Ráðlegging til Braga um akstur í þórsmörk

[Brjótur]

http://f4x4.is/index.php?p=155397&jfile ... 28#p155375

því miður kann ég ekki að gera þetta öðruvísi, en þar sem að ég er ekki með skrifaðgang á f4x4 þá ætlaði ég að koma smá skilaboðum til Braga um þórsmerkurrúnt, ef þú ekki þorir einn með ferðamenn þangað þá ættir þú að láta fagmenn um málið.

[soðlappinn]

Sæll Helgi þú veist ekkert um það hvort að þessir danir séu vinir eða ættingjar hans Braga,ekkert eðlilegra en að menn fari með vini og kunningja í bíltúr.Þetta er sennilega með aumari þráðum sem ég hef séð (Ps ef þú kannt ekki betur á tölvuna þína láttu þá bara fagfólk um þaug mál)

kv soðlappinn

[Pajero1]

http://f4x4.is/index.php?p=155397&jfile=viewtopic.php&option=com_jfusion&Itemid=228#p155375

því miður kann ég ekki að gera þetta öðruvísi, en þar sem að ég er ekki með skrifaðgang á f4x4 þá ætlaði ég að koma smá skilaboðum til Braga um þórsmerkurrúnt, ef þú ekki þorir einn með ferðamenn þangað þá ættir þú að láta fagmenn um málið.

Ekki fyrsta skipti sem þú kemur með svona pósta..

það er endalaus "mér finnst" og "ég held" rök frá þér.

Stundum er betra að þegja og vera talinn heimskur, en að opna munninn og taka af allan vafa.

[danfox]

Sammála síðustu ræðumönnum.

Nokkuð ljóst að Helgi Brjótur er ein mesta spjallborðshetja allra tíma.

[Izan]

Sælir

Ég verð bara að segja fyrir mitt leyti að þið eruð dónar.

Það er fullkomlega eðlilegt af Helga að mæla með því að menn hafi viðskipti við fagmenn við að fara með fólk á fjöll og það er algerlega óháð því hvort það séu vinir og kunningjar, ókunnugir eða bara hreinlega þið sjálfir. Sjálfsagt mælir hann með sjálfum sér ef menn fara að pumpa hann eitthvað að ráði en mér þætti það ekkert óeðlilegt heldur. Hér eru verkstæðismenn að mæla með sínum fyrirtækjum í viðgerðum og ef um ræddi að að gera við bíl þætti svona innlegg ekkert óeðlilegt, þó að það væru einhverjir danskir vinir.

Kv Jón Garðar

[Brjótur]

Já sælir þið opinberið lesvankunnáttu ykkar strákar, nema Jón Garðar hann skildi hvað ég átti við, og það er nú sama hvernig ég les póstinn minn ég sé ekki neina hæðni eða aðfinnslu í honum, en ykkur,Danfox, soðlappa, og Pajero virðist einkar lagið að lesa þetta vitlaust.

Danfox, ég skal hitta þig á fjöllum og sýna þér að kunnátta mín þar er mun meiri en á takkaborðinu ;)

Pajero,ég held að þú ættir að fara að eigin ráðlegginngu varðandi heimskuna og að opna munninn.

Soðlappi, vinir eða ættingjar, er allt í lagi að gera vitleysu með þá? ef menn treysta sér ekki í leiðangurinn einbíla?
þau er ekki skrifað svona ,,,þaug,,,

svo legg ég til að þið lesið 2 eða 3 svar næst áður en þið ausið yfir mig eða einhvern annan, ok?

kveðja Helgi

[Stebbi]

Ég hélt að ég ætti einkaleyfi á því að rífast við Brjótinn, svona út frá hefðini. Dónar og dusilmenni eruð þið og þið ættuð að sitja frekar á ykkur en að drulla svona yfir menn sem eru bara að gefa ráðleggingar út frá sínum bæjardyrum.

