Hið íslenska jeppaspjall

Jamm búinn að prufa allar dekkastærðir allt fra 20" til 54" og flestar felgubreiddir og tegundir af jeppum. Mis gott en allt bráð skemmtilegt.Jamm en núna ætla ég að byrja á að skoða snjóbelti sem ég fjárfesti í og verður gaman að skrúfa þau í sundur og skoða þau og yfirfara.Hef alltaf verið með dulda belta dellu frá unga aldri og snjóbíla fan og áhugamaður um jarðýtur enda hálfgerð jarðýta sjálfur.Hef verið að leita eftir snjóbílum en engan fundið eða fengið til kaups.Svo beltin urðu ofan á og passa þau td undir Range Roverinn sem ég á og enginn vill kaupa sukkur og hiluxa.Svo nú er bara að prufa. Lengdin á beltinu er um 170 cm og breidd 44 cm þyngd um 155kg stikkið á afturbeltunum svipað og 54" á felgu og fram beltin eru léttari því á þeim eru ekki stálspyrnur.
Veit ekki enn hver er framleiðandin en það hlítur að finnast með góðri aðstoð félaga hér.
Jamm menn hafa dæmt belti undir bíla illa nothæf eða alla vega ekki hentug til snjóaksturs út af ýmiskonar upp á komum.Svo sem skörum og bratta hornum belta og hliðarhalla og ég veit ekki hvað og hvað en mér er bara slétt sama.En þetta mun duga mér og Bellu inn og út af verkstæðinu og með hundin fram á fjörð í mestu snjóum á 10-20 km hraða,, uss sem er jafnvel of mikili hraði fyrir mig þá er ég sáttur nema hvað.
Ég er þekktur fyrir að vera Sléttuúlfurinn ógurlegi sem fer aldrei í brekkur nema þær halli niður í móti,og svo er ég eini meðlimurinn eftir í jeppafélaginu Sést heim til Mömmu jeppafélaginu.
Einn kostur er góður, maður þarf ekki úrhleypibúnað við þetta.En ég gerði þetta til að prufa eitthvað öðruvísi og á örugglega eftir að brasa helling í þessu mér til ánægju í ellinni. mun halda úti einhverju spjalli um þessa tilraun ef menn hafa áhuga fyrir því kveðja úr Himnaríki.

Það verður gaman að fylgjast með þessu hjá þér. ;-)

áhuga vert Siggi Bald á Akureyri var með svona undir Willis jeppa í gamladaga

Elli þetta eru þau

Spennandi

Það verður fróðlegt að sjá útkomuna

BeltaBella verður ógurlegt farartæki, spurning hvort þau narta nokkuð saman fyrir miðjum bíl...
Jeppaveiki ætti allavega ekki að vera vandamál, amk í venjulegum skilningi þess hugtaks.
Niðurgírun innbyggð, þar sem sprocketin eru frekar lítil í þvermál.
Gaman að fylgjast með hvað kemur út úr þessu, ekki eitthvað sem ég er persónulega spenntur fyrir undir bíl hjá mér, en alveg frábært að þetta sé prófað svolítið fram og tilbaka.

Kv
Grímur

Fínt að taka íslensku jeppamöntruna á þetta;
Um að gera að prófa þetta og athuga hvort það virkar!

Það verður virkilega gaman að fylgjast með þessum þræði !

Jamm byrjaði í dag að hreinsa spyrnurnar af afturbeltunum ríflega 300 boltar og margir vel fastir.Bara gaman margar spyrnur skemmdar eftir áralanga notkun.Vigtaði beltið fyrir og eftir spyrnur.Með spyrnum og boltum er eitt belti um156 kg spyrnu og bolta laust 132 kg. Tek svo beltin af og fer yfir hjól og allar legur.Mjög skemmtileg vinna og hægt að sitja á rassinum við þetta með kaffibollan á kantinum.Uss hvað er að þegar ekkert er að segir <Stebbi vinur

Kíktu á þessa síðu hér eru menn að föndra svona súkkur, reyndar með léttri belta búnaði ætlað fyrir fjórhjól en kannski færðu einhverjar hugmyndir.

http://www.suzuki-forums.com/suzuki-sid ... -snow.html

Jamm félagar og jeppa vinir.Hvað væri hægt að setja sem spyrnur annað en ál og stál.Beltin eru sjálf úr plasti 44 cm breið.Væri gaman að fá hugmyndir frá ykkur.Mundu keðju þverbönd virka? Humm veit ekki.Eru til gúmí vinklar eða listar?Negla svo með skrúfuðum nöglum frá Kletti. Jamm gaman af pælingum um þetta.

Gæti gengið að verða sér úti um notuð vélsleðabelti og mixa þau einhvern vegin á þetta?

