Síða 1 af 1

Lengja hraðamælabarka

Posted: 06.jún 2019, 14:17
frá isak2488
Hvert hafa menn leitað til að fá lengdan hraðamælabarka.
Þetta er barki úr 60 cruiser sem þarf að tengja í millikassa úr y60 patrol.
Ég er búin að hafa samband við nokkur breytingarfyrirtæki og bentu þau flest á Ökumælar ehf.
Þeir aftur á móti geta ekki gert þetta fyrir mig.
Ég er búin að hafa samband við Samgöngustofu varðandi það að nota Gps sem hraðamælir, þar var svarið NEI.
Er jafnvel einhver önnur leið sem maður getur farið heldur en gps eða barki?

Re: Lengja hraðamælabarka

Posted: 06.jún 2019, 23:14
frá kaos
isak2488 wrote:Ég er búin að hafa samband við Samgöngustofu varðandi það að nota Gps sem hraðamælir, þar var svarið NEI.

Skiljanlega. GPS dettur t.d. út í jarðgöngum. Svo eru þeir hjá Samgöngustofu sjálfsagt viðkvæmir fyrir öllum fyrirspurnum varðandi hraðamæla og kílómetrateljara þessa dagana :-)

isak2488 wrote:Er jafnvel einhver önnur leið sem maður getur farið heldur en gps eða barki?

Standardinn síðustu ár, reyndar síðustu áratugi, hafa verið rafmagnshraðamælar, með púlsgjafa við millikassann og mæli sem telur púlsana. Getur ekki verið að slíkt geti passað, e.t.v. úr ögn yngri árgerð af Nissan?

--
Kveðja, Kári.

Re: Lengja hraðamælabarka

Posted: 06.jún 2019, 23:15
frá Startarinn
Eina leiðin sem ég sé ef þeir geta ekki gert þetta er að fá báða barkana (patrol og cruiser) og skeyta þá saman
Silfurkveikja kjarnann og fá svo landvélar til að herpa stál glussarör utanum barkann
Þ.e.a.s. ef þeir eru í svipuðum sverleika
Setja svo herpihólk með lími utanum allt saman.

Þetta er hvorki einfalt né þægilegt en þetta er gerlegt ef menn vanda sig

Ég er samt hissa á að þeir geti ekkert gert, þeir redduðu lengingu á Hilux barka fyrir mig, en það eru orðin amk 7 ár síðan

Re: Lengja hraðamælabarka

Posted: 07.jún 2019, 01:39
frá isak2488
Já. Lagerinn af þessu dóti er að verða búin hjá þeim og illfáanlegt og rándýrt frá Útlandinu

Re: Lengja hraðamælabarka

Posted: 07.jún 2019, 08:25
frá jongud
Það er spurning hvort það væri auðveldara (og öruggara) að setja púls-skynjara úr yngri patrol í kassann. Mér sýnist að hann ætti að passa skv. myndum.
Þá þarf að vísu að fá annan hraðamæli í mælaborðið, en 60 cruiser er með kringlóttan hraðamæli þannig að það ætti að vera yfirstíganlegt.

Re: Lengja hraðamælabarka

Posted: 07.jún 2019, 23:33
frá grimur
Ætli væri ekki gerlegt að setja steppermótor aftaná mælinn, sem tæki svo bara púls frá rafmagnsskynjara einsog er í flestu núorðið? Stepper driverar og mótorar kosta klink, bara spurning um það hvort það finnst driver með stillanlegum tíðnibreyti fyrir merkið....?
Kannski er þetta bara til. Gúgglun framundan.....

Re: Lengja hraðamælabarka

Posted: 07.jún 2019, 23:50
frá grimur
Raspberry Pi með stepper driver og mótor er alveg gerlegt. Hugsa að ég myndi klóra mig framúr því, sem þýðir raunar að það ætti alls ekki að vera mikið mál.

Re: Lengja hraðamælabarka

Posted: 10.jún 2019, 00:49
frá Aparass
Getur þú emki bara fengið patrol barka?
Hann er sjálfsagt nógu langur.
Það eru sömu endar á þessum börkum bæði uppi og niðri.

Re: Lengja hraðamælabarka

Posted: 10.jún 2019, 09:02
frá jongud
Hérna er fyrirtæki í USA sem sérsmíðar hraðamælabarka. Ýmsar upplýsingar hjá þeim líka varðandi mismunandi barka.

https://speedometercablesusa.com/cables_and_housing_assembly.html

Re: Lengja hraðamælabarka

Posted: 11.jún 2019, 08:06
frá sukkaturbo
Jamm er ekki hægt að kaupa efni í þetta og gera þetta sjálfur enda og barka í metratali fyrir þessa eldri bíla.Finna þetta úti og flytja inn það sem til þarf.