Hið íslenska jeppaspjall

Er einhver hér sem hefur reynslu af bensínmiðstöðvum? Eru þær eitthvað skárri en díselmiðstöðvar hvað varðar hávaðann? Hver er annars munurinn?

þær bensín/díselmiðstöðvar sem ég hef skoðað hafa allar sama gallann, þessa fjandans tikk-dælu sem getur gert hvern mann geðveikan.

hinsvegar er stórmunur á hávaða í bensín/dísel miðstöð annarsvegar og gasmiðstöð hinsvegar. ég er ekki í vafa um að ég set gasmiðstöð í ferðavagninn minn, ekki díselmiðstöð, nánar tiltekið Trumatic E2400.

Gasmiðstöð ekki spurning og ef þú ert að spá í þetta til að hita upp súkkuna þá prímus bara :)

Ég veit að gasmiðstöð er málið, en ég á til bensínmiðstöð og er bara að spá hvort það sé fyrirhafnarinnar virði að fiffa þetta í. Kann sæmilega á díselrellurnar en hef aldrei átt við bensíngræju.

Ertu að spá í að hafa hana inní bíl eða í húddinu?

Príus :D haha. súkkan er svo litið einangruð að ef þú einangrar hana er það nóg :D en ég hef ekki reynslu nema af gasmiðstöðvum og þær skila sínu fyrir lítin kosnað. allavega í húsbílnum góða.

Húddinu, nóg pláss þar.

það er hérumbil nægt pláss fyrir aðra vél í pörtum. grínlaust.

Er þá nokkuð annað en að græja hana beint inná miðstöðvarstokkinn og setja í gang. Hávaðinn í henni ætti varla að halda vöku fyrir mönnum á meðan hún er í húddinu.

Hún myndi amk halda vöku fyrir öllum öðrum í grendinni :)
Annars er nú hæpið að sofa í þessu skóhorni svo hún yrði nú líklega ekki nýtt í svoleiðis. Frekar bara til að hafa heitan bíl á morgnana fyrir krílin.
En ég held ég geymi þetta í bili, miklu meira vit í að koma fyrir góðri loftdælu og svona.
Þakka góð ráð.

Pabbi er með bensínmiðstöð (Webasto) í Econoline og hún er nú ekki háværari en svo að hún var sett bakvið klæðningu í hliðinni afturí. Helsti gallinn við hana er að hún þarf rafmagn til þess að keyra.

Hvernig græja er þetta, er þetta kælivatnshitari eða hitablásari?

Heyrðu þetta er bara hitablásari sem blæs inn í miðstöðvarrörin aftur í bílnum