Snilli og Tilli skoða 5,4" breitingu uppfært 27.06.16

[Baldur Pálsson]

Sælir félagar þá eru það framstífurnar sem Snilli smíðaði í dag. Þær eru smíðaðar úr 8 mm efni og fóðringar frá ET. Stífan er 18 kg.og 115 cm löng og 23 cm á milli efri og neðri bolta á hásingu, vonandi er þetta nógu sterk (glott). Bronco stífan er 12 kg til samanburðar og styttri. Búið er að tilla nýjum gormaskálum að ofan og neðan. Nú er spurning er stífan nógu síð að aftan eins og hún er núna á myndinni. Þetta eru 20 cm niður úr grind vil helst ekki fara neðar nema það sé nauðsyn. kveðja Snilli og Tilli.

Sælir T&S þurfið að passa hæðina á hásingunni að hún sé ekki of nálægt smurpönnunni pinjóns stúturinn er svo langur, eins og þetta var mátti ekki vera minna bil á milli vélar og hásingar,en mér sínist að framhásingin sé kominn aðeins framar en hún var.Það er best að stífan halli aðeins niður á við að aftan (upp við grind ).
kv
Baldur fyrverandi Crúser eigandi

[sukkaturbo]

Sælir félagar jú við erum búinir að hugsa mikið um þyngd í sérskoðun og verður það tæpt kanski tveggja manna bíll. Baldur við hækkuðum bílinn um 8 cm að framan og aftan frá því sem var og færðum hásingar fram og aftur um slatta. Hann er núna 316 cm á milli hjóla.

[Startarinn]

Erudi búnir ad hugsa útí thegar kemur ad vigtun? Lenti í vandrædum med cruiserinn hjá mér, thad máttu bara 3 ferdast ì honum. fáránlegt hvad their mega bera lítid

Ég ætla ekki að fullyrða um þetta en ég HELD að það sé hægt að fá leyfða ásþyngd aukna uppí leyfða ásþyngd á bílnum sem hásingarnar koma upprunalega undan. Ég myndi allavega skoða það vel áður en þið lendið í einhverjum vandræðum með þetta.

[grimur]

Nibb. Grindin ræður. Það má ekki einusinni auka burðarþol við að bæta auka hásingu undir, nema framleiðandi tiltaki það sérstaklega.
Þó er hægt að fara til einhverrar vottunarstofu (TÜV minnir mig), til að taka þetta út. Það kostar ferð til Evrópu með bílinn og svo þarf dótið auðvitað að standast þeirra viðmið. Það er sennilega pakki upp á milljón eða svo. Held að Arctic trucks séu að fara þá leið með 6hjóla Hiluxana.
Ræddi þetta við einhvern larf hjá Umferðarstofu, þessar reglur eru alveg út í hött enda apaðar beint upp eftir EES reglum og engu breytt.

Lausn:
Finna bara grindarnúmer af 350 pickup og steikja það á góðan stað, heimskulegum reglum skal bregðast við með heimskulegum lausnum.

kv
Grímur

[Stebbi]

Lausn:
Finna bara grindarnúmer af 350 pickup og steikja það á góðan stað, heimskulegum reglum skal bregðast við með heimskulegum lausnum.

Ef að stjórnarskráin verður endurnýjuð þá krefst ég þess að þetta verði fyrsta grein í henni. :)

[sukkaturbo]

Sælir já ég hringdi í tæknideild Samgöngustofu út af þessu. Þar fékk ég það beint í smettið að grindin ræður en ekki hásingar. Þannig að við klárum bara bílinn og setjum hann svo á safn sem minnisvarða, fyrir feita bíla sem eru of þungir miðað við hæð eins og ég. kveðja guðni

[jongud]

Auðvitað ræður grindin.
Það er jú hún sem ber allt draslið uppi og framleiðandinn gefur upp hvað hún er gerð fyrir mikla þyngd.
Það er að vísu þannig í jeppum að ef þeir eru settir á stærri hásingar þá er aukaþunginn undir grindinni.
En það verður líka að taka tillit til þess að léttar grindur voru ekki hannaðar til að hafa klettþungar hásingar og 60 kílóa hjólbarða dinglandi neðan í þeim.
Það eru nefnilega töluverð átök þegar dana 60+ hásing með 46+ dekkjum er nötrandi undir bíl á 80km hraða sem ekur yfir gróft þvottabretti. sérstaklega ef hásingin tengist í síða stífuturna sem auka átakið á grindina.

