Hið íslenska jeppaspjall

Nú er maður loksins að fara að gera eitthvað meira í rafkerfinu í jeppanum.
Það eru þokuljós á leiðinni til mín og ég var að pæla í hvort maður geti ekki notað þokuljósarofan sem er til staðar í jeppanum.
Það er nefnilega rofi í mælaborðinu, en engin ljós í stuðaranum. Ég sé heldur ekki neinar aukaleiðslur þar.
Það eru 5 vírar inn á rofann og það kemur stýristraumur inn á hann, og straumur á annan vír þegar park- og aðalljós eru á.
Og ef ég hleypi einum vír enn í jörð þá smellur í einhverju relayi frammi í húddi. Veit einhver hvar þetta relay er?

Og annað:
Ég þarf stýristraum, (annaðhvort "ON" eða frá ljósum) fyrir loftdæluna. Er einhver þægileg leiðsla eða staður þar sem hægt er að ná í stýristraum?
Mér er nefnilega meinilla við svokallaða þjófa.
Ef hægt er að ná í straum án þess að taka leiðslu í sundur er það kostur.

Flokkast kannski ekki undir besta frágang, en ég hef margoft sprett utanaf vír kápunni, vafið um þann bút (ca 1 cm langur) vír til að stela merki, lóðað svo í þetta og vafið um þetta með self vulcanizing tape, svona límlaust tape sem samt límist á sjálft sig og þéttir rosa vel. best er að setja smá fljótandi liquid tape í á milli þar sem vírarnir liggja samsíða út frá svona tengingu, geri það alltaf ef undir bíl.

Ég hef notað svona https://www.google.is/search?q=extra+fu ... Y6PDgzM%3A
bara virkar sammála með þjófana verkfæri djöfulsins.

Lóðaðu bara í svissinn

Þar er uppspretta svosstraums frá fyrstu hendi

Þetta liggur í víralúminu framm að aðalljósum ef mig misminnir ekki. Það gæti þurft smá leit áður en þú finnur tengin. Annars er útgangur frá relay í aðaltöflunni frammí húddi.

Fyrir stýrisstraum fyrir loftdælu þá getur þú tekið það tæknilega séð hvaðan sem er, setur bara 1A öryggi á leiðsluna sem liggur að relay. Það er ágætt að taka aftan úr kveikjaratenglinum í svona og skilja við það þannig að þú getir síðan tappað af fyrir fleiri relay ef þess er þörf. Líka einfalt ef það er "single point of failure" að finna út hvar hann er.

ulfr wrote:Þetta liggur í víralúminu framm að aðalljósum ef mig misminnir ekki. Það gæti þurft smá leit áður en þú finnur tengin. Annars er útgangur frá relay í aðaltöflunni frammí húddi.

Fyrir stýrisstraum fyrir loftdælu þá getur þú tekið það tæknilega séð hvaðan sem er, setur bara 1A öryggi á leiðsluna sem liggur að relay. Það er ágætt að taka aftan úr kveikjaratenglinum í svona og skilja við það þannig að þú getir síðan tappað af fyrir fleiri relay ef þess er þörf. Líka einfalt ef það er "single point of failure" að finna út hvar hann er.

Já, ég reif miðjupanelinn út og setti aukavír á kveikjaratengilinn. Hann fær reyndar straum líka þegar svissinn er á ACC, en það ætti að vera OK. Næst er að skreppa í Íhluti og reyna að finna einhver tengibretti sem maður getur notað.

Fékk loftæluna í lag á rofa. Þó að Murphy virtist hafa tekið sumarfríið úti á hlaði hjá mér á tímabili.

Þessi tengi fást í BYKO (fór á FJÓRA staði áður en ég fann þessi), en þau eru þægileg og virðast halda vel.

Svolítið kaotískt, tengdi líka auka sígarettutengi sem var ótengt í miðjupanelnum.

Kannski óþarfa pjatt að vera bæði með hólkin OG herpihólk, en ég vil "klemma og gleyma".

Notaði gamla rofan sem var þarna.

Fann stað fyrir relay-ið framan við geyminn farþegameginn.