Að skera dekk

[aggibeip]

Góðan dag.

Ég er að velta því fyrir mér hvort að það sé almennt hægt að skera niður fyrir mynstur í stórum jeppadekkjum ? (38"+)

Ég er með 38" Ground Hawg dekk sem ég fékk með bílnum mínum en þau eru með ca. 5-6mm mynstur í miðju en alveg sköllótt í könntum, eins og það hafi alltaf verið keyrt á þeim með of lítinn þrýsting..

Er eitthvað hægt að skera í kanntana á dekkjunum til þess að getað notað þau sem þokkaleg sumardekk?

Hér eru myndir af einu dekkinu, þau eru öll svona þannig að ég tók bara myndir af einu þeirra..
Myndir:

[villi58]

Ég skar GH 5 mm niður fyrir munstur án þess að lenda í striga, mæli samt ekki með því að gera svona, gætir lent í veseni við tryggingafélag ef þú lendir í einhverju óhappi.
Og ekki skera upp á hliðar ef þú ferð í þetta.

[jongud]

Tækninefndin hjá Ferðaklúbbnum 4X4 athugaði þetta núna í vetur.
Það má ALLS EKKI skera niður fyrir upprunalega mynstrið.
Hins vegar má skera kubbana í döðlur ef mönnum sýnist svo.

[aggibeip]

Ég setti myndir inn í fyrsta póst svo að menn sjái hvernig þetta er...

...Er eitthvað hægt að fríska upp á þetta?

[hobo]

Þetta er að mér skilst, eðlilegt slit á GH og Mudder.
Felgubreidd eða loftþrýstingur hafi lítið um þetta að gera.

[aggibeip]

Þetta er að mér skilst, eðlilegt slit á GH og Mudder.
Felgubreidd eða loftþrýstingur hafi lítið um þetta að gera.

Nú okei! Ég vissi það ekki. Ég átti þennan bíl fyrir nokkrum árum síðan og þegar ég seldi hann var hann á 38" Mudder en hann var mjög jafnt slitinn.. Er að sjá þetta fyrst svona núna og þessvegna gerði ég ráð fyrir því að þetta væri loftþrýstingur eða álíka.

[villi58]

Mundi bara keyra á þessu svona, svona dekk eru oftast mjög leiðinleg í akstri og lagast ekkert við að skera þau.
Gripið mundi aukast en samt leiðinleg í akstri þar sem baninn er ekki jafn þvert yfir.
Segja má líka að þegar dekk eru orðin svona þá eru þau líklega ónýt sem keyrsludekk en má lulla eitthvað á þeim áfram.

[StefánDal]

Þá má segja að verðhækkun á dekkjum undanfarin ár sé hættuleg þróunn.

[villi58]

Þá má segja að verðhækkun á dekkjum undanfarin ár sé hættuleg þróunn.

Já þetta er grátlegt þar sem þetta er öryggisbúnaður bifreiðar, ríkið er ekki barnana best í álagningu gjalda af dekkjum. Það getur verið gífulega dýrt fyrir ríkið og þar með heilbrigðiskerfið ef fjöldi fólks slasast, tala nú ekki um þá sem lenda í svoleiðis, getur skipt hundruðum miljóna.

[villi58]

Þetta er að mér skilst, eðlilegt slit á GH og Mudder.
Þetta er lang verst í þéttbýliskjörnum, tala nú ekki um Rvk. stanslausar beygjur og menn oft með framdrifið á sem spænir upp framdekkin. Mæli með að spara framdrifið eins og kostur er og þá endast dekkin lengur.