Hið íslenska jeppaspjall

Jæja var að smella 44" undir nýja trukkinn.
Vona bara að það fari að snjóa.
En það er skemmtileg jeppaveiki í honum núna. Grunaði það og best að vera búinn að koma því í lag áður en átökin byrja.
Ekkert vesen á 38"
ætla að byrja að ballansera
Það eru tveir stýristjakkar í honum.
Legur eru nýjar og stýrisendar.
Hvað mæla menn að maður gerir??

Væri flott að rifja öll gömlu trickin upp.

Kv. Sveinbjörn og Land Rover

Sæll . Ath allar fóðringar í stýfum og hliðarstýfunni sérstaklega , eins hvort eitthvað hlaup sé í stýrismaskínu.
mbkv : Árni

Tékka á spindillegum og hjöruliðum.

Eru tveir tjakkar? Ertu viss um að það séu ekki bara tveir stýrisdemparar?

Annars legur og spindilhalli?

Ein stýrisdæla og einn tjakkur.
þetta lýst mér á. flott að menn nenna að rifja þetta alt upp.
fer í fóðringar og hjólastillingu í vikunni.
Ballanseringinn er þó eftir.

Takk fyrir góðar ábendingar

Stýristjakkur er með tvær slöngur í, stýrisdempari er ekki með neinar slöngur í. Á þessu er höfuðmunur.
Líklegast ertu með stýristjakk og stýrisdempara. Stýrisdælan er svo á vélinni, nær alltaf reimdrifin og dælir vökva í stýrismaskínuna, sem tengd er með upp í stýishjól annarsvegar og hinsvegar togstönginni. Millibilsstöngin er svo á milli framhjóla, og á hana eru væntanlega stýristjakkurinn og stýrisdemparinn tengdir, þó í einstaka tilfellum séu þeir á togstönginni.
Bara svo við séum með hugtökin á hreinu.

Þessi jeppaveiki stafar í flestum tilfellum af neikvæðri og lítt dempaðri afturvirkni (feedback) í stýrisgangi. Það er að hjólin toga hásinguna í aðra áttina og vegna breytingar á afstöðu milli hásingar og togstangar beygir bíllinn í hina áttina, þetta víxlar svo átaksáttum, hásingin færist í hina áttina og stefnan breytist aftur. Vegna þess að það er grip dekkjanna sem er að toga hásinguna til þá verður síður vart við þessa veiki þar sem veggrip er minna, td á möl eða í hálku.