Lagnir fyrir spil

Fyrir allt sem fram fer í skúrnum eða eftir atvikum, úti á stétt.
User avatar

Höfundur þráðar
draugsii
Innlegg: 299
Skráður: 31.jan 2010, 23:01
Fullt nafn: Hilmar Ingimundarson
Bíltegund: Toyota Hilux 93
Staðsetning: Akureyri

Lagnir fyrir spil

Postfrá draugsii » 18.nóv 2016, 23:34

hvað þarf maður sveran kapal fyrir spil?
ef maður setur tengi að framan og aftan


1993 árg Toyota Hilux (hvaðan kemur þetta Hilux ??) 35 - 36"
22RE bensínrokkur (rétt dugar til að skila honum áfram á jafnsléttu)
kominn á 38” og með 22RTE sem er heldur snarpari en gamla og svo gafst hún upp og er kominn með
1kz-te
Kv Hilmar


olei
Innlegg: 815
Skráður: 30.apr 2011, 01:41
Fullt nafn: Ólafur Eiríksson

Re: Lagnir fyrir spil

Postfrá olei » 18.nóv 2016, 23:58

Hversu stórt spil? Öllu heldur, hvað á það að draga mikinn straum í amperum?


biturk
Innlegg: 971
Skráður: 26.maí 2012, 10:42
Fullt nafn: Gunnar Þórólfsson
Bíltegund: Daihatsu feroza
Staðsetning: Akureyri

Re: Lagnir fyrir spil

Postfrá biturk » 19.nóv 2016, 00:27

Warn m8000
head over to IKEA and assemble a sense of humor


olei
Innlegg: 815
Skráður: 30.apr 2011, 01:41
Fullt nafn: Ólafur Eiríksson

Re: Lagnir fyrir spil

Postfrá olei » 19.nóv 2016, 02:09

Stutta svarið er eins sveran kapal og þið tímið að kaupa, það gefur spilinu mest afl í drætti, það tryggir spilinu hærri spennu sem aftur leiðir til að það hitnar MINNA og hægt er að spila lengur með því, líka minna álag á alternaror og rafgeymi.

Lengra svar er að þetta er alltaf málamiðlun milli gæða og kostnaðar og jafnvel þyngdar. Þetta spil er gefið upp fyrir 435A við 4000 punda tog á innsta lagi á tromlunni.

Spáum í afturtengið;
Ef við gefum okkur að lagnirnar aftur séu 8 metrar samanlagt. Þá er spennufallið fyrir dæmigerðan fjölþættan kopar kapal við 435A:
25 kvaðrat 2,4V
35 kvaðrat 1,7V
50 kvaðrat 1,2V
70 kvaðrat 0,85

Hér sést vonandi svart á hvítu að það sem margir telja "overkill" í spillögnun er það kannski alls ekki. Þessar tölur eru heldur niðurdrepandi af því að enginn af þessum köplum er nægilega sver fyrir 435A undir stöðugu álagi. Sem betur fer erum við ekki að tala um stöðugt álag, heldur stutt álag. Samt sem áður, tökum sem dæmi 25kv. sem fellir yfir sig 2,4V - í hans tilviki þá eyðast 1044W í kaplinum í hita. Það er enginn smá hiti, jafn mikill hiti og stafar af t.d 10 stk 100W kösturum svona sem viðmiðun. Jafnvel 50kv. eyðir 520W í hita við þennan straum ef hann er 8 metra langur.

Mér sýnist þetta vera svona að aftan:
25kv. spilið verður drullumáttlaust og hægvirkt og hitnar upp úr öllu valdi og svo kviknar mjög fjótlega í kaplinum og allir eru jafn fastir og þeir voru áður en spilið var ræst.

35kv. spilið verður fremur máttlaust og hægvirkt en nothæft í stuttan tíma, hitnar samt fjótt sem og lagnirnar en - það má bjarga sér á því.

50kv. Gróft skotið giska ég á að spilið sé kringum 75% afköst, og það má tosa talsvert með því áður en spil eða kaplar hitna um of.

70kv. ++ bara betra.

