Hið íslenska jeppaspjall

Ætla menn eitthvað að hreyfa sig um helgina? Spáir snjókomu í kvöld og eitthvað um helgina víðsvegar á hálendinu.

Það var pæling að athuga hvort maður kæmist lengra en út á bensínstöð þessa helgina. En hugmyndin ekki komin lengra en það. Eru menn með eitthvað plan?

Veðurspáin gerir ráð fyrir austan og suð-austan hríðarveðri um helgina þannig að ég veit ekki hvað skyggnið verður gott.
Ætli það sé ekki alveg eins skemmtilegt að aka einhversstaðar í hringi.

Mig langar til að fara eitthvað eftir hádegi á morgun ef það verður ekki vitlaust veður.

Mér sýnist nú morgundagurinn vera álitlegri en sunnudagurinn hvað veðrið varðar. Ég gæti alveg hugsað mér að kíkja eitthvað ef veður leyfir

kv Tolli

Miðað við veðurspána fyrir næstu daga þá held ég að maður plani frekar ferð næstu helgi. Það verður fullt af nýjum snjó á hálendinu.

Held maður dundi sér í skúrnum um helgina og skjótist af og til út að draga fólk úr sköflum (maður má vona)

Ef veður verður sæmilegt væri ég alveg til í smá rúnt

Það a að detta i flott veður seinni partinn. Spurning um að fara uppúr 1.

Hvert skal taka stefnuna? Með eitthvað plan/hugmynd?

Renna inná Þingvelli núna uppúr 1 og sjá hvort hægt sé að þræða sér uppá Skjaldbreið?
Davíð - 8970888

Doror wrote:Renna inná Þingvelli núna uppúr 1 og sjá hvort hægt sé að þræða sér uppá Skjaldbreið?
Davíð - 8970888

Tekið af fésbókini núna

Já við fórum ekkert. Ætlum að skoða það á morgun.

Þetta er nánast autt. Varla verið mjög spennandi.

Hva það er snjór á veginum menn hafa nú farið að smá að leika fyrir minna og haft gaman af.

Snjórinn í dag inn við línuveg var þunn skel með 50 til 100cm púðri undir, í veginum og lægðum.

Klárlega er meiri snjór inná Kaldadal og við Skjaldbreið, svo er Langjökull ekki langt undan.

Doror um að gera að drífa sig á morgun, það er alltaf gaman á fjöllum þó færið sé gott.

Svo lengi sem maður þarf að setja í fjórhjóladrifið þá er það þess virði að skoða snjóinn. Svo er bara svo gott að fá ferskt fjallaloft.

Það er rétt, skoðum þetta á morgun.

Fórum eftir hádegi í dag Skjaldbreiðarveginn innað Sæluríki og til baka. Ég á Cherokee og Ragnar á Musso, báðir 38". Svolítið þungt færi á köflum en komið slatta af snjó og vonandi helst það áfram.

Tók lítið af myndum en Ragnar var með atvinnuljósmyndara með sér sem ætti að geta bætt eitthvað úr þessu :)

Hérna má sjá færið. Varúð, tekið á shaky símamyndavél.
[youtube]http://youtu.be/FxS2wGSls1c[/youtube]

Það leið ekki á löngu þar til fyrsti skaflinn var kominn og farið var í að hleypa úr og gera smá fjör úr þessu.

Skaflinn lagaður aðeins til áður en brunað var í gegn.

Það er enginn yfir það hafinn að festa sig.


En veðrið var með eindæmum fallegt og ekki er Mussoinn síðri.

Sæluríki fallegt á að líta.

Svo var haldið heim á leið og pumpað í dekkin í blíðviðri.

Fjallaferð í góðum félagsskap er alltaf góð skemmtun.
Svo eru fleiri myndir inn á http://www.antonstefans.com/ undir Útivist