Húsafell-Hveravellir

[hobo]

Hefur einhver nýlega farið þessa leið norður fyrir Langjökul sem getur upplýst mig um ástand vegslóðans?

[Óskar - Einfari]

Sæll

Ég var í hálendisgæslu á Hveravöllum um helgina, við lentum í því að sækja útlendinga á stórasand á óbreyttri vitöru. Þeir komu frá arnavatnsheiði og áttu c.a. 7 km eftir upp á kjalveg en seinasti kaflin á þessari slóð er eiginlega versti kaflinn og tæplega fært fyrir svona bíl nema með lagni. Þeir ráku bílin svo illa uppundir að skiptingin festist og varð að skilja bílin eftir.

Frændi minn fór fyrir c.a. 1,5 viku síðan ásamt öðrum nákvæmlega þessa leið á fjórhjólum og voru þeir alveg búnir eftir þetta enda er þetta ekkert nema sandur steinar og grjót....

Foreldrar mínir fóru á sama tíma frá húsafelli á upp á arnavetnheiði og síðan í víðidal held ég, þau eru á 38" patrol og höfðu þau ekkert að hvarta undan slóðinni.

Vonað að þetta hjálpi eitthvað.

Kv.
Óskar Andri
oae@simnet.is
895-9029

[hobo]

Flott þakk fyrir þetta.
Þetta ætti að vera á reynandi fyrir 32" súkku með geðveikan ökumann :)

[HHafdal]

sælir ég fór þessa leið í fyrrahaust og er þetta sá alleiðinlegasti Slóði (vegur) sem ég hef farið en samt ekkert vandamá með í för voru bílar bæði á 30 og 31" þetta er bara seinfarið.

[hobo]

sælir ég fór þessa leið í fyrrahaust og er þetta sá alleiðinlegasti Slóði (vegur) sem ég hef farið en samt ekkert vandamá með í för voru bílar bæði á 30 og 31" þetta er bara seinfarið.

Ég skil. Manni sýnist það líka á korti að þarna sé ekkert nema auðnin ein.
En hvað haldiði að þessi akstur taki langan tíma miðað við aðstæður, þetta eru 111 km samkvæmt Mapsource.

[Fordinn]

Ég var þig við þetta er einhver leiðinlegasti slóði sem eg hef keyrt, fór þetta á fjorhjóli einu sinni og það var hundleiðinlegt að keyra þetta og lofaði sjálfum mer að eg myndi aldrei keyra þetta aftur og hvað þá á bíl.

Ef þú hinsvegar þrjóskast við, þá skaltu hafa med þér varadekk og tappasett og loftdælu það er mjög auðvelt að eyðileggja dekk þarna, og svo skaltu taka með stútfullan poka af þolinmæði í nesti.

[hobo]

hehe jæja ég er hér með hættur við að keyra þetta, lýsingarnar eru það slæmar.
En það er alltaf gaman að pæla og spekúlera.

[HHafdal]

man ekki alveg hvað við vorum lengi enda svolítið misjafnt hvernig menn keyra fórum frá Húsafelli c,a 10 11 og vorum komin á Hveravelli í kvöldmat en frekar seint mynnir mig og var þá ákveðið að þarna yrði ekki farið aftur en sé samt ekkert eftir að hafa keyrt þetta víða fallegt og flottir hellar á leiðinni það skýrir lengdina að hluta til og ekki síst þá er einum slóðanum færri sem maður á eftir. kveðja Dóri sem fer hægt á Mussó en kemst það.

[Brjótur]

Hobo láttu ekki hræða þig frá að fara þetta, það er alltaf eins og sumir haldi að það séu hraðbrautir á hálendinu, og þá er mér alltaf spurn, eru menn alltaf að flýta sér, ég held að ef einhver ætli að skoða leiðina þá gefi hann sér tíma til þess, þetta er að sjálfsögðu engin hraðbraut. ;)

Ferðakveðja Helgi

P.S það er ekkert að marka þessa fjórhjólakalla þeir eru alltaf í kappakstri :)

[Ofsi]

Sammála Helga Brjót, það er ekkert að því að aka Stórasand. Hef farið þarna nokkrum sinnum á 29 tommu. Stórisandur er laaaaannnngt frá því að vera með verstu slóðum hálendisins

[hobo]

Já ég skal skoða málið betur í kjölfar bjartsýnni athugasemda :)
En úr einu í annað, skemmtilegt hvað þetta spjall er virkt miðað við 4x4 spjallið. Það er eins og menn séu feimnir við eitthvað þar, eða að umferðin sé einfaldlega meiri hérna.

http://f4x4.is/index.php?p=138441&jfile ... 28#p138441

edit: Reyndar sendi einn mér einkapóst hjá f4x4.is þar sem hann var líklega ekki meðlimur og gat því ekki tjáð sig almennilega.

[Fordinn]

Ég skal reyndar vera heiðarlegur og játa að ég var þunnur þegar ég keyrði þetta....... enn samt aldrei aftur.....