Hið íslenska jeppaspjall

Sælir félagar

Mig grunar að alternatorinn í bílnum sé ónýtur. Hvernig er best að tékka á þessu (með fjölsviðsmæli) þannig að allur vafi sé tekinn af

með fyrirfram þökk

Tolli

Mældu pólana á rafgeyminum á meðan bílinn er í gangi, á að mælast á bilinu 13-14volt. ef það er yfir því þá er líklegt að spennustillirinn sé eitthvað að stríða þér, einnig er fínt að athuga reimina í leiðinni, hvort sé of laus eða hvort að trissuhjólið sjálft sé í lagi.

viðnámsmæla milli plús og jörð með rafalann ótengdann en það er ekki öruggt að þú fáir rétta niðustöðu með því,
Best er að megga svona rafala. þá færðu rétta niðurstöðu.

(er ég kannski að rugla má ekki örugglega megga svona rafala eins og riðstraums rafala???)

kipptu honum bara úr og farðu með hann á rafmagns verkstæði þeir segja þér í hvaða ástandi hann er á augnabliki.


Kv. Atli

Takk fyrir þetta

Ég var búinn að mæla á geymirinn en hann sýndi enga hleðslu en geymirinn sjálfur tekur hleðslu með hleðslutæki. Öll öryggi eru í lagi en það furðulega gerðist að dagljósin virðast ekki virka lengur.

kv Tolli

Mig minnir að besta hleðsluspenna fyrir sýrugeyma sé 13,8v - flestir alternatorar fara svolítið hærra áður en þeir slá af þannig að alternator í lagi ætti að halda 13,8v -14,3v yfir rafgeyminn ef engir stórnotendur eru í gangi í bílnum. Ef spennan yfir geymana er að lulla í 12,x v eða neðar er alternatorinn ekki að hlaða, það er fyrsta vers í svona vandamálum að prófa það.

Sælir

Fínar lýsingar, bara spennumæla yfir geyminn með bílinn í gangi, þarf reyndar stundum að gefa honum aðeins og láta hann ganga á ca 1200 snúningum og ef spennan hækkar ekki upp fyrir 12,xx þá er eitthvað að. Hleðsluspennan á að vera um 13,8 en hú getur verið lægri ef geymarnir eru galtómir og mikið álag á alternatornum.

Logandi hleðsluljós er líka góð vísbending um bilaðann alternator og eins ef útvarpið hljóðar eins og vélin.

Kv Jón Garðar