Hið íslenska jeppaspjall

Góðan daginn.

Ég hef áhuga að breyta Hilux 2005 fyrir 35 tommu dekk á 15x10 felgum. Bíllinn er óbreyttur í dag utan þess að ég lét breyta rúðupisstanki og slípaði lítillega innan úr frambrettum og færði drullusokka til að koma 33 tommum undir (286/75/16).

Er möguleiki að koma þessari stærð undir án þess að hækka bílinn og láta nægja að gera breytingar á body (brettum, body-festingum o.fl.).

Þetta er fyrsti jeppin minn og ég hef enga reynslu af breyttum jeppum og en síður jeppabreytingum. Er einhver hér á spjallinu sem getur ráðlagt mér í þessu?

Er enginn með skoðun á þessu?

Ég er svo sem ekki lokaður fyrir að hækka bílinn á fjöðrun. Ef hækkun á fjöðrun er málið, hvað þyrfti að gera? Er kannski málið að kaupa einhvers konar kit?

Sæll,

Þú þarft að hækka bílinn á fjöðrun framan og aftan um 40mm (færð klossa hjá Málmsteypunni Hellu). Svo þarf bara að skera úr, setja kannta, hjólastilla o.svf.

Kv.
Aron Frank

þarf ef ég man rétt að breyta boddyfestingunni aftan við framhjólin líka

Takk kærlega fyrir svörin.

Ég skil viðbrögðin þannig að álit manna hér sé að hækka bílinn og ekki nægi gera einungis breytingar á brettum og body-festingum!

Núna er þessi bíll 2005 árgerð og mér skilst að það geti verið erfitt að hjólastilla bíla sem eru orðnir þetta gamlir. Ástæðan ku vera sú að boltar í fóðringum gera verið ryðgaðir fastir. Eru einhver ráð sem menn hafa til að liðka uppá áður en maður fer með bílinn í hjólastillingu? Gott væri líka ef þið gætu nokkurn vegin útskýrt fyrir mér í grófum dráttum hvað það er sem ég þyrfti að athuga í þessum efnum.