Tveir alternatorar saman

[hobo]

Eru ekki einhverjir með svona setup hjá sér, að vera með tvo alternatora?
Hvernig er þetta útfært rafmagnslega, bara hliðtengt?

[Hagalín]

Eru ekki einhverjir með svona setup hjá sér, að vera með tvo alternatora?
Hvernig er þetta útfært rafmagnslega, bara hliðtengt?

Það eru einhverjir 7.3 og 6.0 Fordar með svona setup, spurning um að grafa þá upp.

[dazy crazy]

Menn eru eitthvað með tvöfalt kerfi, þá hefur hver alternator bara einn geymi sem hann hleður inná.

Það er líka langeinfaldast, enda geturðu lent í bölvuðu brasi með hitt nema þú vitir nákvæmlega hvað þú ert að gera.

[olei]

Það fer e.t.v eftir því í hvaða tilgangi menn setja tvo alternatora. Ég sé í fljótu bragði ekkert því til fyrirstöðu að hliðtengja þá refjalaust ef þetta snýst um að keyra mikla notkun og/eða hafa annan til vara. Álagið á þá verður ekki jafnt undir "litlu" álagi en það gerir sennilega ekkert til.

[hobo]

Ég er svona að hugsa fram í tímann. Á auka alternator og er líka með stað fyrir hann undir húddinu.
Þá þarf maður ekki að hafa áhyggjur af rafmagnsnotkuninni, get verið með 45A rafmagnsloftdæluna í gangi, allt upplýst og miðstöðina á fullu :)
Svo skemmir þetta örugglega ekkert fyrir ef maður skildi fá sér spil framaná.

[Magni]

Það er gott að vera með auka altenator og sér geymi á honum. Þá geturu haft t.d. græjur og ískáp í gangi og þó þú klárir af þessu þá getur þú alltaf sett bílinn í gang. Ég var með svona á einum jeppa sem ég átti og mér fannst þetta algjör snilld.

[hobo]

Ég er hræddur um að þetta gæti orðið að veruleika fyrir næsta vetur. Talaði við rafvirkja og hann sagði að þetta ætti ekki að vera vandamál.