Hið íslenska jeppaspjall

Veit ekki hvort þetta á heima undir "tækniupplýsingar" en sjúkrakassar eru skylda í breyttum jeppum.
Ég gróf upp hvaða lágmarkskröfur eru gerðar til svoleiðis sjúkrakassa;

Upplýsingar um innihald sjúkrakassa
Í hópbifreiðir, breyttar bifreiðir og skólabifreiðir
Innihald sjúkrakassa skal vera að fyrirmælum landlæknis.
Samkvæmt þeim fyrirmælum skal innihald sjúkrakassa vera sem hér segir:
verkjatöflur
heftiplástur
grisjuplástur
sárabindi
sáraböggull
silicongrisjur (fyrir skafsár) eða sambærilegar grisjur
saltvatn til sárahreinsunar (einnota) eða sambærilegt
teygjubindi
skæri

Innihald sjúkrakassa skal vera í kassa eða púða sem hægt er að loka með traustum hætti.
Sjúkrakassinn skal vera merktur skráningarnúmeri bifreiðarinnar.
Innihald sjúkrakassans og merking skráningarmerkis gildir fyrir allar hópbifreiðir óháð skráningardegi þeirra.

Fyrir breyttar bifreiðir gilda kröfur þessar frá og með 1.janúar 1993. Bifreiðir
sem samþykktar voru fyrir þann tíma með sjúkrakassa sem ekki uppfylla þessar
kröfur, þurfa ekki að endurnýja hann.

Takk fyrir að minna á þetta. Má líka benda á að innihaldið þarf að endurnýja með reglulegu millibili. Svo getur hlýtt teppi líka bjargað mannslífum og því um að gera að hafa eitt eða fleiri slík í bílnum hjá sér.