Hið íslenska jeppaspjall

Hefur einhver sett Disel i cherokee fyrir utan verksmiðjuvelarnar, Þeas, Cummins, Nissan, Benz o.s.f. Hvaða vandamál koma upp og hvernig tengdirðu mælaborðið

Er með 2.5 bensín sem fer að komast upp í kvartmilljón km og langar að vita hvaða skipti ég get farið í

Nissan terrano. Mjög skemmtilegur mótor, ég setti þannig mótor í hilux og það var snilld. Ef þú leitar af mér á facebook, Elmar Snorrason, þá finnuru opið myndaalbúm af því hvernig þetta var gert. Það er einfaldara að gera þetta í cherokee, þar ertu með framdrifið vinstra megin og þarft því ekki patrol gírkassa. Mæli eindregið með þessu swappi.
Það passa mörg olíuverk á þennan mótor ef þú ert hræddur við rafmagnsolíuverkið, einnig er það líka tilbúið mekaníst olíuverk fyrir árgerð 98.

Kall sem vinnur á verkstæðinu hjá Bernhard setti 2.9 mussó turbo disel í XJ boddy af cherokee, reynist mjög vel

Hvað með 3.0l Patrol vél? Ef 2.7 nissan passar?

ZD30 (3.0 patrol) er með allt öðrum rassi heldur en TD27 (2.7 terrano), ef við berum þær aðeins saman. Gjörólíkar vélar og margfalt meira framboð af TD27 vegnaþess að hún bilar sáralítið á meðan ZD30 er gallagripur þó það sé hægt að laga hana eftir Nissan gamla. Sem aftur mælir gegn henni, að hún sé gallagripur óbreytt.
Gírkassi af ZD30 er 169kg meðan gírkassi af TD27 er undir 120kg, ZD30 er stærri um sig líka og eitthvað þyngri þó ég sé ekki með vigartölur á vélunum. Ég er núna í vélaswappi þar sem ég er að taka ZD30 úr patrol og setja aðra 3 lítra vél (BD30 sem er frekar sjaldgæf hérlendis) þannig að ég tel afleitan kost að eyða vinnu í að sauma þá vél í bíl, sök sér að laga hana þar sem hún er fyrir.

Það er fullt af öðrum kostum, góðar vélar frá mörgum framleiðendum, 1KZ frá Toyota (3.0 4runner og 90 krúser) eru mjög góðar vélar og vinsælar í aðra bíla, einkum hiluxa en þær eru eftirsóttar og þar af leiðandi dýrar, maður sér þær oft á kringum 300 þúsund.

3.1 isuzu sem ég man ekki hvað heitir er líka vinsæl og talin fjandi góð. Ég þekki hana ekki vel.

Fullt fleira er til af álitlegum vélum en ég hugsa að TD27 sé mjög góður kostur, ekki síst ef horft er á verðmiða, þetta liggur útum allt í sundurryðguðum terranoum.

3,1 isuzu er skemtileg í svona swapp því það er sáralítið rafkerfi sem fylgir henni en það er spurning hvað passar aftan á hana orginal kassinn er með droppið hægra megin

Sælir, Svo komu cherokee með 2.5 ltr Peugot vélum á ákveðnu tímabili. Passa líklega beint á skiptinguna.

Kv. Magnús

2.1 renault og 2.5 vm voru einu factory disel. Og þetta eru bæði meingallaðar vélar, þessvegna vildi eg vita hvað passar í cherokee annað en factory

Það hafa verið notaðir Aisin kassar og skiptingar í þessa bíla, sömu týpur svona mikiðtil og í 90 cruiser og 4runner. R150F og A340. R150 kassar heita AX-15 minnir mig í Jeep. Þetta gæti kannski boðið upp á einhverja möguleika með að finna dót sem er hægt að skrúfa saman án þess að smíða mikið af millistykkjum...

Kv
Grímur

grimur wrote:Það hafa verið notaðir Aisin kassar og skiptingar í þessa bíla, sömu týpur svona mikiðtil og í 90 cruiser og 4runner. R150F og A340. R150 kassar heita AX-15 minnir mig í Jeep. Þetta gæti kannski boðið upp á einhverja möguleika með að finna dót sem er hægt að skrúfa saman án þess að smíða mikið af millistykkjum...

