Hið íslenska jeppaspjall

Er möguleiki að koma í veg fyrir þetta með minna backspeisi eða jafnvel með því að setja skinnur á milli felgu og nafs? Er ég að fórna einhverju við að færa dekkin utar?

Að setja skinnur á mylli er ávísun uppá að missa dekk undann ég myndi fynna felgur með aðeins minna backspacei

minna backspeis eða fá þér spacera

Spacerar eru nú heldur ekkert æði, ég missti dekk undan patrolnum hjá mér um daginn út af spacerum, 6mm úr áli. Veit ekki einusinni afhverju þeir voru þarna, ekki nokkur þörf fyrir þá, voru þarna þegar ég fékk bílinn og ég pældi bara ekkert í þeim. Þetta æði kostaði mig brotinn brettakant og ónýta felgubolta.

Er ekki einfaldast að færa demparann? Ef það er vesen færi ég í annað backspace.

Hvernig veistu að spacerinn sé eina ástæða þess að dekkið fór undan bílnum?

þú getur stillt stoppið sem stillir hversu mikið þú leggur í bílinn og málið er dautt þægilegt að gera þetta

Var í veseni með spacer á bíl sem ég átti, bæði vegna að það losaði upp á sér og titrings af völdum þess. Það snarhætti eftir að ég gerði það rétta að herða með herslumæli í tveim skrefum og aldrei vesen eftir það.

Ég myndi allann daginn reyna að færa demparann, spacerar og skinnur er ekki sniðug hugmynd á stórum bíl með mikið álag á felgubolta, það er fátt leiðinlegra held ég en að missa hjól á 100 km hraða. Finnst líka frekar léleg lausn að minnka beygjuradíusinn, hann er yfirleitt ekki frábær fyrir á mikið breyttum bíl.

Ég er búinn að keyra síðan 2009 með svipaða spacera að framan vandamálalaust:
http://www.ebay.com/itm/4-PCs-of-Aluminium-Wheel-Spacers-6-Lug-6x139-7-30mm-M12X1-5-for-Toyota-Hilux-/271588709871?hash=item3f3bf2d5ef:g:JQoAAOSw-jhT~Y4x&vxp=mtr

Ég hef enga trú á að spacerinn sjálfur geti skapað vandamál svo framarlega að hann sé rétt settur á og hjólboltar hertir rétt.
Kæmi mér ekki á óvart að það aki á götunni margir bílar með ónýta bolta vegna of eða vanherslu.

Samsetning með spacer getur jafnvel verið sterkari en án. Ástæðan er sú að sá hluti boltans sem er undir teygju verður lengri og ræður þar af leiðandi við meiri aflögun, á meiri "afgang" áður en hann slitnar. Á móti kemur að þessi teygja getur kannski orðið hlutfallslega mikil miðað við flexið í felgubotninum, og rétt hersla því jafnvel krítískari en annars.
Ég græjaði einusinni miðjur úr Pajero stálfelgum í tunnur, og planaði sætið voða fínt í restina. Það vildi losna upp á þessu en steinhætti eftir að ég slípaði smá laut í kring um hvert gat, ca 40mm þvermál eða svo og kannski 1mm niður mest. Þannig myndaðist spenniskífa undir öllum boltum. Maður var nú ekki svo fágaður í þá daga að nota herslumæli á felgurær, en það slapp til með svona tilfæringum.
Original stálfelgur eru nánast undantekningalaust með nokkurs konar þind sem gerir það sama, þegar boltarnir eru hertir flest þindin út og heldur spennu á draslinu.
Með álfelgur þarf að reiða sig á teygjuna í boltunum þar sem botnarnir eru svo þykkir og stífir, enda er þá jafnan smá leggur af boltanum í því hlutverki.

Vonandi hefur einhver gaman eða gagn að þessu röfli í mér...

Kv
Grímur

Muna bara að þegar maður er með álspacer þá þarf að herða þetta eins og um álfelgu væri að ræða, þeas að herða uppá eftir nokkra daga aftur, er búnað keyra með spacer í mörg ár og aldrei verið vesen, maður þarf samt að vera meðvitaður um þetta

Alveg rétt Hjörtur, og hafa þetta hreint þegar sett er undir. Tæringar útfellingarnar á álinu myljast undan á nokkrum dögum, þannig að herslan er fölsk eftir.
Renna yfir með pappír og setja smá smurfilmu er ekki fráleitt. Geri þetta vanalega með álfelgur líka ef þær eru eitthvað tærðar, þetta fellur aldrei alveg eins saman og þá getur svona drull lent á milli.

Kv
Grímur