[Grease Monkey]

Vá það eru engin smá viðbrögð, ég verð nú að deila með ykkur að ég henti hérna inná spjallið fyrir helgi hvort það væri ráðlagt að fara vissar leiðir einbíla á 35" dekkjum og Helgi var sá fyrsti sem svaraði því og hann mælti með því að ég héldi mig bara við fjölfarnari leiðir sem og ég gerði því ég veit það að Helgi er mikill reynslubolti sem er nánast alltaf á ferðinni um landið okkar og ef hann segir mér halda mig við vissar leiðir umfram aðrar þá er það bara svoleiðis. Ég var með fullan bíl af vinum bæði frá Bretlandi og Íslandi og það var enginn þeirra til í að fara moka upp jeppann á höndum bara útaf því að ég gat ekki farið eftir leiðbeiningum.

Helgi: Maður á alltaf segja það sem manni finnst, þetta er bara spurning hvernig maður segir það ;)

[Brjótur]

Sæll Baldvin og takk fyrir, já mér virðist einkar lagið að koma þessu frá mér á prenti, :)

kveðja Helgi

[Einar]

Þetta spjallborð hefur verið blessunarlega laust við skítkast og leiðindi og vonandi er hægt að halda því áfram þannig að ég legg til að menn andi nokkrum sinnum djúpt og telji upp að 10 áður en þeir smella á "Senda"

En hvað sem því líður þá verð ég að segja að Helgi "Brjótur" hlýtur að mega hafa sína skoðun og "halda" og "finnast" þetta og hitt. Ég "held" að við notum flest oft slík rök og mér "finnst" það bara allt í lagi.
Og mér "finnst" líka að þið Vignir, Pétur og Sigurður séuð óþarflega dónalegir en er ekki síðan bara best að gleyma því og fara aftur að rífast um hvorir séu meiri druslur Nissan eða Toyota?.

[Krúsi]

og fara aftur að rífast um hvorir séu meiri druslur Nissan eða Toyota?.

Sammála..... Mér finnst og ég held að JEEP séu bestir...

Fórum í smá ferð um helgina, og til að sanna mitt mál, endaði ferðin svona:





JEEP kominn með bæði Toyotu og Ford í tog á leiðinni heim... hahahahahaaaa

kv.
Markús

[Einar]

Sammála..... Mér finnst og ég held að JEEP séu bestir...

Þetta er náttúrulega svo augljóst að mér láðist algjörlega að nefna það!

[gaz69m]

piff það er náttúrulega ekki spurning að bestu jepparnar komu frá sovétríkjunum

svosem uaz 452 uaz 469 með gaz 69 fremstan í flokki .

:Þ

[jeepson]

Pabbi minn getur lamið pabba þinn!! :D

[soðlappinn]

Þórsmörk á morgun

Pósturaf Bragi » 12 Mar 2011, 21:15
Sælir félagar, ég er að fara inn í Þórsmörk á morgun og langar að vita hvort einhverjir væru á sömu leið ?
Verð líklega einbíla án VHF (ekki minn bíll) og þætti gott að vita af einhverjum í nágrenninu.
Hugmyndin er að fara og skoða Lónið og fara síðan inn í Bása

Skil ekki hvernig það er hægt að lesa það út úr þessu að maðurinn þori ekki inn í þórsmörk maðurinn er að gera það sem rétt er í málinu ef að hann er einbíla finnst þetta hroki

kv vignir

[Pajero1]

Þórsmörk á morgun

Pósturaf Bragi » 12 Mar 2011, 21:15
Sælir félagar, ég er að fara inn í Þórsmörk á morgun og langar að vita hvort einhverjir væru á sömu leið ?
Verð líklega einbíla án VHF (ekki minn bíll) og þætti gott að vita af einhverjum í nágrenninu.
Hugmyndin er að fara og skoða Lónið og fara síðan inn í Bása

Skil ekki hvernig það er hægt að lesa það út úr þessu að maðurinn þori ekki inn í þórsmörk maðurinn er að gera það sem rétt er í málinu ef að hann er einbíla finnst þetta hroki

kv vignir

Algjörlega samála ! Þetta er ekkert nema hroki. Það er akkurat svona viðbrögð sem veldur því að fólk varar sig á því að koma með fyrirspurnir á netið..

