Hið íslenska jeppaspjall

Jæja, þar sem talstöðin er komin í jeppann þá er næst að hugsa fyrir loftdælu.
Jeppinn er LandCruiser 90 með 3ja lítra 1KZ-TE díselvélinni.
Ég býst við að fara erfiðari og dýrari leiðina og smíða festingar fyrir A/C dælu á mótorinn.
Ég mældi götin á heddinu þar sem dælan kemur upprunalega (allavega í einhver af þeim).
Framan á heddinu eru 3 stk. 8mm snittaðar holur.
Á hliðinni farþega-megin eru 2 stk. 10mm snittaðar holur hlið við hlið ofarlega, og ein 8mm snittuð neðar.
Ég er að dunda mér við að teikna þetta upp í Libre-Cad forritinu (fínt að nota tækifærið og læra á það).
Einnig er ég búinn að finna góðar upplýsingar með öllum málum á Sanden-A/C -dælum;
http://www.sanden.com.sg/opencms/opencms/sites/default/Sanden/_configuration/Catelogue/Catelogue.jsp?ptid=1004
Ef maður smellir á hlekkina fyrir mismunandi dælur (t.d. SD5H09) þá eru góðar málsettar myndir þar undir:


En aftur að teikningunum; hér eru fyrstu drög;
fyrst er endinn á blokkinni:

Síðan er það hliðin farþega-megin:


Ég á enn eftir að málsetja þetta, en .dxf skrárnar eru hér fyrir þá sem vilja
Blokk_endi.dxf
Blokk_grunnur.dxf

Og auðvitað man maður eftir einu smátriði;
Efri 10mm boltagötin á hliðinni eru með 1cm "upphækkun" en neðra 8mm gatið ekki, þannig að það þarf að gera ráð fyrir því í allri smíði.
Næsta skref er að klippa teikningarnar út úr pappa og máta við heddið.

Smá breytingar eftir að hafa klippt út pappamót.


Nú er bara að málsetja þetta og/eða láta skera þetta úr 3-4mm plötu

Og þá byrjaði að rigna...

Þá er ekkert annað að gera en að læra að málsetja;



Aðeins þurfti að breyta teikningunni fyrir endann af því að tímakeðjulokið var fyrir.

Flott, ég þarf að kanna svona teikninga mál, á eftir að fara í sömu æfingar á defender en þar eru lika original göt fyrir ac.

Eitt sem maður ætti alltaf að athuga fyrir svona æfingar er hvort maður getur útvegað sér "original" festingarnar og dælu. Það sparar manni mjög mikla vinnu. Ég gerði það á Ford Ranger einu sinni (sjá hér)

Þarna þurfti ég bara að kaupa nýuppgerða A/C-dælu frá USA og setja smurglas o.s.frv. við hana.
Það er hins vegar ansi erfitt á LandCruiser 90. Helst gæti maður fundið þetta í Ástralíu, en þar eru loftkælingarnar notaðar grimmt og festingarnar eftirsóttar og þar með dýrar.

Sendi teikningarnar í tölvupósti til Áhaldaleigunnar á Stórhöfða 35 eftir að hafa komið þar við. Svo var hringt eftir ca. klukkutíma og þá var það tilbúið.
Fínt verð, efniskostnaður plús 8-kr. hver skorinn sentimetri.

Aftur byrjaði að rigna þannig að maður teiknaði hugmynd af annarri útgáfu sem yrði beygð í vinkil (þá þarf ekki að sjóða eins mikið).

Næst var farið í að blinda olíugöngin milli fram- og afturhlutans á dælunni og brenndu strokkarnir voru slípaðir aðeins.
Ég býst við að skrúfa og pakkningalím sé nóg.

Þá er maður kominn með útgáfu nr.2 og búið að skera hana út. Það þarf samt ennþá að sjóða í hornin, en þarna er maður bara með eitt stykki úr 3mm plötustáli og svo strekkjara.

Og svona lítur stykkið út þegar búið er að beygja það til, ég notaði prófíltengið, klaufhamar og krafttöng, en á eftir að fínvinna þetta og sjóða í hornin.

Og svona lítur þetta út utan á vélinni.

Professionalt

Járni wrote:Professionalt

Ha ha!
Ef einhverjir verkfræðingar hefðu séð aðfarirnar þegar ég beygði þetta hefðu þeir líklega hlaupið æpandi í burtu.

Þá er búið að sjóða þetta saman og við fyrstu mátun lítur þetta vel út. Maður er ekki alveg búinn að gera upp við sig hvort maður lætur reimina fara á allar þrjár trissurnar eða bara á vatnsdæluna og A/C-dæluna.

Flott hjá þér félagi Jón. Kv. MG magnum

Sæll. Áttu þessar teikningar ennþá og gætir mögulega sent þær í tölvupósti ?

johnnyt wrote:Sæll. Áttu þessar teikningar ennþá og gætir mögulega sent þær í tölvupósti ?

Ég skal reyna að finna þær, í hvaða tölvupóstfang á að senda?

Væri geggjað ef það væri hægt. nonnitobbi@gmail.com
Hvað heitir þessi dæla sem þú ert með ?

johnnyt wrote:Væri geggjað ef það væri hægt. nonnitobbi@gmail.com
Hvað heitir þessi dæla sem þú ert með ?

Minnir að hún heiti Sanden 508