Að framan er lögnin væntanlega miklu styttri sem minnkar viðnám og hitamyndun. Þar mundi ég nota 50kv. og miða við að öll lengri og erfiðari spilvinna færi fram þar.
Síðast breytt af olei þann 19.nóv 2016, 08:06, breytt 1 sinni samtals.


grimur
Innlegg: 890
Skráður: 14.mar 2010, 01:02
Fullt nafn: Grímur Jónsson

Re: Lagnir fyrir spil

Postfrá grimur » 19.nóv 2016, 03:48

70q er næstum 10mm í þvermál miðað við heilan leiðara, sem manni hefði fundist ansi hraustur þráður án þess að slá á þessa útreikninga.
Fyrir tenginguna að framan...er ekki alveg jafn mikil hitamyndun á kaplinum per lengdareiningu? Meikar ekki bara alveg 100% sens að nota hraustasta kapal sem finnst í þá stubba uppá að grilla þá ekki?
Mótor tekur að vísu minni straum á hærri spennu þannig að þetta öngstræti sem myndast þegar spennan byrjar að falla kemur kannski síður upp í því tilfelli. Svaraði spurningunni kannski þarna....ekki eins krítískt með stuttar lagnir.
Flott innlegg Ólafur eins og alltaf, ómetanlegt að hafa svona viskubrunn virkan á spjallinu fyrir okkur sem eru grænir í dellunni :-)

Grímur


grimur
Innlegg: 890
Skráður: 14.mar 2010, 01:02
Fullt nafn: Grímur Jónsson

Re: Lagnir fyrir spil

Postfrá grimur » 19.nóv 2016, 03:51

Má kannski skjóta því inn að traktor í sveitinni var frekar slappur í starti alltaf hreint, nýr ofur geymir gerði voðalega lítið gagn áður en við uppfærðum kaplana í alvöru gaura. Það hafði úrslitaáhrif uppá að vekja Perkins gamla í frosti...


olei
Innlegg: 815
Skráður: 30.apr 2011, 01:41
Fullt nafn: Ólafur Eiríksson

Re: Lagnir fyrir spil

Postfrá olei » 19.nóv 2016, 07:46

Útskýring á því hvernig þetta er reiknað:
Finnum dæmigerðan bílakapal, auðvitað er best að fá upplýsingar yfir þann kapal sem til stendur að nota því að þeir eru misjafnir:
http://www.altecautomotive.co.uk/35mm2- ... 3805-p.asp
Þessi 35kv. kapall er gefinn upp fyrir að þola 240A undir stöðugu álagi. En hann er líka gefinn upp 0.00056 ohm á metra.

Mátum þennan kapal inn í dæmið hér ofar, 8 metra af honum. Þá höfum við 8m x 0,00056 Ohm = 0.00450 Ohm sem er viðnámið í kaplinum frá rafgeymi yfir í spiltengið (bæði fram og til baka).

Síðan er það gamla Ohms - lögmálið I x R = U (lesist straumur sinnum viðnám er jafnt og spenna).
Straumurinn er 435A og viðnámið er 0,00450Ohm. Margfaldað saman gerir þetta 1.96V sem er þá spennufallið. Þetta er heldur hærra spennufall en hér ofar og liggur munurinn í því að reiknivélin sem ég notaði miðar líklega við betri kapal. Þeir eru jú ekki skapaðir jafnir fremur en annað.

Hér er handhæg reiknivél fyrir þetta:
http://www.12voltplanet.co.uk/cable-siz ... ction.html


olei
Innlegg: 815
Skráður: 30.apr 2011, 01:41
Fullt nafn: Ólafur Eiríksson

Re: Lagnir fyrir spil

Postfrá olei » 19.nóv 2016, 08:17

Þetta er síðan ekki eina spennufallið í dæminu. Við bætist eitthvað spennufall í raftenginu fyrir spilið - því meira sem tengið er óhreinna og meira oxað. Síðan er oft á tíðum 50cm bútur frá tenginu yfir í rofaboxið á spilinu, samanlagt 1m af kapli. Og svo eru það náttúrulega segulrofarnir sjálfir og loks kapalstubbarnir frá þeim yfir í spilmótorinn. Allt leggst þetta saman. Til að bæta síðan gráu ofan á svart þá hækkar viðnámið í dótinu þegar það hitnar. Fyrir kopar þá eykst viðnámið um tæp 20% við 50 gráðu hitahækkun.

Ég reikna með því að þegar allt er tekið saman þá sé spennufallið frá rafgeymi inn á spilmótor fyrir svona spil með 35kv köplum af stærðargráðunni 3v. Það þýðir að ef rafgeymir hangir í 11 voltum við fullt álag þá fær spilmótorinn yfir sig 8V.

