Hið íslenska jeppaspjall

Sælir.

Ég fór að braska við að breikka brettakantana á pattanum mínum. Ég var búinn að átta mig á að það yrði ekkert gamanmál því að eins og sönnum austfirðingi sæmir eru felgurnar í breiðari kanntinum (þannig lagað). Gallinn við kanntana er að það er enginn lágréttur flötur eða neinn augljós staður til að saga þá í sundur til að bæta inn í án þess að það líti kauðslega út.

Á endanum ákvað ég að prófa að saga þá langsum ca 5cm inn á köntunum og þann hluta sem leggst að bílnum í sundur á efsta pungti svona sirkabát. Svo festi ég fremri hlutann lítillega framar en original og notaði svo spelkur til að halda stóra hlutanum í réttri fjarlægð frá í réttu flútti við hinn. Síðast spelkaði ég aftari bodyhlutann í réttri fjarlægð og flútti við stóra hlutann og stillti allt draslið saman. Núna var raufin orðin T laga og heildarlengd kanntsins orðin eitthvað lengri en upphaflega.



Næst er að fylla upp í gatið og þá hafði ég í huga að prófa aðferð sem youtube kenndi mér og það er að maka þunnu lagi af P40 á smjörpappír og leggja hann yfir gatið og láta harna að mestu áður en pappírinn er fjarlægður og þessi aðferð gafst vel, allavega ennþá.



Bút og bút í einu og spelkurnar fjarlægðar smám saman og gatið nálgast að vera lokað.



Svo er næsta skref að snúa kanntinum á hvolf og steypa í gatið með trefjaplasti og styrkja, spartla, slípa og loks sprauta.





Hvernig eru menn að gera þetta annars, ég er alger nýliði í þessu?

Kv Jón Garðar

Flott að sjá þetta ég ætla einmitt í það sama hjá mér í sumar.

Hér geturu séð hvernig þeir á siglufirði gerðu þetta með því að setja blikkplötu utan á og svo trebba inn í hana : viewtopic.php?f=5&t=17319&start=450

Einnig máttu endilega henda inn þessum youtube link með þessari trebbaaðferð.

Eitt sem ég myndi gera öðruvísi og það er að halda hæðini á ytri brún kanntsins óbreyttri við breikkunina, þá heldurðu hallanum sem er orginal á þeim, en það er kanski bara hægt með því að smíða hann alveg á milli. En stórsniðugt að nota smjörpappírinn svona til að rigga þessu saman og kemur líka flott áferð á samskeytin.