Hið íslenska jeppaspjall

Sælir, í gær fékk ég check engine og las úr þeim sem P0741 Power train, torque Converter clutch circuit Performence or Stuck Off. Bakkaði í stæðið og fann að skiptingin var seinni til en vanalega. Svo í morgun þá snuðar hún mikið og ískrar í henni svo gripnum var bara lagt aftur. Þetta er líklegast ekki eitthvað sem lagast af sjálfumsér því miður og ég sé fyrir mér seðlana hverfa í viðgerð á þessu án þess að ég viti nákvæmlega hvort skiptingin sé hrunin eða eitthvað viðráðanlegt. Ég hef reyndar fylgst vel með hitanum á henni þar sem ég er að lesa úr tölvunni meðal annars hitann á skiptingunni og ekkert óeðlilegt verið þar.

Ég sá hér einhverstaðar að menn eru ekki að mæla með umboðsviðgerð á svona frekar að fara í Bifreiðastillingu í Kópavogi eða á Ljónsstaði.

En spurningar mínar eru eftirfarandi:
a)vitið þið hvað þetta gæti verið (þó það mundi ekki gera annað en láta mig lýta vel út þegar ég hringi í verkstæðið)
b) hvað er eðlilegt að svona viðgerð kosti. ( hr. google sagði mér allavega að oft væri mikill munur á þessum viðgerðum)

Um er að ræða Toyotu Hilux 2007 38".

Toyota á til svona skiptingu fyrir rétt um 400þús klár í bílinn með converter þetta eru uppgerða skitingar frá Toyota verksmiðju. Færð toyota til að skipta um þetta og gamla skiptingin fer upp í og verður send út og gerð upp þar

Ef þig langar að prófa þig áfram, þá getur þú ath hvort að það sé brunalykt af olíunni og ef ekki, þá getur þú skift um síuna í henni, ásamt því að vera viss um að það sé nægilega mikið magn af olíu á henni og aldurinn á olíunni sé í lagi. Mér skyldist á ljónunum, þegar að ég fór með mína skiftingu til þeirra, að líftíminn á skiftingu, væri svona í kringum 250 - 300 þús km. Og þá væri kominn tími á upptekt. Sjálfsagt misjafnt eftir skiftingum og meðferð. Þekki ekkert þessar toyotu skiftingar.

Þabbla það, þessi er ekin 170þ. Ég lét skipta um olíu á skiptingunni fyrir 3000km síðan svo ég veit að hún er nýleg en hversu mikið er á henni veit ég ekki.

Convertin á það til að fara í þessum skiptingum og þá skemmist dælan og það fer rusl inn í allt. svona miða við það sem ég hef skoðað í þessu er ódýrast að fá skiptingu frá toyota í þetta. Er skiptingin farinn að leka fram úr ?? ef það er farið að leka þá er fóðringin og pakkdósin í dælunni farinn og meira búið að skemmast

Ef skiptingin hjá þér er ónýt þá á ég ónotaða skiptingu úr Lexus sem á víst að passa. Hún heitir A340E, en þú ert með A340F. Sem sagt ekki millikassi á minni.

Fæst á hálfvirði.