Jamm datt það í hug þá slatta slitin.Hvað eru þau breið þessi snjósleða belti þyrfti 40 til 44 cm sem ég get skorið niður í 3 til 5 cm breiða renninga og sett vo skrú nagla í það

sukkaturbo wrote:Jamm datt það í hug þá slatta slitin.Hvað eru þau breið þessi snjósleða belti þyrfti 40 til 44 cm sem ég get skorið niður í 3 til 5 cm breiða renninga og sett vo skrú nagla í það

Eru stálspyrnurnar ekki sá hluti beltisins sem stífar það þversum?
Ef það er farið í að mixa eitthvað annað veikara á beltin gæti verið hætta á að þversnið beltanna sé ekki rétt fyrir tannhjólin og auki álag á þau til hliðanna.
Þetta var eitt af því sem við þurftum að taka tillit til hjá BJSV Hérað þegar við vorum að vesenast í beltunum á snjóbíl sem var með svolítið sérstakar spyrnur, rándýrar og margar orðnar slitnar. Það var ekki hægt að fara neina ódýrari leið en að kaupa nýjar spyrnur.

Þetta er bara vinklar, er ekki hægt að kaupa vinkiljárn eða láta beygja í spyrnunar komast svo í öflugan lokk fyrir boltagötin.
Væntanlega gott efni í spyrnunum, kanski kanna hvað er til hjá byrgjum.

villi58 wrote:Þetta er bara vinklar, er ekki hægt að kaupa vinkiljárn eða láta beygja í spyrnunar komast svo í öflugan lokk fyrir boltagötin.
Væntanlega gott efni í spyrnunum, kanski kanna hvað er til hjá byrgjum.

Við athuguðum það varðandi beltin á snjóbílnum, (ég veit ekki með þessi mini-belti) en þar voru spyrnurnar úr hertu stáli enda töluverð átök á þeim. Mér sýnist það líka vera málið á beltunum sem Guðni er með, að átakið frá tannhjólunum sé á spyrnunum.

Jamm frambeltin eru eins að sjá og þau eru spyrnulaus og hafa alltaf verið.En þetta veit ég ekki og þarf að fá ráð við hvort það sé must að hafa spyrnurnar.Ég tel ekki. Nema þá til að aukagrip og þetta sé sett á eftir á og sé ekki orginal.Þarf að spyrja Sigga Bald að því

Er mögulegt að létta þetta með því að bora/fræsa burtu efni úr hjólum og miðjustykki?

jamm örugglega en ætli það þurfi

Jamm búin að taka beltin af og henda búkkanum upp á borð svo nú er hægt að fara að skoða mekanisman. Sex hjól með lofti eða slöngu felgur boltaðar saman.Þessi dekk eru nylon og eru orðin sum hver fúin eða rifin.Þarf að fjárfesta í einhverjum slatta af dekkum og slöngum stærð 3,40/3,00-5"

Jamm hverjir selja þessi litlu dekk helst hér á landi??

Jamm ein spurning enn að venju hvernig get ég fundið út framleiðanda á þessum beltum.Hef fundið út þó ekki nákvæmlega að þau hafi komið til Íslands í kringum 1970. Hef líka hlerað að þetta hafi verið framleitt í San Francisco fyrir herinn og notað í sandi en sel það ekki rándýrt.Eru ekki einhverjir spæjarar hér sem hafa sambönd eða hæfileika til að leita uppi svona hluti með einhverjum leiðum.Hef ekkert sem hjálpar til og engin merki nema tölu og bókstafi á einum stað á kassanum sem ber hjólin þar er stansað C-766_hd og svo einhver númer á hjólalegum að finna á beltunum.Kanski einhverjir em þekkja mann sem þekkir mann sem á svona eða veit eitthvað. Siggi Bald er ekki með þetta hver framleiddi þetta.Væri gott að komast í framleiðandan.Kveðja úr Himnaríki

Eftir smá gúgl sýnist mér þetta geta verið UNA track. Sýnist þetta ekki hafa verið framleitt síðan 1970 og eitthvað
Smá umfjöllun hérna
http://www.forumsforums.com/3_9/showthread.php?t=10246

Meðfylgjandi niðurstöður úr tilraunum Bandaríkjahers með græjuna.

Einhverjar smá tækniupplýsingar frá framleiðandanum hérna


Þeir segja þarna beltin vera úr einhverju slitsterku pólíester (á þess tíma mælikvarða amk) og millileggin úr fjaðrastáli.