Kv
Grímur

Nú er það spurning hvort Kjartan vill beinskipt eða sjálfskipt.
Sjálfskiptingin sem er náskyld A340 heitir AW4 í jeep eða 40-30LE, sjá hér;
http://www.novak-adapt.com/knowledge/aw4
Það er spurning hvort það væri nóg að skipta um kúplingshúsið (converterhúsið?)
En til að kóróna allt saman eru þessar skiptingar líka tölvustýrðar.

Ef þessar skiptingar eru eins og í toyota varðandi rafmagnið, þá er ekki mikið mál að gera manual rafstýringu fyrir hana. Þetta er frekar einfalt spólu system, 2 spólur sem ákvarða gírana 4 þegar hann er í D.
Svo er ein fyrir lockupið, sem má ekki fara á nema undir litlu álagi í 3 og 4 gír.
Fann einhvers staðar ágætis töflur og lýsingu um hvernig þetta vinnur með smá gúggli, svona bilanagreiningar kafla úr þjónustubók.
Það er í öllu falli gott að vita hvernig þetta vinnur þegar farið er í einhverjar svona splæsingar...
R150 kassar eru alger snilld, engin furða að þeir hafi orðið fyrir valinu í Jeep.
Kv
Grímur

Mér er að vissu nokkuð sama hvort það se ssk eða bsk, bara að það sé sem minnst breyting frá original á útliti inni bílnum

Sælir meistarar. 'Eg fór í díselvæðingu á mínum Jeep Comanche "89. Setti 3 lítra Toyotu og þar aftan á er AX15 kassi úr Jeep og aftan á honum er 231 millikassi. Kúplingshús af Toyota passar á AX15 kassann. 'Eg skipti um kúplingsöxulinn í gírkassanum og setti öxull úr R150 Toyota ( 90 krúser ) báðir þessir kassar eru frá Asin Warner og eru eins að öður leiti. 'Eg tók rafmagns olíuverkið og setti manual verk úr 2,5 Galloper á mótorinn. Þessi bíll er á 44" og er að virka mjög vel.
Kv.Eyþór

EyþórJ wrote:Sælir meistarar. 'Eg fór í díselvæðingu á mínum Jeep Comanche "89. Setti 3 lítra Toyotu og þar aftan á er AX15 kassi úr Jeep og aftan á honum er 231 millikassi. Kúplingshús af Toyota passar á AX15 kassann. 'Eg skipti um kúplingsöxulinn í gírkassanum og setti öxull úr R150 Toyota ( 90 krúser ) báðir þessir kassar eru frá Asin Warner og eru eins að öður leiti. 'Eg tók rafmagns olíuverkið og setti manual verk úr 2,5 Galloper á mótorinn. Þessi bíll er á 44" og er að virka mjög vel.
Kv.Eyþór

Smá forvitnisspurningar;
Hversu flókið er að setja Galloper olíuverkið á Toyota-mótorinn?
Er það að dæla nóg ef maður vill bæta einhverju við mótorinn?

Galloper olíuverk passar á 3l. toyota ( nema að það verður að smíða nýjan stuðningsfót ). Það eru 10mm stimplar í þessu verki en það verður gera gera breytingar á stimplinum sem er undir memrunni, snúa honum til að fá hámarks dælingu og lengja slagið, síðan bara skrúfa upp eins og þarf og virkar svona hreint ljómandi vel. En ég gerði einnig nokkrar aðrar kúnstir til að auka afl. Og í dag er ég mjög sáttur með aflsmuni í Toyota mótornum :-)

Þetta er alveg þræl skemmtilegur þráður, svona samtínings breyting sem lætur samt allt ganga upp án þess að mixa neitt að ráði er rosalega skemmtileg.
Vissi ekki þetta með Galloper olíuverkið, hef að vísu rifið þannig verk að ofan og komið saman án þess að það klikkaði. Snilldar búnaður þessi boost compensator.
Ég er viss um að það er mikið fleira sem passar svona saman heldur en mann grunar...
Kv
Grímur

Varðandi 3ja lítra toyota vélarnar þá eru tvær útgáfur; 1KZ-T með mekanísku olíuverki og 1KZ-TE sem er með elektrónísku.
Ég sá á þráðum á áströlskum vefsíðum að það mekaníska á að passa á -TE vélina. Þau olíuverk komu í fyrstu 4Runner bílunum með 3ja lítra vélum.
Það er spurning hvort það hafi verið raunin hér á klakanum?

Ástralir hafa líka verið að setja olíuverk af 4M40 Pajero vélum á 1KZ-TE til að fá þær til að virka eitthvað.

En með vélarfestingarnar? Þarf eitthvað að pæla í þeim eða passar velin beint ofaní?