Hið íslenska jeppaspjall

Daginn,

Þetta er kannski frekar langsótt en getur einhver sagt mér hvað þessi hvíti kassi sem rauði hringurinn er dreginn utan um gerir?



Þetta er prentplata úr webasto hitara ef það gagnast að vita og það kemur svona spenna ofan á þetta eins og sést á þessari mynd:



Ef ekki þá má benda mér á spjallsíðu fyrir rafmagnsnörda sem gætu útskýrt það fyrir mér.

Það er svo margt sem þetta getur verið, fyrsta sem mér dettur í hug er hitaöryggi en ómögulegt að segja til um það af myndum, sérðu einhverja stafi, tölur eða merki? er þetta alveg kassi eða einhverjar hliðar rúnaðar?

Þetta er örugglega hitavar eins og Benni segir og þá díoða. Það er eins og þessi spöng leggist yfir transistorinn og þessa díóðu til að halda þeim á heatsinkinu.

Takk kærlega fyrir að nenna pæla í þessu félagar,

Vandamálið er það að myndin er af samskonar prentplötu og minni, nema hvað að kubburinn er horfinn af þeirri sem ég er að nota.
Ég tók prentplötuna úr webasto stöðinni vegna ónýts jarðtengis sem var svo lagað með lóðun. Það er búið að ganga úr skugga um að lóðningarnar séu í lagi hjá mér en vandamálið liggur í því að þetta stykki vantar allt í einu og ég veit ekkert hvar það er! Þegar ég var svo að tengja prentplötuna áðan við webasto-inn þá fór hún í gang nema bara virkar ekki eins og skyldi, þ.e. ræsir sig eins og vanalega og tekur loft inná sig og byrjar að hreinsa sig en fer svo ekki í næsta ham, þ.e. að byrja að hita glóðarkerti til að hita kælivatnið o.s.frv.
Ég var því að velta því fyrir mér hvort þessi hvíti kubbur sé að hafa áhrif á virkni stöðvarinnar eða hvort þetta skipti engu máli. Eins og sést á seinni myndinni þá kemur svona spöng ofaná þennan hvíta kubb ásamt svarta kubbinum með þrem vírunum sem tengjast honum(transistorinn). Þessi spöng er svo með gati fyrir lítinn bolta og þetta boltast beint ofaná húsið utan um webasto stöðina sem er málmur. Semsagt hvíti kubburinn liggur ofaná málmhúsi webasto stöðvarinnar.
Gæti þessi kubbur haft eitthvað með virkni stöðvarinnar að gera??? og ef svo er... er hægt að græja nýjann kubb á??

Ég skal reyna að mynda þetta betur en myndirnar hér að ofan eru af netinu, en mín prentplata er nákvæmlega eins nema hvíta kubbinn vantar!

Stebbi wrote:Þetta er örugglega hitavar eins og Benni segir og þá díoða. Það er eins og þessi spöng leggist yfir transistorinn og þessa díóðu til að halda þeim á heatsinkinu.

Hvað áttu við með að halda þeim á heatsinkinu?

Heatsinkið í þessu tilfelli virðist vera húsið utanum allt dótið. Ef að það er úr áli þá er það notað til að koma hita frá transistornum.