Jamm mikið takk snillingur þetta eru beltin best að skoða þetta vel enn mikið takk fyrir hjálpina

Alveg sjálfsagt :)

Jamm ég hef verið að leita eftir dekkum í snjóbeltin mín á goggle en gengið illa að finna þau nema í henni Ameríku og þeir senda ekki til íslands og ef þeir senda er það ansi dýrt. Stærðin er 3.40/3.00-5" felgur. Gæti passað undan eldri Gokart bílum einhverjum heyvinnslu vélum Þetta eru 2 striglaga dekk en það skiptir varla máli þó notuð séu 4 strigalaga: bara að þau séu í þessari stærð.Virðist ekki vera mikið af þessari stærð.Gaman ef einhver vissi um svona dekk mega vera notuð n ekki fúinn eins og er að hrjá mín hliðar eru orðnar ónýtar.Felgur eru boltaðar saman inn í dekkið og það eru slöngur um borð

Einhver möguleiki að t.d. N1 eða Landvélar liggi með svona?

Jamm nei er búinn að kanna það kanski einhverjir Gokart aðilar

Ég setti tire 3.40/3.00-5" inn í leitargluggann á ebay og kemur upp slatti af "vintage go kart" eða notuð go-kart dekk" en eitthvað lítið af nýjum.
Prófaðu endilega einhver fyrirtæki sem þjónusta heyvinnutæki, eða litla snjóblásara eins og t.d. Þór h/f

Jamm fer í það á morgun er búinn að fá slóðir sem ég æla að láta kanna fyrir mig og takk fyrir aðstoðina allir hér

Þessar legur eru mjög líkar þessum legum sem maður er að sjá í snjósleðum á kúplings/driföxlinum í t.d. gömlum polaris sleða. Man ekki hvort að ég eigi eina gamla til að mæla, en get kannað það, ef þú villt.

Jamm takk væri vel þegið sumar eru orðnar fastar.Ætla að gera við þau dekk sem eru sprungin og losa um legur sem eru fastar og setja svo allt nýtt í sumar dekk slöngur og legur.Spurning hvort sé nokkur möguleiki á nýjum beltum sem hægt væri að smíða á þetta júnít.Búin að setja afturbeltin undir og eru þá 50Cm undir kúlu og um 70 að stíga inn í bílinn.

Jamm og jæja þá eru öll beltin kominn undir Belta Bellu.
Bakkað var út í lágadrifinu mjög varlega með ískri og látum og mynntu hljóðin á alvöru Caterpillar jarðýtu DC 25.Allt orðið autt og enginn snjór á planinu fyrir framan Himnaríki.Bara einhverjir ruðningar og bleytu skaflar.
Jamm mér að óvörum gat Bella beygt nokkuð auðveldlega bæði á auðu og í krapanum en varð að vera á hreifingu. Lágadrif óþarft og best að vera í háadrifinu 1, 2 ,3 ,4 .
En ég tók þessu rólega meðan ég er að átta mig á þessu belta dóti. Allavega er þetta komið undir og búin að keyra einn hring eins og markmiðið var að ná þessu fyrir páska.
Svo er bara að finna ný hjól.Mér var bent á að ræða við Gókartfélagið í Hafnarfirði.Ræddi við einn Gókart eiganda og kvaðst hann ver með Gokart bíl og felgurnar væru 5" eins og eru í beltunum hjá mér.Gókartfélagið flytur inn sín dekk sjálft. Nú er bara að finna einhvern ráðamann þar og leita upplýsinga
https://www.youtube.com/watch?v=by6TPkSpuwo&app=desktop

GoKart dekk undir jeppa hljómar vissulega pínu fyndið....

Ef þetta finnst í USA fyrir klink, legur dekk og allt, gæti borgað sig að taka þetta með ShopUSA.
Ef þetta fer í skip skiptir þyngd eiginlega engu máli, og umfangið ekki svo mikið atriði heldur....

Þetta hefur ekki verið framleitt í einhver 40 ár, svo það er hætt við því að það sé erfitt að finna þetta heillegt.

Jamm fékk símtal frá góðum manni á mínum gamalsaldri og upplýsti hann mig á að Landvélar "vonandi hef ég rétt eftir" hafi flutt inn tvo ganga af þessum beltum og þetta hafi verið prufað undir einn af bílum Guðmundar Jónassonar.Þetta náði ekki vinsældum þá.Hinn gangurinn gæti verið fyrir austan.Jamm þetta er sko vinsælt hjá mér og mun verða gaman að lyfta þessu og setja undir sukkuna heppileg þyngd 130 kg og ég kemst upp í sukkuna með því að stíga á fremri endan á afturbetinu.Uss svo hvað er að þegar ekkert er að og ekkert fæst í þetta.Nú þá er ástæða til að smíða eitthvað og endurbæta með hyggjuviti eins og menn gerðu í gamladaga og leta eftir lausnum með diggri aðstoð ykkar félagar. Verðum að halda Jeppaspjallinu lifandi um ókominn tíma.Besti vettvangur á netinu finnst mér.Kveðja að norðan úr Himnaríki

Léttitæki á Blönduós/Reykjavík hafa verið með smádekk.

Ætli beltaparið sem fór austur hafi ekki endað undir Seiðfirskum Rússajeppa:

https://www.facebook.com/groups/gaz69/s ... ery=beltum