[siggisigþórs]

Nibb. Grindin ræður. Það má ekki einusinni auka burðarþol við að bæta auka hásingu undir, nema framleiðandi tiltaki það sérstaklega.
Þó er hægt að fara til einhverrar vottunarstofu (TÜV minnir mig), til að taka þetta út. Það kostar ferð til Evrópu með bílinn og svo þarf dótið auðvitað að standast þeirra viðmið. Það er sennilega pakki upp á milljón eða svo. Held að Arctic trucks séu að fara þá leið með 6hjóla Hiluxana.
Ræddi þetta við einhvern larf hjá Umferðarstofu, þessar reglur eru alveg út í hött enda apaðar beint upp eftir EES reglum og engu breytt.

Lausn:
Finna bara grindarnúmer af 350 pickup og steikja það á góðan stað, heimskulegum reglum skal bregðast við með heimskulegum lausnum.

kv
Grímur

arctic trucks hefur ekkert að gera með skráninguna að gera á þessum 6 hjóla hilux bílum þeir eru framleiddir svona af verksmiðjum toyota

[Kiddi]

Nibb. Grindin ræður. Það má ekki einusinni auka burðarþol við að bæta auka hásingu undir, nema framleiðandi tiltaki það sérstaklega.
Þó er hægt að fara til einhverrar vottunarstofu (TÜV minnir mig), til að taka þetta út. Það kostar ferð til Evrópu með bílinn og svo þarf dótið auðvitað að standast þeirra viðmið. Það er sennilega pakki upp á milljón eða svo. Held að Arctic trucks séu að fara þá leið með 6hjóla Hiluxana.
Ræddi þetta við einhvern larf hjá Umferðarstofu, þessar reglur eru alveg út í hött enda apaðar beint upp eftir EES reglum og engu breytt.

Lausn:
Finna bara grindarnúmer af 350 pickup og steikja það á góðan stað, heimskulegum reglum skal bregðast við með heimskulegum lausnum.

kv
Grímur

arctic trucks hefur ekkert að gera með skráninguna að gera á þessum 6 hjóla hilux bílum þeir eru framleiddir svona af verksmiðjum toyota

Já OK er það þá gert í sömu verksmiðju og Yaris pallbílarnir?

[grimur]

Uuuuu eitthvað þykir mér nú hæpið að Toyota framleiði Hiluxa með Oberaigner hásingu og 4-link í báðar áttir eins og er undir hvíta luxanum sem var á F4x4 sýningunni. Jafnframt er grindin endursmíðuð langleiðina fram í hvalbak á þeim bíl.
Ég tel mig nú þekkja Arctic Trucks handbragðið ágætlega (Gísla Jóns legt alltsaman, sem er bara flott), sem og Toyota hönnun. Þessir 2 hlutir eru nú ekki eins þó þeir fari vel saman.
Hvaða heimildir eru fyrir því að Toyota framleiði 6 hjóla Hilux, og fyrir hvaða markhóp?

kv
Grímur

[Ýktur]

arctic trucks hefur ekkert að gera með skráninguna að gera á þessum 6 hjóla hilux bílum þeir eru framleiddir svona af verksmiðjum toyota

Ööö skoðaðu þetta:
https://www.facebook.com/media/set/?set ... 284&type=1

Bjarni G.

[villi58]

Hvernig á ég að vista myndirnar af 6x6 Toyotu, bara auðvelda leið ef einhver getur hjálpað mér.

[Stebbi]

arctic trucks hefur ekkert að gera með skráninguna að gera á þessum 6 hjóla hilux bílum þeir eru framleiddir svona af verksmiðjum toyota

Hvaðan hefurðu þann fróðleik. Veit ekki betur en að þetta sé ALLT smíðað og hannað hérna heima.

[StefánDal]

Hvernig á ég að vista myndirnar af 6x6 Toyotu, bara auðvelda leið ef einhver getur hjálpað mér.

Þú opnar myndina í facebook myndaskoðaranum, hægri smellir og velur "Save image as"

[sukkaturbo]

Sælir félagar allt á fullu hásingar komnar undir og dekkin á felgur og undir. Vélin og kassarnir komið á og næst er að fara í að smíða nýjan millikassabita og drifsköft aftan og framan og handbremsu á Tacoma kassan. Fengum Patrol millikassa og munum nota handbremsubúnaðinn af honum. Búnir að rífa gormana úr og láta hann liggja á stuðpúðunum og mæla og spegúlera og setja hann svo í mesta sundurslátt og mæla meira. Nú verður nóg að gera næstu dagana í þessu. Smíðað verður rústfrítt púst og gengið frá öllum lögnum áður en boddýið kemur ofaná. Núna er hæð upp í efribrún á grind að framan 120.cm. Á eftir að koma slatta niður við boddýið og er þá aftur endi á framstífum fyrir neðan mitt hjól og hallar aðeins niður í grindarfestingunni. kveðja Snilli og Tilli.

