Hið íslenska jeppaspjall

Smá spurning til ykkar sérfræðinga, hvað má ég setja mikið af steinolíu á tankinn hjá mér 50% eða kannski 100%

100% og þú finnur engann mun.
Það eru öll vítamínin sem þig vantar í steinolíunni hérna.

Keyrði minn á þessu þegar þetta var selt á dælu á eðlilegu verði =) ekkert vandamál.....

Gomul umræða um steinolíu.

viewtopic.php?t=3678

Takk fyrir skjót og góð svör, mér er sem sagt óhætt að keyra á steinolíu óblandað það er fínt á einhvern slatta sem þarf að fara að brenna.

Ef þetta er einhver lager sem þú ert ætlar að brenna upp þá er svosem óþarfi að keyra á þessu óblönduðu (lagerinn klárast hvort sem er). Mér fannst 50/50 blanda ágæt á 99 Terrano, hærra hlutfall af steinolíu dró úr krafti og hægagangurinn varð ójafn.

Hef alltaf heyrt talað um 40/60 blöndu. 40% steinolía á móti 60% Dísel. Held að þetta hafi eitthvað með smureiginleikana að gera, til að hlífa dísum og svoleiðis.

Steinolía hefur ekki sömu smureiginleika og diesel. Þeir eru ekki mældir á sama hátt og því ósambærilegir að auki. Cetane tala steinolíu er að jafnan lægri líka en á diesel sem þýðir síðri bruni. Það er því viss áhætta að keyra á steinolíu, sama hver blandan er. Olíuverkið slitnar væntanlega hraðar með notkun hennar, hve hraðar er þó erfitt að segja.

Það má svo blanda tvígengisolíu útí steinolíuna til að fá smureiginleika, var að blanda 0,5-1% minnir mig af two stroke á móti steinolíu.

En þetta fer verr með vélina á því er lítill vafi, bara spurning hve mikið verr.

Diesel sem fæst á Íslandi er nú heldur ekki besti sopi sem fæst. Jens Líndal var einhverstaðar með skemmtilega mynd af þremur ílátum þar sem tekin var olía á 3 stöðum á landinu. Sitthvor liturinn var á öllum sýnum og mis mikið botnfall. Leit ekki vel út. Finn ekki myndina í fljótu bragði.

Það er nú eðlilegt að dísel sé mjög mismunandi á litinn og segir lítið um gæðin.

En að það sé botnfall?

það segir sig nú sjálft að það á ekki að vera neitt botnfall. Olían á Íslandi er þó hvorki betri né verri en annars staðar í Evrópu.Eru sömu gæðastaðlar hér og þar.
Það má lesa um staðalinn t.d hér: https://en.m.wikipedia.org/wiki/EN_590