Alveg ótrúlegt hvað jeppamenn eru alltaf að skemma fyrir sjálfum sér.

Ég var samt full grófur að kalla Helga heimskan en það var kanski ekki ætlunin heldur bara orða tiltæki. En ég stend að öðru leiti bakvið mín orð og finnst að Helgi ætti klárlega að íhuga hvernig hann ætlar að tjá sig í frammtíðini á netinu.

Það þarf engin að hafa eitthvern "stóra bróðir" að líta yfir öxlina á sér.

[Izan]

Sælir

Núna þegar ég held að menn séu búnir að fá sér tyrkneskt jurtate til að róa taugarnar og liggja í gufubaði finnst mér allt í lagi að ég segi mitt álit á þessu.

Braga, þann ágæta mann sem leitaði eftir upplýsingum, myndi ég vilja svara svona einhvernveginn:

Á hálendi Íslands (þ.m.t. Þórsmörk, sem ég leyfi mér að taka með hálendinu) ferðu ekki einbíla fjarskiptalaus með óvant fólk fjallaferðum, það er ekki skynsamlegt.

það er endalaus "mér finnst" og "ég held" rök frá þér.

Hvernig eiga menn að geta sagt satt og rétt frá nema það komi frá eigin brjósti, eigin hyggjuviti og eigin reynslu? Það að fullyrða um hluti eins og færð og veður getur ekki lýst skynsemi og hér eftir sem hingað til orða ég mín svör nákvæmlega svona, mér finnst það skynsamlegast.

Í öllu falli finnst mér upphaflega spurningin bjóða upp á eitt svar, þú ert of vanbúinn og átt ekkert erindi og ég er reyndar pínulítið hissa á að enginn jeppamaður hvorki hér né annarsstaðar hafi bent Braga á þessa staðreynd.

Kv Jón Garðar

[Brjótur]

Strákar mínir segið mér við hvað þið vinnið og þá ætla ég að segja ykkur hvað þið eruð að gera vitlaust, er það ekki sanngjarnt? Þaðer ekkert vitlaust við það að fara einbíla fyrir menn sem hafa þetta að atvinnu, ég er hræddur um að ég fengi ekki mikið að gera í þessum bransa ef ég treysti mér ekki til að fara þetta einn, hvort sem er þórsmörk eða Landmannalaugar eða Gullhringur og jökull. Og að endingu ætla ég að vona að þetta sé nógu mjúkmált tal fyrir ykkur.
En endilega segið mér hver atvinna ykkar er skora á ykkur :)


kveðja Helgi

[soðlappinn]

Sæll helgi ég hef atvinnu af því að keyra túrista um hálendið, þess á milli vinn ég á verkstæði.hvað er ég að gera vittlaust?

kv Vignir

[Brjótur]

Já, í jeppaferðum? einbíla? á veturna? og ef já við þessum svörum þekki ég þig þá? Og ég hef ekkert sagt þig vera að gera eitthvað vitlaust, það ert þú sem segir að ég sé að fara með vitleysu, ekki satt?

[Ofsi]

Helgi er orðinn svo mjúkmáll að mér vöknaði sem snöggvast um augu. Og þurfti að bregða mér frá og ná í tissjú. Ég ætla rétt að vona að Helgi verði aftur Helgi, annars verð ég að krefja hann um að greiða hluta af snýtupappírnum hjá mér.

