Hið íslenska jeppaspjall

Ég er með '99 Patrol með 2.8 l vélina.

Þetta byrjaði þannig að ég var að keyra á jöfnum hraða og þá var bara eins og hann missti allt afl, svo drapst á honum eftir nokkrar sekúndur.

Ég gat komið honum aftur í gang en það þurfti að snúa honum lengi áður en hann fór í gang og þá var gangurinn ótraustur, lýsti sér eins og bíllinn vípraði aðeins.

Ég gat þá keyrt í kannski 1-2 mínútur og aftur missti hann afl og þá gat ég komið honum aftur í gang með að kúpla inní gír og þá fór hann aftur í gang.
Hann virðist halda sér í gangi ef hann er bara stopp í hægagangi.
Ég gafst síðan uppá þessu og hætti að reyna að koma honum í gang.

Hafa menn einhverja hugmynd um hvað þetta getur verið?

Hráolíusía?

andrijo wrote:Hráolíusía?

En mundi það þá bara byrja allt í einu, enginn aðdragandi?

Ég þori ekki að fara með það, datt þetta bara í hug, þ.e. að það væri einhver tregða í eldsneytiskerfinu fyrst hann gengur lausaganginn en ekki meira.
Örugglega samt einhverjir snillingar hér sem geta komið með uppástungur um hvað gæti verið að:)

gangi þér vel með þetta

Byrjaðu á að skipta um hráolíu síuna og sjáðu hvað gerist. Það borgar sig að skipta um þær einusinni til tvisvar á ári. Ég hef reynt að hafa það sem reglu að skipta um seinni part hausts. sept/okt.

Er eitthvað mikið mál að skipta um síuna sjálfur?

Sæll

Ég myndi leita að olíuleka því að mér finnst þetta hljóma eins og hann sé að draga sér loft í olíukerfið.

Kv Jón Garðar

Sæll
Gæti verið stífluð sía eða stíflað úr tank, veit um nokkur svona dæmi, vélarnar gengu fínt í hægagangi og lítilli gjöf en um leið og þeim var gefið hressilega í svolítinn tima þá drápu þær á sér. Einfaldast er að byrja á síunni ;)

Kveðja Bubbi

Er þetta 3ja lítra vélin? Er olíuverkið ekki bara að kveðja þennann heim?

HaffiTopp wrote:Er þetta 3ja lítra vélin? Er olíuverkið ekki bara að kveðja þennann heim?

Þetta er 2.8 lítra vélin.

Vona að það sé hráolíusían eða kertin, vona helst að það sé ekki olíuverkið.

HaffiTopp wrote:Er þetta 3ja lítra vélin? Er olíuverkið ekki bara að kveðja þennann heim?

Varðandi olíuverkið í 3gja lítra bílnum. Þá heyrði ég að það hafi verið búið að dæma 3 verk ónýt á Ísafirði. Og reyndar það fjórða líka sem að er í björgunarsveitarbíl á Suðureyri. Þeir settu 3 eða 4 brúsa af spíssahreinsir í tankinn og það snar lagaðist. Og hefur virkað fínt síðan. Það er kanski spurning fyrir þá sem eru með 3gja lítra vélina að prufa þetta fyrst. Allavega er þetta ódýrari kostur en annað verk. En það er ekki þar með sagt að þetta virki á alla 3gja lítra vélarnar. En það kostar ekki mikið að prufa fyrst áður en menn fara útí það að skipta um verk.

vidart wrote:
Vona að það sé hráolíusían eða kertin, vona helst að það sé ekki olíuverkið.

Þú getur útilokað kertin, þau breyta engu eftir að bíllinn er orðinn heitur

Voru ekki einhver olíuverk með litla síu á inntakinu sem hefur verið til vandræða?
Spurning hvort það er eitthvað svoleiðis á þessu verki

Settu hann í gang kaldann og láttu hann ganga þar til hann drepur á sér (ef hann þá gerir það á annað borð). Pumpaðu þá upp á hráolíudælunni þangað til verður stíft að dæla og settu hann svo aftur í gang. Ef hann er góður í gang miðað við venjulega þá er einhverstaðar olíutregða eða leki.

HaffiTopp wrote:Pumpaðu þá upp á hráolíudælunni

átti náttúrulega að vera hráolíusíunni

Ekki var það hráolíusían, núna er veðjað á glóðakertin og gat á olíuleiðslunni.

einsog hefur komið fram þá skipta glóðarkertin engu máli eftir að mótorinn er kominn í gang (ef hann dettur í gang eru þau góð).

prófa að taka lögnina frá tanki (í húddi) og setja þar inn olíuna og ef hann gengur fínt á því eru það lagnir.

annars rámar mig í að það sé skynjari á olíuverkinu sem hafi verið með stæla á sumum 2,8, prófaðu að tala við Vélaland varðandi það, í umboðinu var bara í boði að fá allt verkið.

Kom í ljós að það var gat á olíuleiðslunni. Það var líka löngu kominn tími á hráolíusíuna og núna er hann sprækari í gang og í akstri og allt telur þegar maður er með 2.8 lítra vélina.