Hið íslenska jeppaspjall

Ef aukatankur er búinn að vera tómur lengi er ekki alveg nóg að láta sullast í honum í smá tíma 10-20lítra og tappa svo af? Eða á ég bara fylla og láta það duga?

er ekki málið að fyllann og setja svo ca.30ml af asington(naglalakkahreinir) útí og keyra svo glaður kv Heiðar

Njaaaaa ég myndi gera þetta með olíuna og sjá hvað kemur með henni út. Og er ekki alveg pottþétt einhver sía frá aukatankinum sem er dælt í gegnum?

Eitt af því sem getur myndast í lítið notuðum tönkum er gerlagróður.
Hljómar ótrúlega en þetta gerist samt. (Wurth er að selja efni sem kemur í veg fyrir þetta).
Það er algert ógeð á eiga við þetta, stíflar allar síur. Og því meirir raki í tankinum því meiri hætta, þannig að hálftómur aukatankur er kjörsvæði fyrir svona lagað.
Ég myndi skola tankinn duglega.

Ég hugsa og ég hafi þessa 10-20 lítra á honum í smá tíma og tappi svo af og skoði. Það er samt ekkert rosalega langt síðan það var eitthvað á honum innan við ár :) En ætla að skoða síuna á milli.
Hugsanlega svolítið dýrt að fylla 150lítra og svo er það fullt af gróðri með tilheyrandi vandræðum fyrir spíssana í 6.0 Ford.

Úr hvaða efni er tankurinn?

Það myndast ekki sveppur í áltönkum og ég held ekki í ryðfríum heldur. En ef hann er úr svörtu þá getur hann alveg myndast.

Lindemann wrote:Úr hvaða efni er tankurinn?

Það myndast ekki sveppur í áltönkum og ég held ekki í ryðfríum heldur. En ef hann er úr svörtu þá getur hann alveg myndast.

Hvað hefur fyrir þér í þessu? langflestir vörubílar hér á landi eru með áltank og er sveppur vandamál í vörubílum og ég er viss um að það hefur komið upp í vörubíl með áltank

Þetta var vandamál í smábát sem ég var á grásleppu á. það voru tankar úr ryðfríu efni, fengum eitthvað baneitrað efni til að drepa þetta.

Þessi gróður myndast í skilunum á milli vatns og olíu, ég sé ekki hvaða áhrif mismunandi efni í tönkunum gæti haft á það.

Ég hef blessunarlega ekki orðið var við þetta um borð hjá mér, en annað skip hjá útgerðinni var með eilíf gróðurvandamál

Vélstjóri sem ég var með á sjó fullyrti að Mergið hefði bjargað honum frá gróðri, þ.e. að hafa aldrei lent í því, en ég hef ekkert fyrir mér í því nema hans orð

Hvernig er það ef maður er með svona tank úr svörtu sem er orðin ryðgaður að innan, ef maður opnar hann og lætur sandblása er þá nóg að ryðverja hann með olíu eða er eitthvað undraefni sem maður á að húða þetta með.