Hið íslenska jeppaspjall

Sælir spjallverjar þar sem ég veit litið sem ekkert um felgur, þá vantar mig smá ráð og leiðbeiningar.

Var að kaupa mér 15''x12'' felgur og er ætlun mín að skella á þær Toyo MT 15x13.5

búið er að grunna kantana á felguni þar sem hringurinn á dekkinu leggst á.

hafði hugsað mér stálventla og svo krana, hvaða krana eru menn að kaupa ? og hvar ?

Myndi það þjóna tilgangi að láta Valsa felgurnar fyrir þessa dekkjastærð eða eru það bara stærri tútturnar sem þurfa það.

Væri gott að setja límkítti með ?

Öll ráð vél þegin, vill græja þessar almennilega fyrst ég er að þessu. líka þar sem þær verða ekki í notkun strax.

Kv, Hrannar

Veit ekki hvar annarstaðar fást kranar... en Vökvatengi selja Krana sem að flæða vel... gera það án þess að bora... en svo hafa menn borað líka...

fékk krana í landvélum fyrir litla upphæð, að vísu er haldfangið á krananum úr plasti en það hefur enn ekki komið að sök, en það var ekki traustvekjandi að berja klakann úr felgunum vitandi að haldið væri úr plasti

Ætlarðu að setja úrhleypibúnað í bílinn?
Þá er betra að nota krana, en ef þú ert bara að hugsa um að vera sneggri að tappa úr, þá er líka hægt að nota venjulega stálventla, sleppa pílunum og bora þá út.
Svo hafa nokkrir sett traktorsventla í felgurnar hjá sér. þeir eru nefnilega tvöfaldir. Ég veit bara ekki hvort þeir henta í þykkar álfelgur.

Hérna er dæmi um slíkan;

Naa ætli maður fari ekki ut til að hleypa ur bara, ætlaði að letta mer urhleypinguna bara með krana, hvað eru þessir kranar storir sem þið eruð að nota

Ég keypti 3/8 krana í landvélum. Það er óþarflega stórt og ég held að flestir séu að nota 1/4" krana með miklu stærri dekk en ég :)

Ég setti líka upphækkun undir kranann, snittaði í felguna og setti ró á móti. Svoleiðis get ég alltaf skipt um kranann sjálfan ef hann klikkar en upphækkunin er föst í felgunni. Það er líka þægilegra að hafa kranann aðeins uppúr felgunni þegar er snjór og klaki.
Ókosturinn við þetta er reyndar þyngdin á þessu, en það ætti ekki að vera stórmál þegar er búið að balansera dekkin.

Ég myndi alltaf velja aftur að setja krana þó ég sé ekki með úrhleypibúnað. Þetta er miklu þægilegra en að vera að skrúfa einhverjar litlar hettur af og á. Ég er líka með slöngu með kúplingu á endanum svo ég dæli alltaf í dekkin gegnum kranann líka.

Hljómar vél að vera bara með hraðtengi og skella á kranann [WHITE SMILING FACE] áttu nokkuð mynd af þessu ? Þoli ekki að skrúfa hetturnar a í hönskum eða frosinn a puttunum

Þetta er 1/4" og er það sem þú þarft.
Fékkst í Landvélum og kostar langleiðina í 10 þúsund kall m/afsl fyrir 4 felgur.

Krani frekar en dekkjaventill alla daga til að hleypa úr, engin spurning.
Ekkert spennandi þegar hettan fýkur einhvert útí loftið.
Það er heppilegt að vera með dekkjaventilinn líka uppá að pumpa í ef kerfið á bílnum klikkar, en það er meira svona til vara dæmi, ég hef líka bara haft pílur í ventlunum og notað þá til að mæla meðan tappað er úr eða í.

kv
G

Takk strakar eruð snillingar

Ég var að panta svona krana á 3 dollara að utan stykkið :)

Biturk, hvaðan ertu að panta þessa krana? Hvað kallast þetta á útlenskunni :-)

Ebay

Leitaði bara að 1/4 valve :)

Búin að prufa bæði 1/4 og 3/8 krana á 38" dekkjum og fer hiklaust í 3/8 aftur. 1/4 tommu lokinn gefur þér bara þægindin umfram ventilinn en 3/8 flæðir mun betur.

Daginn spjallverjar! Ég er í sömu tveggja ventla/krana pælingum og er byrjandi í þessu. Ég er nýbúinn að kaupa 35" Toyo M/T 13.5 en hef ekki enn sett þau undir. Það eru ljótar álfelgur undir bílnum hjá mér og ég er að spá hvort ég eigi að láta pólýhúða þær eða fá mér þokkalegar stálfelgur bara. Er ég betur settur með stálfelgur upp á að bæta við ventli/krana eða get ég það jafn vel á álfelgum ? Er betra að einhverju leyti að hafa stálfelgur upp á að vera hleypa úr og í endrum og eins?