[soðlappinn]

[quote="Brjótur"]Strákar mínir segið mér við hvað þið vinnið og þá ætla ég að segja ykkur hvað þið eruð að gera vitlaust, er það ekki sanngjarnt? Þaðer ekkert vitlaust við það að fara einbíla fyrir menn sem hafa þetta að atvinnu, ég er hræddur um að ég fengi ekki mikið að gera í þessum bransa ef ég treysti mér ekki til að fara þetta einn, hvort sem er þórsmörk eða Landmannalaugar eða Gullhringur og jökull. Og að endingu ætla ég að vona að þetta sé nógu mjúkmált tal fyrir ykkur.
En endilega segið mér hver atvinna ykkar er skora á ykkur :)


Skil ekki hvar þú grefur það upp að maðurinn þori ekki eða treysti sér ekki maðurinn var að fara inn í þórsmörk þennan dag og var að athuga hvort einhver væri á svipuðum slóðum.Nú er ég búinn að svara áskorun þinni þannig að það væri gaman að vita hvað ég er að gera vittlaust

Kv Vignir

[Pajero1]

Helgi .. Semsagt mælikvarði um hversu hæfur þú ert í að fara í jeppaferðir um hálendi íslands helst í hendur við það hvort þú hafir atvinnu af því eða ekki ??
Leiðréttu mig ef ég fer með rangt mál

[Skúli]

Jón Ofsi, ég var einmitt farinn að hafa áhyggjur af því að menn ætluðu að fara að fallast í faðma hérna, eins og þetta fór nú vel af stað. En nú sýnist mér vera að lifna yfir þræðinum aftur. Þó ég ætli ekki að blanda mér í það hvort vit sé að fara í Þórsmörk einbíla eða hverjir séu færir um það eða hverjir séu dómbærir á það, þá verð ég að vekja athygli á skemmtilegu orðatiltæki hér að ofan, nefnilega að Pajero1 sem stendurbak við orð sín. Nokkuð góð "Bibbíska"
Þó má skjóta inn í málefnisins vegna að það er ágætt gsm samband á Þórsmerkurvegi og víðast hvar í Þórsmörk, VHF skortur ætti því ekki að vera tiltökumál svo fremur sem gemsinn sé með í för.
Kv - Skúli

[-Hjalti-]

Þetta er svo dæmigert fyrir jeppamenn......... !! sandkassaleikur

[Brjótur]

Jesús Pétur og allir hans lærisveinar ætlar þú að halda áfram að berja hausnum í steininn pajero, nú ert þú búinn að snúa þessu við, að sjálfsögðu hef ég og við sem höfum atvinnu af því að keyra þarna uppfrá oftast einir á ferð meiri reynslu og þekkingu á því hvernig það er að ferðast einbíla og bjarga okkur, það er þannig í allri vinnu ,því lengri starfsreynsla því hæfari starfskraftur :) ekki satt? oftast allavega.

kveðja Helgi

[Ofsi]

Þetta er alrangt hjá Þér kamerat Helgi. Sjáðu Steingrím og Jóhönnu, búinn að sitja á þingi í um 30 ár. Og verða verri með hverju árinu :-)

[Pajero1]

Jesús Pétur og allir hans lærisveinar ætlar þú að halda áfram að berja hausnum í steininn pajero, nú ert þú búinn að snúa þessu við, að sjálfsögðu hef ég og við sem höfum atvinnu af því að keyra þarna uppfrá oftast einir á ferð meiri reynslu og þekkingu á því hvernig það er að ferðast einbíla og bjarga okkur, það er þannig í allri vinnu ,því lengri starfsreynsla því hæfari starfskraftur :) ekki satt? oftast allavega.

kveðja Helgi

Ég var að fiska útúr þér með síðasta commenti hvort þér þætti það alltaf haldast í hendur..
Ég hef séð ansi marga atvinnmenn í fjallaferðum sem eru algjörlega óhæfir í að keyra með fólk en það er guði sé lof í minnihluta.
Og gat ég ekki annað en lesið það útúr fyrsta pósti þínum að ef þú ert ekki Atvinnumaður í þessum geira þá hafir þú ekkert að gera í þórsmörk.. Það gæti ekki verið meira frá sannleikanum..

