Hið íslenska jeppaspjall

Sælir félagar,

Er með Ford F350 2005 árgerð algjörlega óbreyttann sem ég var að eignast. Keypti hann bilaðann en EGR Coolerinn lekur greinilega svo hugmyndin er að skipta um heddpakkningu og Studda bílinn.

Hinsvegar er skiptingin líka eitthvað að stríða. Bilunin lýsir sér þannig að þegar ég set ég bakk þá gerist ekkert og engin hljóð koma en maður sér þó á snúningshraðamælinum að þar verður smá breyting við að fara í R.

Ef ég set bílinn svo í láa drifið þá virkar bakkgírinn.

Aðrir gírar virka. Þessi bíll hefur staðið í 2 ár og veit ég ekki hvort þetta sé eitthver stirðleiki eða annað.

Hefur einhver hér lent í þessu eða kannast við vandamálið?

Oft á tíðum þegar að það er kominn tími á upptekt á skiftingum, þá týna þær backinu fyrst. Sennilega er það skýringin, getur líka verið stirðleiki í spóluloka í ventlakistunni. En miðað við það að það virki í lága drifinu, þá bendir það til að það séu brunnir diskar fyrir backið og þeir nái að halda þegar að álagið minkar, eins og þegar lága drifið er sett inn. Ef að það er búið að keyra bílinn 250+ þús. km. þá er kominn tími á skiftinguna.
Þú getur svo sem byrjað á þessu einfalda og skift um olíu og síu og séð hvort að það sé nóg, þar sem að það gæti líka verið ástæða.

Sæll og takk fyrir svörin.

Það sem ég var búinn að sjá á netinu var eiginlega búið að koma mér á sama ról. Hinsvegar er hann ekinn 165.000 km og aldrei verið notaður í drætti.