Ég hef sett krana í álfelgur. Þær eru þykkari en stálið sem er kostur fyrir kranaísetningu. Þá þarf enga ró fyrir innan sem getur komið sér vel ef þú vilt skipta um kranadótið.
Ættir alveg að geta notað álfelgurnar fyrir úrhleypingar, jafnvel límt dekkin á ef ætlunin er að hleypa mikið úr.

Það borgar sig samt að skoða kranana vel ég var að bera saman svona krana 1/4 og 3/8 og það var sami sverleiki á gatinu í kúlunni (lokanum) í þeim þannig að í því tilfelli var eini gróðinn að 3/8 er stærri og þyngri en sama flæðið.

Já ég get ekki annað sagt en það taki mjög lítinn tíma að hleypa úr 38" dekki með 1/4" krana, jafnvel þegar maður er óþolinmóður.

Eigið þið til mynd af felgu með svona systemi, langar að sjá hvernig þetta fer á henni. Eru menn þá með einn krana til að hleypa úr og einn ventil til að pumpa í ?

Jæja ég sá einn með svona útbúnað fyrir utan N1 áðan og laumaðist út til að taka mynd. Þessi er með krana og tvo stálventla og gefur ágætis hugmynd um það hvernig þetta á að vera. Mér sýnist líka að þessi útbúnaður færi aldrei vel á álfelgu svo ég held að ég sé kominn á það að þurfa útvega mér bara basic stálfelgum...

Í sambandi við felgumál og þessi dekk Toyo MT 15x13.5 sem þráðarhöfundur nefnir. Hvaða munur er á því að láta þessi dekk á 10" breiða felgu eða 12" breiða felgu og þá með tilliti til úrhleypingar?

Mér finnst óþarfi að vera með 2 ventla og krana.

Ég nota kranann bæði til að pumpa í og hleypa úr og nota ventilinn eingöngu til að mæla.

Hvað er notað til að þétta milli krana og felgu? varla er þetta bara þétt með herslu?

Fljótandi röraþétti (thread sealant).
Fæst í litlum túpum, t.d í landvélum og wurth.

Ég notaði eirhring sem er mm á þykkt og leggst saman við herslu en hann er hringlaga, snittaði í álfelguna og þetta hefur ekki lekið hingað til. Hefði notað LOXEAL 53-14 sem þenst út sem ég fékk í Barka ef það hefði verið við hendina þá.

Og slöngunippill í kranann kostar tæpann þúsundkall í BYKO kr en í lagnadeildinni hjá sama fyrirtæki en í húsinu við hliðina 200 kall ????

Það er yfirleitt ekki borað og snittað í felguna nema ef menn af einhverjum ástæðum vilja ekki taka dekkin af. Ef þið eruð með felgurnar dekkjalausar þá sjóða ró á að innanverðu til að skrúfa lokann í, það er mun sterkara. Ég hef séð svona krana brotna í felgum á fjöllum oftar en einu sinni.

Ég boraði og snittaði fyrir krönum í felgurnar mínar með dekkin á felgum, taka svo svarfið með segli.
Notaði röraþjétti frá Wurth sem ekki svíkur, best að setja eirhring undir krana þannig að kraninn sitji þétt við felgu, passa að sé ekki bil á milli því þá brotnar hann frekar af.

http://www.aliexpress.com/item/1-4-Mini ... 94277.html

Hvað er verðið á þessu hérna á klakanum

AgnarBen wrote:Það er yfirleitt ekki borað og snittað í felguna nema ef menn af einhverjum ástæðum vilja ekki taka dekkin af. Ef þið eruð með felgurnar dekkjalausar þá sjóða ró á að innanverðu til að skrúfa lokann í, það er mun sterkara. Ég hef séð svona krana brotna í felgum á fjöllum oftar en einu sinni.

Það er bara svo þykkt í álfelgunni að kraninn er í flútti við felguna að innaverðu, það er nú smá hald í því.
Í hvernig aðstæðum eru menn að brjóta kranana úr felgunum?

Jæja ég skellti mér á þetta system sem póstað var hérna fyrir ofan, keypti þetta ýmist hjá Landvélum og í Barka. Er með 1/4 krana og notaði Loxeal 53-14 röraþétti á allar gengjur og eirhring neðst á milli felgu og upphækkunar. Nú er bara að vona að þetta haldi lofti :) Hafa menn eitthvað verið að þétta neðst við felgu með einhversskonar gúmmí þéttingum líka ?

Ætla svo að setja stálventil í hitt gatið og Toyo 35" MT á þetta og þá er ég loksins klár í veturinn.... þegar hann kemur á suðvesturhornið.

Mæli frekar með kopar hraðtengis-stút á lokann, vegna ryðmyndunar.