[Magni]

Hún er svo lítil og krúttleg 4.0 vélin þarna sem á að knýja þetta áfram :)

[sukkaturbo]

Hún er svo lítil og krúttleg 4.0 vélin þarna sem á að knýja þetta áfram :)

Hún er eins og ég algjört krútti pútt en bara ansi þung kveðja Tilli

[thorjon]

Djofull er gaman ad fylgjast med thessu hja ykkur, mikil meistarsmidi og svo synir madur frunni eina og eina mynd af thessu projecti og tha heldur hun um stundarsakir ad eg se edlilegur med minn Patrol thott eg vilji eyda adeins meira I Pattann.

Spennandi verkefni !!

[ellisnorra]

Vá þetta er geggjað. Verkhraðinn hjá ykkur er líka aðdáunarverður, er ekkert annað að gera á Sigló heldur en að breyta bílum? :)
Mér líst mjög vel á þetta hjá ykkur, nú er bara lokahnykkurinn eftir, öll restin! :)

[hobo]

Þetta er bara svakalegt!
En hvernig ætlarðu að komast upp í "bílinn"?

[sukkaturbo]

Sælir já upp í bílinn hm hm??? heyrðu bíddu nú við. Það dugar ekki að setja konuna á fjórar fætur lengur og stíga upp á bakið á henni eins í gamladaga þegar ég var með 44" bílana hún er það nett þessi elska í dag. Heyrðu fæ mér stórt konu viðhald annars. Nei það er of dýrt að vera með tvær konur (tröppur). En já nú veit ég. Ég fæ mér lítið strambolin og málið er leyst. kveðja Tilli

[lecter]

ég er með eina spurningu er ekki til stærri stifu gúmí til að nota i stifur finst ykkur hér ekki grannir boltarnir i gegnum stífurnar ,, þegar komin er svo þung dekk og hásingar ,, þetta er sama og menn nota i litlu jeppana er þetta ekki bara bens gúmíin það er kanski hægt að bora út stálið i miðjuni fyrir sverari bolta ,,, hvað fint ykkur , um það og hvaða gúmí eru til eða i boði ef menn vilja stærri fóðringar þarna ,, hvað með úr fordinum 350 ,,

annars meiri háttar þráður

[sukkaturbo]

Sæll Lecter jú það eru til mikið stærri gúmí og mikið dýrari og ekki fyrir mann á mínum launum. Ég held að ford fóðringar kosti alveg helling eða yfir 100.000. þetta eru um 60mm fóðringar og 12 mm boltar hjá okkur. Þegar þetta fer sem ég vona ekki verður málið endurskoðað..

[sukkaturbo]

Vá þetta er geggjað. Verkhraðinn hjá ykkur er líka aðdáunarverður, er ekkert annað að gera á Sigló heldur en að breyta bílum? :)
Mér líst mjög vel á þetta hjá ykkur, nú er bara lokahnykkurinn eftir, öll restin! :)

Sæll Elli og takk fyrir vinsamleg ummæli.
Ég get verið við þetta 7 daga vikunnar og skilað 2 til 4 tímum á dag. Svo er Snilli á fullu í öllum frítíma sem hann hefur að smíða og hanna og vinnur stundum til miðnættis um helgar. Ég lenti í vinnuslysi 1994 starfaði þá sem lögreglumaður en varð að hætta 2004 og þá orðin alveg handónýtur og er ég í dag eins og gamall 38" Mudder sem búið er að keyra á loftlausum í heila fjallferð fúinn og götóttur en lifandi svo ég er sáttur og þakka fyrir það. Margir verri en ég. Ég var á sýnum tíma ráðinn í lögguna út af handleggjastærð en ekki gáfnafari og þegar hendleggjana naut ekki lengur við og þurfti að fara ða nota gáfurnar, var ég umsvifalaust settur upp á hillu til geymslu. Er orðin algjör ræfill í dag en reyni þó að dunda eitthvað og vera með og rífa kjaft og þykjast hafa vit á öllu. Það bjargar geðheilsunni að geta mætt til einhvers að morgni þó það sé ekki mikið og á ég hjónunum og vinum mínum þeim Gunnari Júl og Sissu mikið að þakka að leyfa mér að vera í skúrnum hjá sér í einu horninu og er ég titlaður sem húsvörður þar. kveðja Guðni

[juddi]

Þið eruð alveg magnaðir þarna fyrir norðan, en þetta með benz fóðringarnar þá hafa þær stundum verið boraðar út í 14 mm td i Econoline 4 link smíði

[sukkaturbo]