Ekki taka þetta persónulegum leiðindum Helgi , er bara á annari skoðun en þú. og hef enga hagsmuni að gæta hér. Kanski annað en þú ??

[Kalli]

Þetta er alrangt hjá Þér kamerat Helgi. Sjáðu Steingrím og Jóhönnu, búinn að sitja á þingi í um 30 ár. Og verða verri með hverju árinu :-)

Góður púntur Ofsi ég tek ofan fyrir þér.

:O)

[Brjótur]

Já Ofsi enda bætti ég við, ,,, oftast allavega,,,, :)

Og pajero, já það eru menn innan um það er hárrétt, enda held ég að það sé nú í flestum greinum, og já svo tók ég nú fram í einu svarinu að mér er einkar lagið að láta misskilja mig á prenti ;) ( ekki tárast Ofsi )
og nei tek þessu ekki illa.
kveðja Helgi

[Izan]

Sælir

Ég hef pínulítinn grun um að Helgi hafi eitthvað misskilið svarið mitt og tekið tilmælum mínum til Braga svolítið of nærri sér.

Ég stend á því samt sem áður að menn ættu ekki að fara inn á hálendið einbíla pró eða amatörar, það er ekki skynsamlegt því að það vita það allir hversu lítið þarf útaf að bera. Það er svosum bara mín skoðun og ég hélt það sem flestir sem á annað borð eru vanir jeppamenn/fjallamenn séu sammála um.

Úr því að menn töluðu um GSM sem öruggt og gott fjarskiptatæki þá má kannski minnast þess þegar vor heilagleiki, Steingrímur J. Sigfússon velti bílnum sínum. Gemmsinn lá í jafnmörgum bútum og hann var byggður úr á dreif um bílinn og eina fjarskiptatækið sem hann náði til var það sem var fast á sínum stað. Gemmsinn er svosum ágætur á sinn hátt og sjálfsagður búnaður að hafa við höndina en hann er ekki potturinn og pannan í fjarskiptabúnaði í vetrarferðum um Ísland.

Úr því að þú spurðir, Helgi, þá er ég rafvirki. Mér finnst sérstaklega vont að fá rafmagn í mig og forðast það fram í lengstu lög. Dagsdaglega er það stærsta hættan sem að mér steðjar og ég nota aldrei færri en 2 aðferðir í einu til að passa upp á það. Maður getur samt aldrei sagt aldrei og í ófá skipti hefur það komið í bakið á mér að trassa þetta. Eitt dæmi sem ég á eftir að muna lengi eftir þá mældi ég milli 2 fasa í 125A tengli og frá jörð í 2 fasa. Vélin var algerlega steindauð og sýndi engin lífsmörk. Ég sleit tengilinn af kaplinum enda haugbrunninn og viti menn, ég fékk allsvakalegann kipp. 2 af 3 fösum voru úti og ég hafði hitt á að mæla þá báða en ekki þann þriðja. Það var 125 Ampera vör fyrir framan þetta og til gamans má minnast á að það þarf ca 30 milliamper til að drepa mann. (minnir að skv upplýsingum úr dagbók Reykjafells hafi verið talað um 30 mA í 15 sek sé banvænt)

Kv Jón Garðar

P.s. ég er einhvernveginn á því að það sé betra að vera lifandi gunga en dauð hetja.

