Hið íslenska jeppaspjall

Nú hef ég verið að gæla við að fara í það að láta setja 2.5" púst undir hjá mér. Er eitthvað eitt pústverkstæði frekar en annað sem að menn mæla sérstaklega með? Hvað hefur það verið að kosta hjá mönnum að láta græja svona?

Hversu mikið mál er annars að græja svona sjálfur bara inní skúr? Luma menn á einhverjum slóðum á síður þar sem maður gæti lesið sér vel til um svona smíði.

hafa ekki BJB verið ódýrastir í þessu?? Annars er nú best að hringja og kanna verðin hjá hinum og þessum aðilum.

Ég ætla að benda þér á pústþjónustuna ÁS í borgartúni, þetta er bakhúsið á þjóðskránni. Hann hefur verið allra sanngjarnastur á það sem eg hef þurft að láta gera fyrir mig. Þetta er eldri madur sem kann að smíða, það er ekkert væl eða vesen eins og ég hef fengið hjá mörgum öðrum pústverkstæðum!!!!



skora á þig að bjalla í hann, auðvitað hringiru a fleiri staði og færð samanburð.

Ég hef góða reynslu af Einari:
Pústverkstæði-Hjá Einari
Smiðjuvegi 50 rauð_gata - 200 Kópavogi Sími: 564 0950 Farsími: 899 6005 Sími: 567 4909

Slepptu Einari, nema þú sért áhættufíkill. Siggi og Ásgeir eru pottþéttir í Ás í Borgartúni

Hafa einhverjir verið að flytja inn púst í ameríska bíla ? Þá er ég að tala um svona "Cat-Back" púst ?

Ekki flókið, Pústþjónustan Kvikk. Hringdu allavegana og gerðu verð samanburð.

Ofsi wrote:Slepptu Einari, nema þú sért áhættufíkill.

Hahahahahahaha það er bara ekki hægt að orða þetta betur. :)

Hringdi á nokkra staði nýlega og fékk tilboð.

Einar = 30.000
BJB = 30.000 miðað við að ég væri búinn að losa um rærnar upp við pústgrein
Ás og Kvikk um 50 - 60.000, man ekki hvort var hvað...............

Ég keypti eitt sinn púst hjá Einari og var ekki nógu sáttur og BJB varð því fyrir valinu þó ég þyrfti að eyða smá tíma í þetta sjálfur fyrst.

Freyr

Eitthvað finnst mér ÁS hafa boðið hátt......... í þeim tilvikum sem eg hef þurft púst þá var hann alltaf langtum ódyrari enn hinir.


Fór einu sinni med gamlann 77 bronco til Einars, ég sagðist vilja fá alvöru hljóð í bílinn, það var eina krafan.
Nú honum tókst að láta þetta hljoma eins og saumavél, og svo kom að því að borga, minnir að þetta hafi hækkað um 14-15 þús kall frá umsömdu verði.

Mér líkar ekki að láta narra mig, menn i svona bisness geta alveg tekið svona verk út og gefið verð í það það á ekkert að koma þeim á "óvart"


Hinsvegar hafa hondusnáðarnir verið ánægðir med hann Einar =)

Seinast þegar ég verslaði við Einar þá sauð hann púst undir hilux hjá mér úr einhverjum afgöngum, 2 vikum eftir smíðina þá þurfti ég að fara undir bílinn og þá voru 3 tegundir af efni og 2 stærðir og allt farið að ryðga hér og þar.

Ég nennti ekki að eyða tíma í að rífast við hann og ákvað að launa honum greiðan með því að beina öllum sem spurja mig um pústverkstæði í aðra átt og velja hann sem síðasta kost. En ég undra mig á verðinu hjá ÁS, þeir hafa nánast undantekningarlaust verið ódýrastir og BJB dýrastir á síðustu árum. Svo eru líka góð vinnubrögð hjá ÁS.