Sælir félagar. Áfram með verkið. Sáum smurleka undir bílnum eftir að vélin var kominn á sinn stað og kom hann niður að sjá á milli vélar og sjálfskiptingar ekki mikið en samt. Þar sem ekkert var að gera og mér leiddist og rigning úti reif ég skiptinguna aftan af vélinni viss um að sveifaráspakkningin væri farinn að leka. Ekki get ég séð neinn leka með þessari pakkdós en smit er á milli blokkar og pönnu þarna vinstramegin að aftan miðað við að standa aftan við vélina tók myndirnar áður en ég þreif. Spurning á maður að skipta út sveifaráspakkningunni eða bara að hugsa um pönnupakkninguna og skipta henni út eða rífa og setja rautt silcon með gömlu pakkningunni og skoða legurnar í leiðinni?? Athugaði hvort pakkdósin væri til hjá Toyota sem að sjálfsögðu var og kostar hún um 8000. krónur veit ekki hvort það er til pönnupakkning ein og sér. Nú fyrst maður var búinn að rífa skiptinguna niður var tilvalið að skoða inn í hana kanski væri eitthvað ætilegt þarna. Tók síuna niður en finn nú ekki neina drullu í henni spurning hvort maður eigi að skipta um síu en hún kostar 15.000 hjá Toyota og er hugsanlega til? kveðja Snilli og Tilli

[juddi]

Hvað ætlarðu að smyrja þér piparkökusamloku með síu á milli

[biturk]

Augljóslega maður og setja hana svo í homatsu nestispokann þarna!

En ég myndi skipta um pakkdósina, pakkningarnar a vél og skiptingu og síu víst hún er komin úr
Leiðinlegt að þsurfa að gera þetta kannski rétt eftir að allt er komið saman

[sukkaturbo]

Hvað ætlarðu að smyrja þér piparkökusamloku með síu á milli

Góður Dagbjartur ég fatta þetta núna er ég horfi á myndina

[olafur f johannsson]

Það á bara að þrífa síuna í skiptinguni ekki skipa um hana nema hún sé skemd eða smekk full af svarfi því þetta er margnota sía

[juddi]

Þú hefur sem sagt verið aðframm komin af sulti áður en ég bjargaði þér frá slæmu anorexíutilfelli

[sukkaturbo]

Það á bara að þrífa síuna í skiptinguni ekki skipa um hana nema hún sé skemd eða smekk full af svarfi því þetta er margnota sía

Sæll Ólafur og takk fyrir upplýsingarnar. Þannig að hún er eins og ný og allt í skiptingunni svo ég nota hana áfram og hún verður ekki borðuð með piparkökum og smjöri að sinni. kveðja Tilli

[villi58]

Þú tjakkar nú á legunum fyrst þú ert með vélina í gálganum.
Pannan er oft límd segja þeir í Stillingu, fékk bara túbu með síðasta setti sem ég pantaði.
Kveðja! VR.

[birgiring]

Ég hel að pannan sé límd, og á milli pönnu og blokkar er plata (stiffening plate) sem þarf líka að taka niður,hreinsa og líma.
Kv. Birgir

[sukkaturbo]

Sæll Villi ég var að vona að einhver mundi mynnast á það að skoða skemmtilegurnar. kveðja Tilli

[sukkaturbo]

Sælir félagar þá er búið að opna og loka og setja saman aftur. Kíkt var inn í sjálfskiptinguna á síuna og fleira. Síðan var pannan tekin neðan af vélinni og hún skoðuð. Allt komið saman og tilbúið í notkunn.
Hér er reikningsdæmi handa ykkur félagar um gírunina í dótinu hjá okkur. 1 gír í sjálfskiptingunni sem heitir A440F er 2,95:1 milli gírinn sem er New Proces 246 32 rilli er með 2,72:1 í lágadrifinu og aftasti millikassanum sem er úr Toyota Tacoma er með lágadrif upp á 2,28:1 og drifhlutfallið í Unimog hásingunum sem heita 404 er 7,54:1 hver er þá heildar niðurgíruninn? kveðja Snilli og Tilli.

[jongud]

138 ætti að duga þó að það séu risadekk undir.
Þar að auki er sjálfskipting sem þýðir að converterinn gírar niður aukalega.

[sukkaturbo]

Sælir takk fyrir þetta en er þetta nógu lágt spurning hvort gírkassi með lágan 1 gír T-19 eða T-18 með millikassa til vinstri bronco eða einhver ford væri heppilegri sem milligír?. Hvað var hiluxinn með hér í denn með 1 gír 1,4,5:1milligír 4,70:1 og 2,20:1 0g 5:70:1? var það ekki sirka 265:1

[grimur]

Á þessum bíl ætti ekki að þurfa svo mikla niðurgírun. Ef í hart fer þá er bara að leggja seinna af stað!!!

[sukkaturbo]

Sæll Grímur fín hugmynd nota hana ef hann kemst einhvern tíman af stað. Er ekki enn búinn að leysa hvernig ég kemst upp í kvikindið.kveðja Tilli