Alternator vesen

[Hfsd037]

Ég er með dísel toyota hilux sem ég er nýbúinn að gera upp alternatorinn í
ég skipti um díóðunar og kolinn fyrir ca 6 mánuðum vegna þess að hann hlóð ekki inn á sig
en í gær keyrði ég þúsund vatna leiðina og sullaði smá í ánum og á meðan ég var að klára leiðina þá byrjaði hann að kveikja öll ljós í mælaborðinu og slökkti þau síðan af til skiptis
en núna þá hleður hann ekkert inn á sig, reimarnar snúast og snúa öllum hjólum eðlilega, ný kol, nýjar díóður..
dettur ykkur eitthvað í hug hvað gæti verið að?

[HaffiTopp]

Jarðsambandið lélegt eða illa tengt.
Kv. Haffi

[Izan]

Sælll

Ég hef engin sérstök vísindi handa þér nema það að ég veit til þess að æfagamall crown bíll hagaði sér svipað þessu þegar kolin voru að gefa sig, s.s. þegar kolin náðu ekki sambandi við rótorinn missti vélatölvan (sem þótti merkilegt fyrirbæri á þeim tíma) jarðsamband og flippaði gersamlega með því að kveikja öll mælaborðsljósin og gott ef mælarnir fóru ekki á eitthvað rugl líka.

Ég er náttúrulega ekki sannfærður um að það sama eigi við um nýlegann Hilux en þótti samt rétt að segja þér frá þessu.

Allt í kringum alternatorinn getur bilað og þetta með jarðsambandið er bæði mjög auðvelt að lagfæra og enganvegin til þess fallið að skemma þó að vandamálið liggi ekki þar. Ný kol geta spænst upp ef eitthvað er á kolatornum og þau geta náttúrulega brotnað og verið gölluð, gormurinn fyrir aftan þau verið of slappur o.s.frv.

Spennustillirinn getur verið að floppa og auðvitað, þó að það sé ekki gaman getur ný díóða alveg eins eyðilagst eins og hver önnur. Statorvöfin geta verið brunnin og leitt út.

Það getur vel verið að það séu einhverjir sem geta sagt þér hvernig nákvæmlega hver bilun hagar sér en það sem ég hef þurft að eiga við er dálítið misvísandi og voðalega hæpið að draga einhverja eina ályktun um eina eða aðra bilun, þó að sumar bilanir hagi sér í grófum dráttum svipað.

Ef jarðbinding dugar ekki er ekkert annað í stöðunni en að kippa svíninu úr og kíkja inn í hann. Þvottur á gamla kolarykinu er líka bráðnauðsinlegur og vill stundum gleymast.

Bara svona nokkrir hlutir sem mér datt í hug.

Kv Jón Garðar

[Hfsd037]

Bilun fundinn, kolin stóðu á sér vegna vatns og drullu sem ég var að sulla í um daginn.

takk fyrir góð svör :)