Breytinga skoðun

[ElvarBjarki]

Góðan daginn èg er með smá spurningu sem vær gaman heyra svör við.vona þetta meigi vera hérna þó þetta sé ekki beint jeppa tengd en samnt tengd því
Þannig er mál með vexti að ég er búinn vera með flugu í hausnum að smíða mér einhver vel góðan buggy bíl sem á vera hægt nota allt árið um kring og þetta er búið fara ótal hringi hjá mér hvernig útfærslu maður ætti fara í en núna er svona verða kominn niðurstaða í þetta mál bílinn eigi vera 4x4 tveggja manna einsog staðan er í dag er hugmyndin að nota subaru 2lítra eða 2.5 vél og kassa af subaru og subaru drif en svo sem ekkert fast enþá þetta yrði notað.
En þegar maður er búinn að hugsa þetta fram og til baka er bara eitt sem myndi hrjá svona tæki er að hafa þetta ekki götuskráð þannig spurning mín er sú ef ég byrja smíðina úr einhverjum grindar bíl til dæmis suzuki eða enhvað álíka væri einhver möguleiki fá breytingar skoðun fyrir svona tæki? Hver eru takmörkin fyrir því hvað má breita bíl mikkið? Væri nóg fyrir mig að hafa 40 cm af orginal grind með grindarnúmerinu og allt hitt smíðað frá grunni?

Svona svo ég lýsi aðeins betur mínum hugmyndum af tækinu sem ég er hugsa um smíða þá er stefnan á vera með sjálfstæða fjöðrun á honum gas demparar 2 manna Reina hafa þyngda búinn fyrir miðju þetta verður ekkert mjög langt stikki koma mótornum eins langt inní hvalbak og hægt er ástæðan fyrir hugmyndinni m subaru mótor þá er hægt byrja með ódýran mótór smíða bílinn með flottri fjöðrun vonandi koma honum á götuna og svo í framhaldinu græjað túrbó mótor í hann.

Afsakið þessa lang loku en vona einhver geti svarað mér eins ef menn er með spurningar þá reini ég svara þeim eftir bestu getu og einnig er ég opin fyrir öllum hugmyndum sérstaklega í kringum vélar og drifrásar mál.

[olei]

Ég smíðaði Jeep fyrir margt löngu síðan. Ég hafði skráningu og smíðaði grindina frá grunni - hjó síðan grindarnúmerið af skráningunni í grindina sem ég smíðaði. Ekkert - ekki arða af upphaflega bílnum var í þeim sem ég mætti með í skoðun og það var ekkert vandamál. Reyndar var ég búinn að ræða þetta áður við bifreiðaeftirlitsmenn svo kannski hjálpaði það.

Annar bíll sem ég var viðriðin smíði á fékk líka smíðaða grind frá grunni og þar var sama ferlið haft.

Í báðum tilvikum mættu verulega breyttir og bættir Jeep (cj) í breytingaskoðun og fátt upprunalegt af þeim. En þetta voru samt "Jeep" með helstu útlitseinkenni svoleiðis bíla. Annar reyndar með 6 hjól en samt..

Ég er ekki viss um að þetta hefði gengið ef ég hefði verið með Jeep skráningu og mætt með buggy án yfirbyggingar í skoðun. Eða jafnvel buggy með einhverja yfirbyggingu sem líktist ekkert Jeep?

Ég held að einhver buggy með grindarbút úr öðrum bíl með grindarnúmeri fljóti ekki mjög langt í ferlinu í dag - en um það þori ég ekki að fullyrða. Ég held að grindarnúmer eitt og sér skipti fremur litlu máli sbr. mína reynslu. Það mætti alveg eins reyna að nota skráninguna af subaru og sjá hvað þú kemst langt með breytingar á honum.

Annars hef ég ekki hugmynd um hvernig er best að snúa sér í þessu. Kannski er best að finna skráningu af gömlum Jeep - það er jú hefð fyrir því að breyta þeim í ræmur. :)

[svarti sambo]

Heyrði fyrir nokkrum árum, að til að fá buggy bíl götuskráðan, þá þyrfti hann að vera með öll ljós og flautu. Veit ekki með rúðu og rúðuþurku. Sennilega er best að spyrja þá hjá bákninu umferðastofu. Eða nota kannski cj5 grind og skráningu.

[biturk]

Ef þú vilt bara leiktæki þá á ég tilbúinm buggy handa þér

Spurning hvort þú gæyir klastrað honum í gegnum skoðu