vatn hverfur af vatnskassa!!

[ingi árna]

Ég er í smá vandræðum mað krúserinn minn, LC 60 með 4L turbo vélinni.
Um daginn byrjaði bílinn að hita sig og hefur hann aldrei gert það áður.
Ég athugaði vatnið á kassanum og þar var lítið sem ekkert vatn, ég bætti slatta á hann og hélt áfram og allt virtist vera í góðu.
En núna tvem vikum seinna byrjaði hann aftur að hita sig, ég kíkti aftur á vatnið og það virtist allt vera næstum horfið.
Í bílnum er nýr vatnskassi, ekkert vatn er í smurolíunni, blæs ekki út í vatnsgang og enginn sjánlegur leki, bílinn er búinn að vera mikið inní í bílskúr og aldrei er svo mikið sem dropi á gólfinu.
þá spyr ég hvert getur vatnið verið að fara?
Er hann að brenna því?
getur túrbínan verið að leka því út í pústið? (held að hún sé vatnskæld. CT-26)
eða hvað?

[Aparass]

Athugaðu hvort teppið á gólfinu farþegamegin sé ekki blautt.
Gæti verið byrjað að leka miðstöðvarelementið.
Það fylgir því reyndar oftast mikil móða á rúðunum í bilnum.

[birgiring]

Hitnar miðstöðin eðlilega?

[birgiring]

Skoða líka rörin í afturmiðstöðina með bílinn í gangi og heitan. Kanna hvort útfellingar sjáist á vatnsdælunni.

[ingi árna]

Hitnar miðstöðin eðlilega?

Já miðstöðin virðist hitna eðlilega.

[smaris]

Prófaðu að gefa honum inn inni á gólfi. Hef lent í svona lekavandamáli á Corollu. Var alltaf að tapa vatni í akstri, en ekkert lak ef hann stóð eða gékk hægagang. Hann blés ekkert út í vatsgang en ég tók fyrir rest eftir því þegar ég var að skoða þetta inni á gólfi að þegar ég gaf honum lak hann. Reyndist vera sprunga í einni pípu í vatnskassanum sem lak ekki nema þegar þrýstingurinn jókst við inngjöf.

Kv. Smári.

[Sævar Örn]

Svo eru flest betri verkstæði með svona þrýstimæli á kælikerfi, þá dúndrarðu 12psi inn á kerfið og ef mælirinn sígur þá er eitthvað að leka, þá er bara að dæla meira og meira halda 12psi þar til þú sérð hvar lekur, nú ef ekert lekur skaltu snúa vélinni með skralli nokkra hringi því vatnið gæti verið að leka inn á vél og þú vilt ekki starta með fullan strokk af vatni ;)

[birgiring]

Þá er gott að breiða þurrt pappaspjald undir bílinn til að sjá betur hvar drýpur niður.

[bjarni95]

Ég er að lenda í eins vandamáli með súkkuna mína, vatn hverfur og ég veit bara ekki hvert. Enginn ummerki um heddpakkningavesen en það er óvenjulega mikil móða í bílnum, ég get samt ekki séð að miðstöðin leki, allavega ekki inní bíl. á samt eftir að prófa þetta inni, gæti vel verið að það sé sprungin slanga.

[birgiring]

Það gæti verið smit á vatnskassanum sem gufaði upp nærri jafnóðum. Ef að lekur inn í bílinn á frostlagarkeimurinn í loftinu ekki að leyna sér.

[jongud]

Það var svipað að hrjá bíl hjá mér einusinni. Það var örlítið nálargat efst á vatnskassa sem gufaði út um þegar bíllinn var orðinn vel heitur. Ég sá þetta ekki fyrr en ég leit undir húddið af rælni þegar ég var að skafa af honum í miklu frosti einn morguninn. Þá rétt sá ég gufuna.
En það er um að gera að þrýstiprófa kerfið. Og hafa úðabrúsa með sápuvatni við hendina til að finna lekann.

[biturk]

Getur líka smitað úr lélegri hosu eða hosuklemmu, hef lent í bæði, hvorugt bar ummerki um leka