilega og gefandi starfi þá hvetjum við ykkur til að hafa samband við okkur gegnum Litlanefnd@f4x4.is.

Að lokum viljum við minna á kynningarfund vegna ferðarinnar sem haldinn verður í félagsheimili klúbbsins að Eirhöfða 11 þar sem farið verður nákvæmlega yfir ferðatilhögun. Fundurinn hefst klukkan 20:00 miðvikudagskvöld en við viljum biðja hópstjóra að mæta fyrr, eða klukkan 19:30

Linkur á skráninu er hér. http://www.f4x4.is/event/litlunefndarfe ... orradalur/

Bestu kveðjur og sjáumst hress.

Litlanefndin

[emmibe]

Hvaða dagsetning er á kynningarfundinum?

[petur]

Afsakið að dagsetning gleymdist. Fundurinn er á miðvikudagskvöld.

Kv
Ph

[petur]

Við viljum biðja þá sem hafa verið skrá sig í ferðina að athuga hvort nöfn ykkar séu ekki örugglega á listanum í skráningunn á heimasíðunni. Það er búið að vera einhver bilinu í skráningarkerfinu öðru hvoru. Ef þið hafið ekki náð að skrá ykkur þá viljum við biðja ykkur að vera í sambandi við okkur með tölvupósti litlanefnd@F4x4.is

Litlanefnd

[Halldorfs]

Setti upp smá video af ferðinni í dag. Sett upp í flýti þannig það er ekkert 100% en gefur ágæta yfirsýn yfir góðan dag hjá okkur upp á fjöllum!.

http://www.youtube.com/watch?v=HLA170HWYQo&feature=youtu.be

Takk fyrir mig.
Kv Halldór

[Lindemann]

Flott video hjá þér!

Verst er að ég verð eiginlega að reyna að fara aftur næstu helgi til að klára verkið og komast á toppinn :)

[Big Red]

Takk fyrir myndbandið. Gaman að horfa á þetta virðist hafa verið mjög gaman og gott veður. Getum ekki beðið eftir að klára bílinn svo við getum farið að fara í svona ferðir :D

[Halldorfs]

Flott video hjá þér!

Verst er að ég verð eiginlega að reyna að fara aftur næstu helgi til að klára verkið og komast á toppinn :)

Já það er einmitt stefnan hjá okkur að skreppa á laugardaginn eða sunnudaginn eftir því hvernig viðrar.

[Hlynurn]

Flott video hjá þér!

Verst er að ég verð eiginlega að reyna að fara aftur næstu helgi til að klára verkið og komast á toppinn :)

Já það er einmitt stefnan hjá okkur að skreppa á laugardaginn eða sunnudaginn eftir því hvernig viðrar.

Sæll, er komið eitthvað plan? var fyrir norðann núna um helgina og komst því ekki í þessa ferð, dauðlangar að prófa "nýja" jeppann minn í snjó.
er á 37" Hilux.

Kv. Hlynur