Þetta þýðir eins og áður sagði að spilið er á hálfum afköstum, jafnvel minna. Þetta væri aldrei gert af neinum framleiðanda í atvinnutæki og í raun gegnir spil með svona frágangi því helsta hlutverki að hækka dótastuðulinn.

Ein leið sem ég hef séð erlenda jeppamenn grípa til er að setja auka rafgeymi afturí með stuttar lagnir frá honum yfir í spiltengið að aftan.

User avatar

Höfundur þráðar
draugsii
Innlegg: 299
Skráður: 31.jan 2010, 23:01
Fullt nafn: Hilmar Ingimundarson
Bíltegund: Toyota Hilux 93
Staðsetning: Akureyri

Re: Lagnir fyrir spil

Postfrá draugsii » 19.nóv 2016, 09:29

Það er ekki komið að tómum kofanum hér
þakka kærlega fyrir svörin
þannig að 70kv. er málið ef maður vill að dótið virki almennilega
1993 árg Toyota Hilux (hvaðan kemur þetta Hilux ??) 35 - 36"
22RE bensínrokkur (rétt dugar til að skila honum áfram á jafnsléttu)
kominn á 38” og með 22RTE sem er heldur snarpari en gamla og svo gafst hún upp og er kominn með
1kz-te
Kv Hilmar

User avatar

jongud
Innlegg: 2623
Skráður: 29.mar 2012, 08:39
Fullt nafn: Jón Guðmundur Guðmundsson
Bíltegund: Toyota Tacoma

Re: Lagnir fyrir spil

Postfrá jongud » 19.nóv 2016, 10:06

Er ekki fínt að nota svokallaða rafsuðukapla í þetta?


olei
Innlegg: 815
Skráður: 30.apr 2011, 01:41
Fullt nafn: Ólafur Eiríksson

Re: Lagnir fyrir spil

Postfrá olei » 19.nóv 2016, 10:21

Það má líta þannig á þetta að spil að aftan með þessum útbúnaði er eingöngu neyðarbúnaður til að ná bílnum upp ef hann sekkur að framan. Til að bæta upp fyrir allt spennufallið og til þess að þurfa ekki að fara í svakalega kapla þá er sjálfsagt að gera ráð fyrir því að nota blökk til að tvöfalda dráttarátakið á spilinu. Þannig getur blökk verið praktískari en risavaxnar straumlagnir aftur.

Þessvegna mundi ég sætta mig við 50kv sem málamiðlun í þessu og hafa blökkina með. Öll önnur spilvinna færi þá fram að framanverðu og þá er um að gera að vera með vænar lagnir þangað.

User avatar

Walter Ehrat
Innlegg: 5
Skráður: 09.feb 2012, 20:54
Fullt nafn: Walter Ehrat
Bíltegund: Unimog og Defender

Re: Lagnir fyrir spil

Postfrá Walter Ehrat » 19.nóv 2016, 12:42

Takk fyrir þetta frábærar upplýsingar.

Svo er um að gera að spá frekar í vökvaspil algengt að nota á stærri trukkum eða jafnvel 24v aukakerfi.
LandRover Defender 130

User avatar

Þráinn
Innlegg: 90
Skráður: 02.mar 2011, 19:34
Fullt nafn: Þráinn Ársælsson
Bíltegund: Chevrolet K2500
Staðsetning: Vík í Mýrdal
Hafa samband:

Re: Lagnir fyrir spil

Postfrá Þráinn » 19.nóv 2016, 17:46

fyrir framm og afturtengi hef ég sett jörðina beint í grind (þeir amerísku eru með svera tengingu af geymir á grindina) frá tenginu og sett bara + í kapal aftur og og framm. sparar koparinn allavega.

langar að fá umsagnir um að gera þetta svona? alltaf gaman af umræðum :)

User avatar

Nenni
Innlegg: 121
Skráður: 05.jan 2011, 09:40
Fullt nafn: Árni Reimarsson
Staðsetning: Mosfellsbær

Re: Lagnir fyrir spil

Postfrá Nenni » 19.nóv 2016, 20:51

Ef að þetta er spurning um að nota það sem maður á þá eru 3 x 25q jafn gott og 1 x 70q og 2 x 35q jafn gott og 1 x 70q.


Til baka á “Breytingar, viðhald og viðgerðir”

Tengdir notendur

Notendur á þessu spjallborði: Engir skráðir notendur og 15 gestir