Hið íslenska jeppaspjall

Sælir,

Er það ekki rétt hjá mér að GPS hraðamælar eru ekki leyfðir hér á landi? Nú er svo algengt að aftermarket hraðamælar eru GPS mælar sem myndi auðvelda manni lífið þegar maður er ekki alltaf á sömu dekkjunum.

Lestu bls 6 í stoðriti skoðunarhandbókar, þá sérð þú vel hvaða kröfur eru gerðar til hraðamæla bifreiða og bifhjóla. Ég sé ekki að nokkur stafur í reglugerðinni banni notkun útbúnaðar sem þú nefnir, þó hefur þessi umræða oft komið upp áður og aldrei verið almennilega á hreinu hvort einhver niðurstaða komst í málið.

Að svo stöddu get ég ekki annað gert en að samþykkja téðan útbúnað, virki hann eins og lýst er í stoðriti skoðunarhandbókar. þ.e. sýni hraða, hafi baklýsingu með stöðuljósum ofl.

Þó gefur það augaleið að téður útbúnaður kemur ekki til með að virka við ákveðnar aðstæður, t.d. þegar ekið er gegn um jarðgöng.

Ég ráðlegg þér að hafa samband við tæknideild Samgöngustofu, og fá botn í þetta mál og kynna okkur hér fyrir fullt og allt!

Ef Samgöngustofa er ekki að svara strax þá væri e.t.v. ráðlegt að hafa samband við tækninefnd Ferðaklúbbsins 4X4. Hún er einmitt til þess að koma svona löguðu á hreint.

Takk fyrir svörin. Ég geri nú ráð fyrir að maður reyni allar aðrar leiðir fyrst (veit að víða erlendis er gerð krafa um tengingu við drifrás) en þetta er áhugaverður kostur ef þetta er leyfilegt.

JHG wrote:Takk fyrir svörin. Ég geri nú ráð fyrir að maður reyni allar aðrar leiðir fyrst (veit að víða erlendis er gerð krafa um tengingu við drifrás) en þetta er áhugaverður kostur ef þetta er leyfilegt.

England er (ennþá) í Evrópusambandinu og þar eru reglurnar svona;
"Speedometers must be maintained in good working order at all "material times" ie when a vehicle is used on a journey"
Ég var líka að grafa í reglugerðum EES og finn reyndar ekkert sem bannar GPS hraðamæla nema þetta [good working order at all "material times" ]
Sem gildir ekki við GPS mæla í jarðgöngum.

En svo eru til aðrir hraðamælar sem lesa af "digital" merki og gera ekki miklar kröfur, bara að merkið sé stöðugt og breytist hlutfallslega rétt með auknum hraða. Þannig er þess vegna hægt að tappa af ABS skynjara sem er ekki notkun.
Þessir mælar er stilltir þannig að það er ýtt á einn takka, ekinn 1 kílómetri og ýtt á takkann aftur, og þá er mælirinn réttur.