Hið íslenska jeppaspjall

Mér datt í hug að deila með ykkur smá föndri..

Nú er farið að kólna í veðri og minn annars ágæti Isuzu Trooper greindist með fæðingargalla.
Glóðarkertin eru föst og einhver fyrri eiganda hefur brotið þau við að reyna að ná þeim úr. Sem betur fer er hausinn bara brotinn á þeim (þeas. hann snýst en leggurinn er fastur) en ekki brotið framan af þeim sem mér skilst að hafi verið algengt við slíkar æfingar.

Ég ákvað að framkvæma hugmynd sem ég hef gengið með í kollinum lengi. Að koma fyrir einhverskonar hitunarbúnaði í soggreinina.
Eftir smá vangaveltur ákvað ég að nota glóðarhaus-glóðarkerti-eldvörpu (eða hvað menn annars vilja kalla það) eins og algengt var í dráttarvélum hér áður fyrr og komst að því að hann er hægt að kaupa í Aflvélum á Selfossi.



Það þurfti hinsvegar að finnahonum stað. EGR pungurinn blasir við manni á besta stað á soggreininni og ég ákvað að afleggja hann og koma glóðarhausnum fyrir í hans stað.



En þar sem EGR pungurinn sér um að opna og loka fyrir púst inn á soggrein þá þurfti ég fyrst að loka fyrir það pústmegin á heddinu. Á 4jx1 vélinni í Trooper liggja pústgöngin í gegnum heddið fremst og þar inn á soggrein.





Þá fyrst var hægt að koma glóðarhausnum fyrir. En fyrst varð ég að prufa hann upp á borði. Hann er eldsnöggur að hitna og við ákveðið hitastig opnar hann loka inn í sér sem hleypir díselolíu í glóðina. Hitinn sem þar er myndar undirþrýsting í dísellögnini og fæðir eldinn. Þegar maður rýfur strauminn kólnar hann aftur og lokar þá aftur olíulokanum.
Sniðugur búnaður og algjörlega "mekanískur". Engar dælur eða neitt slíkt. Bara varmalögmálið.





Þar sem þetta var/er enn tilraun ákvað ég að leggja ekki of mikið púður í smíðina. Ég fann múffu með réttum gengjum fyrir glóðarhausinn og sauð hana á flangs sem ég smíðaði eftir pakningu fyrir EGR punginn.





Ég tengdi þetta á þrýstihnapp (í gegnum stórt relay að sjálfsögðu) og til að byrja með verður það svoleiðis. Svona á meðan ég finn út hversu langan tíma þarf í hitun.

Útkoman er mjög góð og kostnaður er undir 10þús. Ég hef verið að hita í 12-13 sekúndur (olían kemur inn og myndar loga eftir ca 10 sek) og bíllinn dettur í gang.

Þar sem tilraunin heppnaðist vel og ég sé fram á að geta notað þetta setup þá ætla ég að betrum bæta þetta aðeins á næstunni. Ég ætla að láta skera út fyrir mig flangs úr þykkari efni og láta þá snitta fyrir glóðarhausnum.
Eins og er er ég bara með lítið 0.5l flösku í húddinu með díselolíu sem fæðir logan en ætla að útbúa ílát og láta slefið af spíssunum sjá um að halda því fullu.
Ég er að bíða eftir tímastilltu relay-i frá Kína sem ég fær stýrisstraum frá glóðarkertakerfinu í bílnum. Þá mun duga að svissa á og bíða eins og með hefðbundna forhitun.
Mér finnst glóðarkertakerfið gefa straum í of langan tíma fyrir glóðarhausinn. Annars hefði ég notað það óbreytt sem stýringu. Í Isuzu Trooper er nefnilega straumur að glóðarkertunum lengi eftir að gaumljósið í mælaborðinu slokknar og eftir að bíllinn er kominn í gang.

Ég mun uppfæra þennan þráð þegar það fer að frysta fyrir alvöru.

Góðar stundir.

Þetta heitir að bjarga sér!
En varðandi tímalengdina á hituninni, þá held ég að hún þurfi að vera mismunandi eftir hitastiginu úti.
Traktorarnir í sveitinni voru margir bara með takka og það þurfti að hita mislengi eftir því hvað var kalt úti. En allflestir náðu að koma þeim í gang í fyrsta starti.

Hvernig ætli það sé með svona eldvörpu? væri sniðugt að vera með smá "eftirhitun" (afterglow) eftir að vélin er komin í gang?

Ég þarf eiginlega bara að prufa eftirhitun. Mögulega tengi ég þetta þannig að takkinn verði áfram til staðar og hægt að nota hann meðfram hinu.
Það væri eiginlega langflottast að fá sér Rasberry Pi tölvu og forrita hana fyrir ákveðið hita input. Ég kannski skoða það.

En það kom amk aldrei til greina að fara rífast við glóðarkertin í þessum mótor. Ég kaupi bílinn bilaðan og þessi mótor átti aldrei að endast neitt, enda búinn að stúta þremur túrbínum vegna skorts á smurþrýstingi. En síðan eru komnir 8000km. á hann.

Ég pantaði tímastillt relay/tímastýringu frá Kína og það skilaði sér loksins um daginn.
Ég kom því fyrir á þægilegum stað í mælaborðinu og get því með góðu móti prufað mig áfram með tímann. Það er hægt að forrita þessa stýringu á nokkra mismunandi máta og jafnvel hægt að láta hana endurtaka ferilinn og fá þannig eftirhitun. Orginal glóðarkertarelayið í bílnum gefur þessu svo stýrisstraum þannig að nú virkar glóðarhausinn góði um leið og svissað er á bílinn. Ég ákvað samt að halda þrýstihnappinum áfram og hann virkar samhliða þessu.
Nú er farið að frysta og glóðarhausinn reynist mjög vel. Ég er að splæsa í allt að 20 sekúndur ef frostið fer niður fyrir -5 og Trooper hrekkur í gang.

Flott hjá þér.

Gæti ég feingið link á tíma reley, er að pæla að nota það við hitaða framrúðu.

kv.Kalli

Þakka þér fyrir og gjörðu svo vel.

https://www.aliexpress.com/item/1005004059473617.html?spm=a2g0o.productlist.main.17.65a702dN02dNSQ&algo_pvid=0b49ac9d-0619-481a-826e-736b932eec39&algo_exp_id=0b49ac9d-0619-481a-826e-736b932eec39-8&pdp_npi=4%40dis%21ISK%21591%21544%21%21%214.29%213.95%21%402103919917299725059526797e923e%2112000027897078714%21sea%21IS%210%21ABX&curPageLogUid=Q1ycZsenWtl6&utparam-url=scene%3Asearch%7Cquery_from%3A

Takk

Ég elska svona bras held að ég seti svona í pústið á mínum þar sem að ég er á bensín hef alltaf lagað í svoleiðis eftir að ég sá myndina Grease í fyrsta skipti 1978.:)