Hið íslenska jeppaspjall

Jæja smá pælingar, er með 2001 3 lítra patrol sem er alveg hræðilega máttlaus(ekki þetta meðfædda máttleysi), málið er það að ég tölvulas bílinn og að sjálfsögðu var það MAF sensorinn, er núna búinn að prófa 4 mismunandi sensora(reyndar úr AB og hitt úr Almeru 2000 árg og yngra, mér er sagt að það eigi að vera það sama). En það er einsog túrbínan sé bara ekki að kikka inn, er alveg svakalega þvingaður eftir 17-1800 snúninga. Búinn að testa membruna sem opnar og lokar vastegate ventlinum og það virðist allt virka, fann svo allt í einu takka sem kveikir á tölvukubbnum í honum og hann skánaði en er samt þvingaður(var að kaupa bílinn). Finnst einsog að það vanti meiri olíu, er búinn að skipta um hráolíusíuna en ekkert breyttist. Hefur einhver hérna einhverjar hugmyndir um það hvað þetta gæti verið? Öll ráð vel þeginn.

léstu tölvutengja bílinn eftir að þú skiptir um maf sensorinn? mér var sagt að það þyrfti að tengja þá aftur og í rauninni segja honum að það sé kominn nýr sensor

Er með autoboss tölvu í vinnunni og las hann bara þar, hef reyndar aldrei heyrt þetta með að stilla hann inn, En það er alveg pæling, spurning um að taka geymasamböndin af og sjá hvort hann núllstilli sig við það.

fyrirgefðu offtopicið, en er þetta græni 44" breytti bíllinn á 38" sem var auglístur hérna?

Já það passar, offtopic má alveg.

grunaði það, var búinn að skoða þessa auglísingu alveg stafana á milli ansi reglulega :) virkilega eigulegur bíll

Já hann er nokkuð góður bara, svo til ryðlaus og vel búinn. Þetta er svona það helsta sem að hrjáir hann í dag.

Prufaðu að aftengja kubbinn alveg í burtu og taka rafg úr sambandi í smá stund.
Settu svo í gang og prufaðu það gæti verið að kubburinn sé að stríða þér.

Er þetta kubbur með stilliróm?

Þetta er hopa tölvukubbur sem er kveikt og slökkt á með rofa inni í bíl, var nú bara að fatta það í gær hvað þessi takki gerði, hélt að kubburinn væri óvirkur. Efast um að það sé hann vegna þess að það er búið að vera slökkt á honum allann tímann, en þetta er pæling og ég ætla að prófa þetta.

Nú hefur maður séð suma af þessum Patrol bílum reykja eins og kolatogarar þegar þeir taka hressilega af stað.
Það rétt svo eimar úr pústinu hjá þér þegar það er kveikt á kubbnum en ekkert þegar það er slökkt á honum.
Hvað er það sem menn hafa gert við sína patta sem gefur þeim svona mikla olíu?

Það er búið að skrúfa upp í rovernum hjá mér og hann er alveg bókað að fá hlutfallslega meiri olíu en pattinn þinn, enda skynjar maður það alveg þegar túrbínan fer að blása, sem maður gerir ekki í patrolnum.

Var að lesa mér aðeins til um þetta, eða svona reyna allavega. Þar las ég að patti með blindaðan egr ventil getur verið að over boosta og fer þá í safe mode, það er spurning um að reyna að fikta eitthvað í því.

Ertu búinn að komast að því hvernig þú nærð honum úr "limp" mode

Ein Viagra í tankinn kannski

Maður strýkur honum víst blíðlega og kitlar aðeins kúlurnar, það virkað á mig hingað til allavega.

Getur prófað að þrýstiprófa intercoolerinn, þeir eru lélegir í þessum bílum. Ég lenti í þessu sjálfur með patrol sem ég átti og þegar ég þrýstiprófaði intercoolerinn þá lak hann allan hringinn á samskeytunum.

Já maður ætti náttúrulega að athuga allt og ekki útiloka neitt, en það er nýr intercooler, vatnskassi, túrbína, hedd, stimplar og já bara allur pakkinn. Grunar ennþá MAF sensorinn, þarf bara að nálgast nýjan til að útiloka það alveg.

http://www.chiptuning.com.au/nissan-zd3 ... rotection/

Hér er meðal annars ástæðan fyrir þessu limp mode-i og hvernig það virkar

Hvernig er eyðslan? Spurning með spíssa eða vacumslöngur.

eyðslan er náttúrulega útúr kú. Lét lesa hann í nissan tölvu með live data og þar kemur fram að loftflæðiskynjarinn er að gefa 4.60 volt þegar að hann á að vera 1 volt í lausagangi. Einhver sem kannast við þetta eða fékk ég kannski bara gallaðan loftflæðiskynjara í umboðinu, hef alveg heyrt um það.

http://www.nissanpatrol.com.au/forums/showthread.php?597-Checking-and-cleaning-MAF-sensors

Þeir segja að 1.6 til 2 volt eiga að vera í lagi.

Takk fyrir góðan þráð.

Er með 44", '2000, 3D Patta. Hver gjöfinn dettur af og til dauð niður. Ekki síst í brekkum.

Hann var með blindaðan EGR ventil (gert með hlið úr bjórdós sem var löngu farinn á flakk inní vél).

Prófa þá að blinda EGR ventilin aftur, en nú með stálplötu, og þrífa og mæla MAF sensorinn.

l.

Sæll

Hvað fer afgashitinn hátt hjá þér við þessar aðstæður.

Þessar vélar eru með "Variable-geometry turbochargers (VGTs)" og því er enginn wastegate loki, mebran sem þú talar um á að snúa hring í túrbinunni sem breytir horni á inntaks stýriblöðum, sjá myndina.

Það getur komið fyrir að þessi stýriblöð festast í sóti og drullu og hætta þar með að snúast. Þetta veldur því að túrbínanan virkar mörgum númerum of lítil ef hún er föst í lágsnúnings- stöðu. Þetta getur virkað eins og tappi í pústinum á hærri snúning. en þú ættir að geta séð þetta á Boost og afgashitamæli.

Varðandi MAF skynjara þá eru þeir stilltir og mældir fyrir hverja vél og því gjörbreytist krafur vélar ef hann er bilaður eða af rangri gerð. Tölvan stýrir olíuflæði út frá merki frá MAF skynjara.

kv
KFS

Er þetta ekki bara hefðbundna 3.0 vandamálið, brunninn stimpill?

nýr kjallari, nýjir stimplar, ný bína, nýr vatnskassi og nýr intercooler. Fiktaði í rafmagns loominu og sneri boltanum í membrunni og hann hefur verið að rótvinna síðan, annaðhvort vesen á loominu eða þetta sem að finnur var að tala um.

Ég held að Sævar Péturs hafi orðað það best þegar hann sagði "það á ekki að setja bátavél í bíl " gangi þér annars vel að koma pattanum í stand hehe