[geirsi23]

Sælir


Úr því að þú spurðir, Helgi, þá er ég rafvirki. Mér finnst sérstaklega vont að fá rafmagn í mig og forðast það fram í lengstu lög. Dagsdaglega er það stærsta hættan sem að mér steðjar og ég nota aldrei færri en 2 aðferðir í einu til að passa upp á það. Maður getur samt aldrei sagt aldrei og í ófá skipti hefur það komið í bakið á mér að trassa þetta. Eitt dæmi sem ég á eftir að muna lengi eftir þá mældi ég milli 2 fasa í 125A tengli og frá jörð í 2 fasa. Vélin var algerlega steindauð og sýndi engin lífsmörk. Ég sleit tengilinn af kaplinum enda haugbrunninn og viti menn, ég fékk allsvakalegann kipp. 2 af 3 fösum voru úti og ég hafði hitt á að mæla þá báða en ekki þann þriðja. Það var 125 Ampera vör fyrir framan þetta og til gamans má minnast á að það þarf ca 30 milliamper til að drepa mann. (minnir að skv upplýsingum úr dagbók Reykjafells hafi verið talað um 30 mA í 15 sek sé banvænt)

Kv Jón Garðar

P.s. ég er einhvernveginn á því að það sé betra að vera lifandi gunga en dauð hetja.

Þú hristir væntanlega hausinn þegar þú kemur í brunna rafmagnstöflu í vesturbænum, hugsar hvaða fífl hefði tengt hana, sama hugsar helgi þegar hann sér áhugasaman Íslending á slyddujeppa með bílinn fullan af túristum á svarta kafi í eitthverri sprænunni inn í mörk, látum fagmenn vinna verkin og ekkert klikkar. og ef það klikkar þá er það tryggt!

[StefánDal]

Fyrst við erum farnir að opna okkur hérna þá vill ég taka það fram að ég er leikari.
Svo í guðana bænum ekki fíflast, það er mín deild!

[KÁRIMAGG]

Ég er sammála Helga "Brjót" í þessu að undanskildu orðalagi um að þora ekki en í pósti Braga er hvergi minst á að þor a ekki. Ég fer ekki , og þá helst aldrei , einbíla því ég veit að ég get ekki bjargað mér einn úr hverju sem er og hef það þ.a.l. sem reglu að sleppa ferðum ef ég er einbíla eða með mönnum sem ég treysti ekki í þeim aðstæðum sem LÍKLEGA geta komið upp í hverri ferð.


EN ÞAÐ ER MÍN SKOÐUN OG REYNSLA EN EKKI ALGILT UM JEPPAMENN
ÞAÐ HUGSA EKKI ALLIR EINS


Að lokum FINNST MÉR að við ættum að hætta þessu þrasi um hver sagði eða gerði eða getur hvað og hvað ekki svo við endum ekki eins og F4X4 !!!!!!!!!!!!!
Tek það fram að ég er ekki í atvinnu akstri

[gislisveri]

113 vælubíllinn.

[Stebbi]

113 vælubíllinn.

Mættur

[HaffiTopp]

..

[JHG]

...sama hugsar helgi þegar hann sér áhugasaman Íslending á slyddujeppa með bílinn fullan af túristum á svarta kafi í eitthverri sprænunni inn í mörk, látum fagmenn vinna verkin og ekkert klikkar. og ef það klikkar þá er það tryggt!

Ég ætla að vona að svona hugsi hann ekki, eigum við þá ekki líka að leggja einkabílunum og láta leigubílstjóra sjá um það (þeir hljóta þá að var bestu ökumennirnir á fólksbílum, eru jú fagmenn!).

[Brjótur]

Styð tillögu JHG um leigubílstjórana, allavega í R.vík þar sem almenningur kann ekki að keyra ;)

[ofursuzuki]

Styð tillögu JHG um leigubílstjórana, allavega í R.vík þar sem almenningur kann ekki að keyra ;)

Þarna kemur þá ástæðan fyrir því hversvegna maður er nánast keyrður niður í þau fáu skipti sem maður asnast í höfuðborgina og reynir að keyra eins og maður, t.d nota hringtorg rétt, gefa stefnuljós, aka á löglegum hraða og stunda ekki Miklubrautar svig á milli bíla. Ég sem hélt ég kynni ekki að keyra en sé núna að það eru allir hinir, þetta er mikill léttir,takk fyrir að upplýsa mig um þetta Helgi.