Hið íslenska jeppaspjall

Sælir félagar, nú langar mig að fá upplýsingar frá öllum Patrol sérfræðingunum um hvað þarf að
hafa í huga ef setja á túrbínu við orginal 2.8 Patrol mótor. Hvað með þjöppu, stimpla og hedd er
þetta allt eins á milli túrbó og ekki túrbó, ja spyr sá er ekki veit. Komið nú og ausið úr viskubrunni
ykkar og uppfræðið nýjasta sauðinn í Patrolhjörðinni.


Kv. Björn Ingi Patrol eigandi.

Ef vélin er orginal túrbólaus þá eru yfirgnæfandi líkur á að hún hafi komið úr nissan Laurel og heitir þá RD28, Patrolvélin heitir RD28T, Þetta eru 6 cyl vélarnar með álheddunum, allavega í Laurel var eldri vélin með pottstálsheddi og hét LD28

Þú átt að geta séð hvaða týpa þetta er, á blokkinni aftanverðri hægra megin, á planinu ofanverðu, sjá myndina hér að neðan, daufur hringur utanum

Heddin á RD28 og RD28T eiga að vera þau sömu, allavega var heddið á minni sagt af patrol, en ég get ekki sagt til um knastásana þeir gætu verið öðruvísi

Annan mun á milli véla þekki ég ekki, en er eflaust einhver

Sæll Björn hér í gamladaga þegar ég var fimmtugur um 1982 voru menn að setja turbo á þessar vélar og var þá greinin jafnvel mixuð og fór fram svipuð vinna og þegar menn setja turbo á 2,4 disel. Ég mæli með að þú finnir þér bara góða 2,8 turbo orginal og græir hana í. Það er bæði ódýrara og betra allt passar saman. Það er hægt að ná nokkrum hestöflum í viðbót við þessi 115 til 117,5 hestöfl sem orginal 2,8 turbovélin er. Hugsanlega yfir 170 hestöfl ef þú ert jákvæður Patrol unnandi og notar Prolong og Millitekk og smá gas. Hann Valli á Akureyri þekkir þessar vélar mjööög vel og hefur náð ótrúlegum krafti og endingu út úr 2,8 orginal turbo patrol vél með ekki mikilli vinnu. kveðja guðni

Takk Addi ég skoða betur hvaða týpa þetta nákvæmlega er.

Guðni ég fékk með bílnum slátur úr túrbó vél svo að það er allt til í þetta.
Hedd, túrbína og grein, spurninginn er bara þessi, þarf ég að skipta um hedd eða stimpla
eða eitthvað í þá áttina. Ég kannski heyri í Valla með þetta.
Takk fyrir.

kv. BIO

Engir Patrol sérfræðingar þarna úti????

Hmm?
Úr því að Nissan Laurel vélarnar voru með pottstálheddum, eru þær þá ekki lausar við þessi eilífu heddpakkningarvandræði sem eru á Patrol 2.8 vélunum?

Sælir

Engin heddpakkningarvandræði í Patrol, það eru heddin sjálf sem eru að fara. Það er annað mál en potthedd ætti að vera minna viðkvæmt fyrir hitabreytingum en álhedd.

Oftast nær er hærri þjappa í túrbínulausum mótorum en í original túrbóbílum. Ef þú átt leið til að minnka þjöppuna í vélinni er það bara ágætt en annars skaltu passa þig að láta túrbínuna ekki blása nema fáein pund. Þannig gætirðu verið kominn með sama þrýsting á strokkinn við fullt samslag við 4 psi og original turbo með 10 psi. Þessar tölur er ekki réttar bara til viðmiðunar og umhugsunar.

Kv Jón Garðar

Hlýtur að vera annar sveifarás og knástás í turbovélinni.

jongud wrote:Hmm?
Úr því að Nissan Laurel vélarnar voru með pottstálheddum, eru þær þá ekki lausar við þessi eilífu heddpakkningarvandræði sem eru á Patrol 2.8 vélunum?

Gömlu LD28 voru með pottstálsheddum, RD28 var með sömu ónýtu heddunum og patrol

En það voru LD28 vélarnar sem voru vandamála lausar í laurel og komu meðal annars í fréttum hérlendis fyrir að endast milljón + kílómetra án upptektar

LD28 Laurel og Cedric vélarnar voru mjög skemmtilegar vélar í laurel og cedric, biluðu lítið og eyddu litlu en voru frekar aflvana, en túrbínu þoldu þær alls ekki því sveifarásinn brotnar nær undantekningalaust. mágur minn er búinn að setja 3 vélar í sinn bíl og allar brotnuðu :)
En í RD28 og RD28T er örugglega sama hedd og sveifarás en það er spurning hvort munur sé á stimplum, knastás og olíuverki.

Takk fyrir allar upplýsingarnar
Þetta er RD28 og það fylgdi með slátur úr RD28T vél, túrbína, hedd ofl. og ætti þetta þá ekki að ganga upp?

Kv. BIO